La-ukei ta Pol atorou ili tiri lau badu kon Rom 15:7 - Nyindrou

⁷ Eme ya aha kaseken nadu tine aha oro ari ari, i buku none Krais mene aseken aha; ma idah kameh winiyan mesekei iri lau atudun Kindrei.

La-ukei ta Pol atorou ili tiri lau badu kon Rom 15:7 Referans Kwoze

Metiu 10:40

Jises asehek sahou ili ja buku doh, “Are lau akohok ado ma aseben ado, idoh i buku none le iri akohok jo ma aseben jo. Ma are lau akohok jo, idoh i buku none le iy akohok Kindrei, iy suni jo eme dah.

Tarou ta Jon 13:34

“Na dah jo edeu kandriyen ta batanau ha-un ewek tado: Ado ari ari badeh, kaso-ok nadu tine ado iri rayah ja. I buku le jo mene aso-ok ado labai, eme ma ado kaso-ok nadu tinem iri rayah ja.

La-ukei ta Pol atorou ili tiri lau badu kon Rom 5:2

Jises badeh, ndrasihi san ta taha lau mwan ma badih atehei budon in ta Kindrei, eme ma taha kameh winiyan ala bolo tikisiy tan, na idah taha areu aliy. Ma taha atondrok Kindrei ta akohok taha, idah kameh taha manyah ado lomadan tan mwasin ado kandrah. Ma idoh bwidi taha sekesek ta aliy.

Epesus 1:18

Jo asolom ta iy kameh katehei sun kanya kudu ta budon taha. Eme ma, aha kameh winiyan atanan ta ndramak ta seben nane, iy aloh aha katehei budon kihis ki-in tan, ma aha kasekesek le ta atondrok iy. Ya, ma aha kameh winiyan atanan iri lakou, Kindrei ndraleheyani ta amekes ewek taha, idoh mwasin labai.

Tarou ta Luk 9:48

Ano iy tiye i toro, “Ya buku none ari ndramak abudon jo, ya iy aseben ari nadu nah bwisik buku nah le dah, badeh iy aseben jo. Ma are lau oro aseben jo, badeh oro aseben Kindrei iy nane suni jo eme dah. Tasah, are lau nyaran bwe udu bolo ado kameh, iy doh kameh nyaran i tinan labai.”

Tarou ta Mak 9:37

“Ya buku none ari ndramak abudon jo, ya iy aseben ari nadu nah bwisik buku nah dah, badeh iy aseben jo. Ma are lau oro aseben jo, badeh, oro baseben jo le bwe, arile oro ale aseben Kindrei iy nane suni jo eme dah.”

Tarou ta Luk 15:2

Eme ya iri Parasi hawe iri lau ta leheya kandriyen tiri Juwis badeh, nunu-uh anya, “Iy ndramak kede-eh, aseken iri lau ta karei ma lomondra ndra-in hawe aimon nyamon hawe iri.”

Epesus 1:12

Tasah handru Kindrei amekes kandriyen mwasin buku doh eme tataha? I buku doh: Ahi lau badu Juwis ala bwena, ma atehei budon tahi handru in ta Krais ma a-en hamon tan. Eme ma iy anya, ahi kabudon tikisiy tan, ma katudun nyaran.

La-ukei ta Pol atorou ili tiri lau badu kon Rom 15:9

Ya eme, iri lau badu leheleh winiyan atudun Kindrei in hamon ta tikisiy tan i buku none sahou mene ndratorowenei: “Ya eme ta katin doh le, jo kameh udu ndrokowa iri lau badu leheleh atudun nyaram. Ma jo kameh iyah wari ta atudun nyaram.” 2 Samuwel 22:50; Wari 18:49

Tarou ta Jon 6:37

Iri lau, tama abudon ta edeu iri ame tek, idah kameh iri ame hawek handru. Buku are lau iy anya keme hawek, jo kameh winiyan batikahei iy ba-au bwe.

Kolosi 3:13

Buku ari ndramak udu bolo ndrokowa aha, ndrinen andra-i udu ta nadu tinen ari ja, iy nane amekes ndra-in ili tan, mwasin ta iy kabwese maha-an doh le ai. Iy kati-iy ma kamani kandriyen ta ndramak nane doh. Tasah, Laban ndramani kandriyen ndra-in taha marakon, ya aha ale kamani kandriyen ndra-in ta nadu tine aha iri rayah ja.