La-ukei ta Pol atorou ili tiri lau badu kon Rom 16:16 - Nyindrou

¹⁶ Na len aha atukum, aha kadeu lim ma kasekesek aha ari ari. Ya oro lau ta budon toro handru tiye sahou sekesek ewek taha are badeh.

La-ukei ta Pol atorou ili tiri lau badu kon Rom 16:16 Referans Kwoze

1 Korin 16:20

Iri nadu tine taha rayah are kada-ah tiye sekesek tiri tinan ewek taha ale. Ta kandriyen tataha lau mwan ma badih ta Kindrei, aha marakon kateu mine nadu tine aha ari, ari, iri are ndrokowa aha amwenen.

1 Tesalonaika 5:26

Ta kandriyen tataha lau marakon ta Kindrei, aha kateu lim, ma aha kaleheya sekesek taha kili ta nadu tine aha iri marakon.

2 Korin 13:12

Ta kandriyen ta taha mwan ma badih ta Kindrei, aha ari, ari badeh, kateu lim hawe nadu tinem mwan ma badih rayah ja.

1 Pita 5:14

Aha mari kateu lim kereu ndrokowa aha, ma aha katehei sekesek ki tiri lau ra-on ja ta Kindrei areu badeh. Aha kaleheya ki tiri buku none aha aseken iri handru, ma aha atehei ndrine aha i tiri handru. Jo aso-ok aha lau mari an hamon ta Krais, ndrine aha ma budon taha kudu mwasin.

Aposel 20:37

Iri marakon tawi iy, ma iri aden, iri tikisi iy tinan labai, ma iri bwale iri iy iu.

Aposel 20:28

Ado badeh, katondrok ado kamwenen, ma hawe katondrok lau ta Kindrei mene Malawin Ndrabun atehei iri ado baha tondrok tado. Ado badeh, a buku lau ta atondrok sipsip, ado katondrok iri lau ta budon handru ta Kindrei, ala iy mene konohei iri na ndraye nadun amwenen.