La-ukei ta Pol atorou ili tiri lau badu kon Rom 16:7 - Nyindrou

⁷ Ya sekesek tek doh ki ta Andronikus hawe Juniyas. Uru badeh, ndraye ahi rabuk ta amekes lahou hawek ya uru hawe jo mene aso ado bolo kou. Ya uru ma la-uh badeh, lahou turu ili labai udu bolo ndrokowa oro aposel ta Jises. Ma uru atehei budon turu handru i ta Krais bwena tek.

La-ukei ta Pol atorou ili tiri lau badu kon Rom 16:7 Referans Kwoze

La-ukei ta Pol atorou ili tiri lau badu kon Rom 16:21

Ma eme Timoti, ndramak ta amekes lahou hawek ale tiye sahou sekesek tan ewek taha; ma hawe Lusiyus, hawe Jesen, hawe Sosipater ale. Oro lau ma taloh doh badeh, oro Juwis i le buku jo.

La-ukei ta Pol atorou ili tiri lau badu kon Rom 16:11

Ya sekesek tek ja ki ta Herodiyon. Iy badeh, badu Juwis ale, ta amekes lahou hawek. Ma hawe sekesek tek ale ki toro lau ta Laban ado hawe Narsisus badeh.

Pilemon 1:23

Ya, Epapras badeh, udu bolo kou hawek kada-ah ale. Iy anya, bada-an tan mwasin ewek tam. Ya, aru ma la-uh ado bolo asiu lulik kada-ah badeh, ta atiye sahou mwasin ta Krais Jises.

Kolosi 4:10

Aristakus badeh, udu bolo asiu lulik hawek, iy anya, bada-an ewek taha. Ma Mak badeh, kali Banabas, iy ale anya, bada-an tan ewek taha. Buku iy ewek hawe aha, aha kasekesek ta akohok iy, buku jo ndratehei sahou mene ndrawek taha.

Epesus 2:10

Tasah, Kindrei le amwenen amekes taha, ma ta gok mene Krais Jises amekes, Kindrei bwidi taha asahan ha-un ja, eme ma taha winiyan amekes kandriyen mwasin buku bwena mene iy lowosa taha, ma aseken taha kamekes, ma ka-en hamon ta aliy.

Galesiya 1:22

Na len doh, iri lau ta Kindrei badu Judiya bala tanan jo bwe le.

2 Korin 5:17

Ya, bolo len dah, are lau mwan o badih, atehei budon tiri mara-ei in ta Krais, badeh, Kindrei ndrabwidi iri ndrasahan ha-un labai. Eme ma, kandriyen malen bwena ndra-au mara-ei, ma kandriyen mwasin ha-un ndrasahan.

Rebelesen 1:9

Jo Jon, jo nadu tine aha lau ta Jises. Jo badu hawe aha ta bwese maha-an ma akohok sisi-in, jo udu bilisiu ta Kindrei hawe aha. Ma taha mara-ei ales are le se atadau taha ta bwese maha-an. Jo mene atiye sahou ta Kindrei, ma jo asehek ta jo amwenen badeh, atehei budon tek mara-ei in ta sahou handru ta nyala Jises. Eme ma iri lau tinan badu Rom badeh, tikahei jo, ma atehei jo ili bolo kou udu busu ari, iri aloh Patmos.

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

1 Jon 4:13

I buku sah handru taha kameh atana taha, buku taha an hawe Kindrei? Ya Kindrei in hawe taha? Taha atana taha, tasah iy ndratehei Malawin Ndrabun ndrame la-u taha.

Galesiya 6:15

Eme nadah, ari katin bwe, ki buku none asan ku-i taha, o, i buku none basan bwe; arile katin handru i buku doh: Ta ndramak badeh, kasahan ha-un.

Galesiya 5:6

Ma, Krais badeh, aso-ok taha labai, eme ma taha aso-ok iy ma a-en hamon tan. I buku ari ndramak iy anya kisan ku-in, o bwe, idoh lakou laleyah. Lakou laba tinan badeh, i buku doh: Taha badeh, katehei budon tataha handru ki-in le ta Krais, tasah taha badeh, aso-ok iy tinan labai.

Galesiya 2:6

Arile, oro tinan tiri lau ta Kindrei badu Jerusalem badeh, bamekes bala buku iri lau ta wasai doh bwe. Taha anya, oro tinan tiri lau ta Kindrei doh badeh, are bwele-en sese tiri lau rayah ja, arile Kindrei ja badeh, baso-ok oro lau tinan nane doh bwe. Iy ja badeh, banyolom oro ta lakou badu manan bwe. Eme ma, lakou laleyah ta budon tek, iri tinan deh bwe. Oro badeh, badeu sahou toro amwenen bala hawe sahou mwasin nane aso asehek ewek taha bwe,

2 Korin 11:23

Iri anya iri ta amekes gok ta Krais? (Nadah, jo anya kasehek sahou buku ari ndramak lolo-ou ai.) Jo badeh, udu bwele-e iri ja, ta gok ta Krais. Jo ibo gok boto-on labai, ma jo mwasin mara-ei ja tiri lau ta atiye sahou mwasin. Len tek badeh, solo-an labai ja tiri, ta len sabe jo udu bolo asiu lulik. Iri lau adi jo na malou sakabuk i bek, san solo-an labai, jo winiyan bandromwei bwe. San solo-an labai, jo mirihik kimek.

2 Korin 5:21

Iy Krais doh, iy tanan ta amekes kandriyen ndra-in bwe, arile Kindrei ndratukumwi kandriyen ndra-in tataha marakon ndrala le bwele-en, ma iy asahan i buku ari ndramak ndra-in handru. Iy amekes i buku doh, ta taha winiyan are hawe Krais, ma na le boto-on tan amwenen, taha winiyan asahan iri mwan ma badih mwasin ta mada Kindrei.

1 Korin 1:30

Tasah, Kindrei ndratehei aha ndrahis hawe Krais Jises, ma iy atehei Krais asahan kati iri tanan mwasin tataha. Na iy le, taha asahan ndrabun ma lau mwasin labai ta madan. Ma iy ale i nyara san ta Kindrei akohok taha ame hamon ja.

La-ukei ta Pol atorou ili tiri lau badu kon Rom 8:1

Ya eme sendrehendreh ta lakou mari i buku doh: Are lau asahan ari buruwen hawe Krais Jises badeh, batanau malen ta Kindrei winiyan batiyani iy bala ta mada sahou ma badeu maha-an bala tan ja bwe.

Tarou ta Jon 15:2

Buku andrak rayah bato-ou sali iri bwe, tama eme atubwa iu. Tama eme apis la-uk rayah ndra-in iu, ta iri kato-ou sali iri kamwenen ma solo-an.

Tarou ta Jon 14:20

Len doh kameh asahan taha, ma aha kameh atanan ta jo badeh, in hawe tama, aha a-en hawek, ma jo in hawe aha.

Tarou ta Jon 6:56

Are lau iy aimon odak ma iy a-un ndrayek, iy badeh, in hawek ma jo in hawen.

Galesiya 2:2

Kindrei asehek sahou eme tek, i san ta ameh, eme ma jo ili. Aso ala asahan Jerusalem, ano jo ili atukum hawe iri lau ta mwena tiri lau ta Kindrei. Jo batukum hawe iri lau mari bwe. Jo atukum hawe iri lau ta mwena le tiri. Jo asehek tiri le ta sahou mwasin jo mene ndrasehek tiri mwan ma badih badu leheleh. Jo badeh, abudon i buku doh: “Kora-on iri basekesek ta sahou jo asehek dah bwe, ma iri gok jo amekes dah kameh iu laleyah.” Eme ma jo asehek nyala iri.

La-ukei ta Pol atorou ili tiri lau badu kon Rom 8:11

Ya, ki buku none Malawin Ndrabun ta Kindrei mene mete-ei Jises ta imek tan amak eme loken, kamanyah kudu bolo aha, iy winiyan mete-ei aha amak ame loken i le buku Krais mene, iy mete-ei iy eme loken. Ma iy kameh aluhi kohan handru kameh i bada aha i san ta Malawin Ndrabun udu bolo aha.

La-ukei ta Pol atorou ili tiri lau badu kon Rom 9:3

Ki buku none mwasin eh, jo aseken losen ta Kindrei keme la-uk, ya jo kakohok kon tiri lau ndraye ahi rabuk, keme len ta Krais, ya eme oro le kakohok kohan ta udu le buku doh.

La-ukei ta Pol atorou ili tiri lau badu kon Rom 16:3

Jo anya katiye sahou ta sekesek tek doh ki ta Prisila uru udun Akwila. Uru badeh, ta badu hawek ta amekes lahou ta Krais Jises.

La-ukei ta Pol atorou ili tiri lau badu kon Rom 16:6

Sekesek tek ja ki ta Mariya. Iy mene amekes lahou boto-on boto-on ma amekes lakou solo-an labai ta aseben aha.

La-ukei ta Pol atorou ili tiri lau badu kon Rom 16:8

Ya sekesek tek doh ki ta kawas tek Ampiliyatus. Jo aseken iy labai i san ta Laban.

La-ukei ta Pol atorou ili tiri lau badu kon Rom 16:9

Ma sekesek tek ale ki ta Urbanus. Iy mene eme hawek ya aru amekes lahou ta Krais. Ma hawe sekesek tek ki ta kawas tek handru ale Stakis.

La-ukei ta Pol atorou ili tiri lau badu kon Rom 16:10

Sekesek tek doh ki ta Apelis. Nyaran badeh, mwasin, tasah iri lau ndranyolom iy ateu lahou ta Krais udu mwasin. Ma hawe sekesek tek ki toro lowa Aristobolus ala budon toro handru i ta Krais are asiu tan badeh.

2 Korin 12:2

Jo tanan ndramak ta Krais ari. Udu bolo jaha ronoh hahuw (14) ndra-au, Kindrei badeh, andrei iy ma mwasin iu ili bolo kandrah loken, loken labai handru on. Sebwe, iy ma mwasin o malawin le, jo bala tanan bwai. Kindrei le ari badeh, tanan ai.