La-ukei ta Pol atorou ili tiri lau badu kon Rom 16:5 - Nyindrou

⁵ Ma sekesek tek ale kili toro lau ta Kindrei atukum are asiu turu badeh. Ma hawe sekesek tek ki ta borobwar tek handru Epenetus. Iy asahan lohowan ta Kindrei, ma mwena handru tiri lau mari badu kon loboho Esiya.

La-ukei ta Pol atorou ili tiri lau badu kon Rom 16:5 Referans Kwoze

Kolosi 4:15

Jo aso-ok aha katiye bada-an tek mwasin badeh, kili ta nadu tine iri mwan ma badih, are bolo kon tinan Leyodisiya. Ma bada-an tek mwasin ale kili ta Nimpa hawe iri mwan ma badih ta Kindrei nane atukum are asiu tan.

Pilemon 1:2

ma jo atorou la-ukei dah ewek tam, ma hawe buru-u to badih ari nyaran Apiya, ma hawe ndramak ari ta bahun tato nyaran Apikus, iy ta amekes lahou ta Krais i buku le to amekes. Ma ewek toro lau ta Kindrei ale atukum awek asiu tam ta atudun Laban.

1 Korin 16:19

Iri lau mwan ma badih ta Kindrei badu bolo kon tinan Esiya tiye sekesek tiri ewek taha. Akwila uru Prisila hawe iri lau mwan ma badih ta Kindrei badeh, atukum ala le asiu turu, eme iri tiye sekesek tiri tinan ewek taha in ta nyara Laban.

1 Korin 16:15

Aha nadu tine i san ta Krais, aha tanan, Stepanas oro badeh, ndrasahan iri lau ta Kindrei ma bwena handru, ta iri lau rayah ja ado bolo kon tinan Akaya. Na so-ok toro le, oro amekes gok ta aseben iri lau ta Kindrei.

Metiu 18:20

Ya, buku none lau la-uh deh lau taloh ame atukum ta nyarak, mwasin, jo amwenen kameh ereu ndrokowa oro.”

Rebelesen 14:4

Sahou sokek ari badeh, asahan i buku doh: Iri badeh, a buku iri lau mwan, iri bamadin sese hawe iri badih, ma bamekes karei hawe iri, bwe. Iri ma buruwen kahis. Ma iri kon mara-ei nane, Nadu Sipsip anya kili aliy, san nane doh le badeh, iri lau a-en hamon tan. Kindrei mene ndrakonohei iri are bolo iri lau mara-ei badu kon munyak, iri ma bwena handru, Kindrei mene konohei iri. Ma iri badeh, asahan lau tan hawe lau ta ndramak ari, konen i buku Nadu Sipsip.

3 Jon 1:1

Jo Jon, jo udu bwena, ta atondrok lau ta Kindrei. Gayus, jo atorou la-ukei dah ewek tam. Ou nadu tinek handru. Jo aseken ou.

Jemis 1:18

Na budon tan le amwenen, iy bwidi taha asahan nadun na sahou tan handru, ma iy asahan tama taha. Handru, iy atehei sahou tan eme tataha, eme ma taha atehei budon tataha mara-ei in le tan. Iy amekes i buku doh, ta taha kare bwele-e lakou marakon iy ndramesekei.

2 Korin 9:2

Tasah, jo ndratanan, aha badeh, aso-ok ta amekes gok dah, ta atukum ma adeu luk ta aseben iri. Eme ma, len mara-ei jo atudun nyara aha, ma tiye iri lau ta Kindrei badu kon tinan Masadoniya. Jo tiye tiri i buku doh: “Na jaha mene ndra-au, iri lau badu Akaya lokowani iri ta amekes gok ta atukum luk.” Ma iri anuhun sahou ta aha amekes gok dah ta aseben iri lau badu Judiya, ma suri ndrine iri lau solo-an badu Masadoniya amekes ale.

2 Korin 1:1

Jo Pol, jo aposel ari ta Krais Jises. Ta so-ok ta Kindrei le amwenen, iy atehei jo asahan aposel. Jo hawe nadu tine taha ari Timoti, aru mala-uh atorou la-ukei dah ewek taha mwan ma badih ta Kindrei are kon Korin, hawe iri mwan ma badih ta Kindrei marakon are loboho kon munyak tinan Akaya.

La-ukei ta Pol atorou ili tiri lau badu kon Rom 16:12

Sekesek tek ki turu badih doh, Traipena hawe Traiposa. Uru badih doh amekes lahou mwasin handru ma amekes lahou boto-on boto-on ta Laban. Ma hawe sahou sekesek tek ki ta borobwar tek Persis. Iy badeh, badih ari ja amekes lahou solo-an solo-an ta Laban.

La-ukei ta Pol atorou ili tiri lau badu kon Rom 16:8

Ya sekesek tek doh ki ta kawas tek Ampiliyatus. Jo aseken iy labai i san ta Laban.

La-ukei ta Pol atorou ili tiri lau badu kon Rom 15:26

Tasah, iri lau ta budon handru i ta Kindrei badu kon Masadoniya hawe badu kon Akaya badeh, sekesek handru ta atukum lakou ta aseben oro lau ta Kindrei ado Jerusalem, oro badeh, andriliu ta lakou.

La-ukei ta Pol atorou ili tiri lau badu kon Rom 11:16

Ya, sahou sokek i buku doh: I buku none ou amekes jabi ramen, ano ou andrei ari ma mwena, ou adeu i ta Kindrei i nyara ndramas badeh, jabi ramen mari ndra tan kabwe. Ma, i buku none kandro kei katehei ki ndramas ki ta Kindrei badeh, ma andran mari kili hawen ale. Idoh leheya buku, bwena mene, Abraham hawe tubu iri Isra-el rayah ndratehei iri ndra ta Kindrei. Eme ya, udu hamon ja, iri lundriye Isra-el kameh ame hawen ale.

Aposel 18:27

Na len Apolos anya kili Akaya badeh, nadu tinen oro ta Kindrei rayah amekes ndrinen abadok ta ili, ma oro atorou la-ukei ili toro lau ta hamon ta Jises kabe-en iy. Eme Apolos asahan badeh, ma iy ndramak mwasin ta aseben oro are mene asahan lau ta budon handru i san ta tikisiy ta Kindrei.

Aposel 18:12

Na len iri lau atondrok Rom atehei Galiyo asahan kabin ta kon tinan Akaya, eme iri Juwis atukum ase tawi Pol ma aruwi iy ili ales ere mada sahou.

Aposel 2:9

To badeh, badu kon munyak tinan Partiya, Midiya, ma Elam. To ale badu kon munyak tinan Mesopotemiya, Judiya, Kapadosiya, Pontus hawe Esiya.

Aposel 16:6

Eme Pol hawe oro lau badu hawen, adek ala loboho kon munyak tinan Prijiya hawe Galesiya. Oro badeh, batiye sahou bala bolo kon tinan badu Esiya bwe. Tasah, Malawin Ndrabun badeh, tiye oro sala.

La-ukei ta Pol atorou ili tiri lau badu kon Rom 16:4

Uru banoh bwe, uru aseben jo na len iri lau anya kadai jo. Jo le ari le badeu wurah bala turu le bwe, ahi mari. Iri lau ta Kindrei badu leheleh eneh ma jo eh.

La-ukei ta Pol atorou ili tiri lau badu kon Rom 16:6

Sekesek tek ja ki ta Mariya. Iy mene amekes lahou boto-on boto-on ma amekes lakou solo-an labai ta aseben aha.