La-ukei ta Pol atorou ili tiri lau badu kon Rom 16:1 - Nyindrou

¹ Jo anya kasehek tanan ki taha ta nadu tine taha ari badih nyaran Pibi, i buku none iy kasahan bada aha. Iy badeh, lohowan ari mwasin ta Krais Jises udu bolo iri lau ta Kindrei badu kon tinan Senkriya.

La-ukei ta Pol atorou ili tiri lau badu kon Rom 16:1 Referans Kwoze

Aposel 18:18

Eme Pol udu Korin udu gwek luwen sese. Ano iy ruwani nadu tinen oro ado gwek, ya iy ili kon Senkriya anya kalakak kala Siriya, ma Prisila uru Akwila a hawen ale. Iy ba-au bwe le badeh, iy udu Senkriya asiki batun iu tasah tandrakan tan mene ndrano.

Jemis 2:15

Buku ari lau ta Kindrei, iy badu hawe ado, iy tan ari kalawin ma nan nyamon bwe,

1 Timoti 5:2

ya iri badih en badeh, ki buku tinem, ma hawe iri badih bihin ki buku none nadu tinem oro badih na kandriyen mwasin le.

Metiu 12:50

Tasah, are lau ale in hamon ta so-ok ta tama in kon tan udu kandrah, iri badeh, nadu tine mwan ma badih handru, ma tine handru.”

2 Korin 3:1

Buku sah? Aha abudon ahi aposel anya katudun nyara ahi ja nadeh? O, aha anya ahi a buku lau rayah, ma ahi badeh, kadeu ramen la-ukei iri lau mwena ndratorowenei ta atudun nyara ahi nadeh? O, aha ndratorowenei la-ukei ta aseben ahi deh? Bwe.

Tarou ta Luk 8:3

ya Jo-ana, udu ndramak ta atondrok asiu ta Herot nyaran Kusa; ya Susana hawe badih rayah ja. Oro badih doh badeh, adek hawe oro adeu lakou toro amwenen i ta sisih, akohok luk ta aseben oro.

Tarou ta Mak 10:30

iy kameh akohok lakou solo-an handru na len dah. Iy kameh akohok ndramas buku san rinek (100) ja i bwele-e lakou tan bwena. Ndramas doh buku asiu solo-an ja, ma nadu tinen mwan solo-an ja ma buru-un solo-an solo-an ja, ma tinen hawe nadun ma bilin solo-an, ma ale hawe iri lau amekes ndra-in i tan ale. Arile len hamon, Kindrei kameh winiyan edeu kohan handru i tan ta winiyan bano bwe ta udu le buku doh.

Pilemon 1:2

ma jo atorou la-ukei dah ewek tam, ma hawe buru-u to badih ari nyaran Apiya, ma hawe ndramak ari ta bahun tato nyaran Apikus, iy ta amekes lahou ta Krais i buku le to amekes. Ma ewek toro lau ta Kindrei ale atukum awek asiu tam ta atudun Laban.