La-ukei ta Pol atorou ili tiri lau badu kon Rom 16:4 - Nyindrou

⁴ Uru banoh bwe, uru aseben jo na len iri lau anya kadai jo. Jo le ari le badeu wurah bala turu le bwe, ahi mari. Iri lau ta Kindrei badu leheleh eneh ma jo eh.

La-ukei ta Pol atorou ili tiri lau badu kon Rom 16:4 Referans Kwoze

1 Jon 3:16

Jises ruwani kohan ta aseben taha, ya na kandriyen iy amekes, taha ndratana taha, kandriyen ta tikisiy ma aso-ok ndramak ari ja. Eme ma taha ale kalokou taha ta adeu koha taha ta aseben ndramak ari ja.

Pilipai 2:30

Tasah, iy atehei boto-on ma kohan mari i ta lahou ta Jises, ya sese le iy kimek. Iy atehei boto-on tan hawe kohan mari i ta aliy ta aseben jo, tasah ki ado badeh, winiyan bwe.

1 Tesalonaika 2:14

Ya, aha nadu tine aso, aso tanan, lakou badeh, handru. Tasah, aha asahan i buku le iri lau mwan ma badih ta Kindrei, iri are loboho bada kon Judiya, iri atehei budon tiri in ta Krais Jises. Aha asahan i buku le iri, ma aha akohok maha-an badu mine iri lau rayah badu Tesalonaika amwenen, i buku iri lau ta Kindrei badu Judiya mene akohok badu mine iri Juwis rayah ale.

1 Korin 16:1

Na idah jo anya katiye ta luk nane aha anya katukum kili tiri lau mwan ma badih ta Kindrei iri ado Jerusalem. Jo ndraleheyani san ta amekes gok nane doh ndrala tiri lau ta Kindrei badu loboho Galesiya, ma aha ale ka-en hamon le ta kandriyen nane iri amekes.

1 Korin 7:17

Ya iri ndramas ma tanan marakon nane Kindrei ndratehei ndrame tataha lau ari ari, ma saba gok taha are aliy bwena mene, eme Kindrei bwidi taha asahan lau tan; taha kadek le san doh. Jo badeh, edeu batanau i buku doh ili tiri lau ta Kindrei are bolo kon rakon rakon.

La-ukei ta Pol atorou ili tiri lau badu kon Rom 5:7

Handru labai, iy ari tataha winiyan bamak ta aseben ndramak ari, taha aloh iy ndramak mwasin ta mada taha, bwe. Arile, i buku taha anyolom ndramak ari kandriyen tan mwasin labai mara-ei, sebwe taha ari winiyan atehei iy imek ta aseben iy lau doh.

Aposel 16:5

Ma iri lau ta Kindrei abadok ta budon handru tiri ma len mari badeh, kane iri edek i sola.

Aposel 15:41

Ya, uru ala bolo kon munyak tinan Siriya ma hawe Silisiya asehek sahou, ta amekes iri lau ta Kindrei kabadok.

Tarou ta Jon 15:13

I buku ari ndramak iy anya kaleheya so-ok tan tinan labai kili tiri kawas tan, badeh, iy katehei iy mara-ei amwenen kili, iy kimek ta aseben iri. Kandriyen ari le doh udu bwele-e iri kandriyen mari.

Rebelesen 1:4

Jo Jon, jo atorou sahou dah ewek taha mwan ma badih ta Kindrei badu kon ma ndro taloh udu bada kon tinan Esiya. Jo anya kedeu bada-an mwasin kewek taha ta nyara Kindrei. Na len dah iy udu hawe taha kada-ah, bwena, bwena iy udu aliy ale, ma hamon kameh iy eme hawe taha. Ma jo anya kedeu bada-an mwasin kewek taha ale ta nyara malawin mwasin ma ndro taloh, na len mara-ei oro manyah ado mirihik ta koyeu ta Kindrei. Ma jo anya kedeu bada-an kewek taha ale in ta nyara Jises Krais, iy ta atiye iri sahou marakon ta Kindrei. Iy le ari badeh, amak udu bolo lek tan eme awas ja ma mwena handru ta lau mara-ei. Ma iy asahan tinan ja tiri kabin marakon ado kon munyak. Tikisiy ma manyah mwasin ta Kindrei uru nadun Jises hawe Malawin Ndrabun badeh, kudu hawe aha. Jises Krais badeh, aso-ok taha mwan ma badih tinan labai, ma ta ndrayen amou udu bada kei tondreh eme andri, ma ndrasikinei kandriyen ndra-in tataha mara-ei ndra-au.

Aposel 9:31

Ano iri lau ta budon handru badu loboho Judiya, Galili hawe Samariya sekesek handru ta iri babwese isi ja bwe. Iri badeh, abadok ma ales boto-on na boto-on ta Malawin Ndrabun. Ma eme, kane iri i sola ma iri anoh Kindrei, eme ma iri atudun iy.

Aposel 15:26

Uru lau doh badeh, ndratehei koha uru ndra ta imek ta nyara Laban tataha Jises Krais.

La-ukei ta Pol atorou ili tiri lau badu kon Rom 16:3

Jo anya katiye sahou ta sekesek tek doh ki ta Prisila uru udun Akwila. Uru badeh, ta badu hawek ta amekes lahou ta Krais Jises.

La-ukei ta Pol atorou ili tiri lau badu kon Rom 16:5

Ma sekesek tek ale kili toro lau ta Kindrei atukum are asiu turu badeh. Ma hawe sekesek tek ki ta borobwar tek handru Epenetus. Iy asahan lohowan ta Kindrei, ma mwena handru tiri lau mari badu kon loboho Esiya.