La-ukei ta Pol atorou ili tiri lau badu kon Rom 16:10 - Nyindrou

¹⁰ Sekesek tek doh ki ta Apelis. Nyaran badeh, mwasin, tasah iri lau ndranyolom iy ateu lahou ta Krais udu mwasin. Ma hawe sekesek tek ki toro lowa Aristobolus ala budon toro handru i ta Krais are asiu tan badeh.

La-ukei ta Pol atorou ili tiri lau badu kon Rom 16:10 Referans Kwoze

La-ukei ta Pol atorou ili tiri lau badu kon Rom 14:18

Ma eme, buku are lau amekes lahou mwasin ta Krais i buku doh kameh Kindrei sekesek tan handru. Ma hawe iri lau kameh asehek anya, “Iy ndramak kede-eh badeh, manyah mwasin handru en.”

1 Pita 1:7

Iri maha-an doh badeh, ta none iri budon taha le. Idoh i buku none le bek nyikilikin iri aloh gol; gol doh badeh, lakou ari mwasin labai. Arile, iri asun na jih ta none gol handru deh, bwe. Ma iri budon tataha badeh, sakalawi gol nane ja. Tasah, gol kameh andra-i. Handru, budon tataha badeh, buku none gol nane, arile Kindrei badeh, baso-ok gol nane bwe. Tasah, gol badeh, lakou badu kon munyak, ma gol kameh andra-i. Arile, Kindrei aso-ok budon taha boto-on ki-in tan. Eme ma, iy ndraruwani minen sese ta la-u taha, ma iri maha-an solo-an ndrasahan taha. Idoh, ta none aha le, buku aha an hamon ta Krais deh bwe. Na len Jises eme hamon, iri lau mari badu kon munyak kameh anyolom iy. Ma, i buku none aha ndratehei budon taha boto-on in tan, iy kameh kuhi aha ala bolo nyosowan mwasin. Ma iy kameh sekesek taha handru, ma bwese-ei nyara aha ili loken handru.

1 Timoti 3:10

Eme ya kanone oro op. I buku none oro ahas, oro winiyan ateu lahou ai. I buku none bwe badeh, oro sateu lahou.

Pilipai 2:22

Arile ado ndranyolom kandriyen ta Timoti ai. Iy ndraleheya ndrame lewan tado, ta iy badeh, winiyan. Iy mene amekes lahou hawek i buku ari nah amekes lahou udu baha taman, amekes lahou ta sahou mwasin.

2 Korin 8:22

Ahi atehei nadu tine taha lau ta Kindrei ari ewek hawe uru ale. San solo-an ahi none iy ta iri gok mara-ei, ma ahi anyolom iy boto-on handru ta amekes iri gok doh. Nadah badeh, iy atehei budon tan boto-on handru, buku aha kameh amekes kandriyen mwasin ma atukum luk. Eme ma, iy abadok labai ta ewek hawe uru ta aseben uru ma ta amekes gok dah ale.

2 Korin 2:9

Jo mene atorou la-ukei ewek taha ta none aha le. Jo anya ki tanan aha kameh winiyan a-en hamon tiri sahou tek marakon mene o bwe.

1 Korin 11:19

Tasah, jo anyolom ndrokowa aha lau ta Kindrei badeh udu aliy. Sebwe, Kindrei anya kanone iri lau a-en hamon ta sahou handru le kameh kasahan keme lewan.

2 Timoti 4:19

Ou tiyani bada-an tek kili ta Prisila uru Akwila, ma kili ta lowa Onesiporus oro.

La-ukei ta Pol atorou ili tiri lau badu kon Rom 8:11

Ya, ki buku none Malawin Ndrabun ta Kindrei mene mete-ei Jises ta imek tan amak eme loken, kamanyah kudu bolo aha, iy winiyan mete-ei aha amak ame loken i le buku Krais mene, iy mete-ei iy eme loken. Ma iy kameh aluhi kohan handru kameh i bada aha i san ta Malawin Ndrabun udu bolo aha.

La-ukei ta Pol atorou ili tiri lau badu kon Rom 16:3

Jo anya katiye sahou ta sekesek tek doh ki ta Prisila uru udun Akwila. Uru badeh, ta badu hawek ta amekes lahou ta Krais Jises.

La-ukei ta Pol atorou ili tiri lau badu kon Rom 16:7

Ya sekesek tek doh ki ta Andronikus hawe Juniyas. Uru badeh, ndraye ahi rabuk ta amekes lahou hawek ya uru hawe jo mene aso ado bolo kou. Ya uru ma la-uh badeh, lahou turu ili labai udu bolo ndrokowa oro aposel ta Jises. Ma uru atehei budon turu handru i ta Krais bwena tek.

2 Korin 5:17

Ya, bolo len dah, are lau mwan o badih, atehei budon tiri mara-ei in ta Krais, badeh, Kindrei ndrabwidi iri ndrasahan ha-un labai. Eme ma, kandriyen malen bwena ndra-au mara-ei, ma kandriyen mwasin ha-un ndrasahan.

2 Korin 12:2

Jo tanan ndramak ta Krais ari. Udu bolo jaha ronoh hahuw (14) ndra-au, Kindrei badeh, andrei iy ma mwasin iu ili bolo kandrah loken, loken labai handru on. Sebwe, iy ma mwasin o malawin le, jo bala tanan bwai. Kindrei le ari badeh, tanan ai.

Galesiya 1:22

Na len doh, iri lau ta Kindrei badu Judiya bala tanan jo bwe le.