La-ukei ta Pol atorou ili tiri lau badu kon Rom 15:3 - Nyindrou

³ Tasah, Krais mene amekes lahou, ta aseben iy le bwe. Iy amekes i buku none tarou mene ndratorowenei asehek, “Are lau oro amekes losen i la-um, jo tanan idoh badeh, ndrame la-uk ale.” Wari 69:9

La-ukei ta Pol atorou ili tiri lau badu kon Rom 15:3 Referans Kwoze

Pilipai 2:8

Iy atehei iy amwenen iu ili andri handru ma anuhun taman Kindrei, ma bwese bwilima ili ma imek i bada kei tondreh.

Tarou ta Jon 4:34

Jises asehek sahou ili toro lau tan i buku doh, “Nyamon tek badeh, ta jo ki-in hamon ta budon ta Kindrei. Iy nane suni jo eme ta amekes gok tan, ma iy aso-ok jo kabwidi marakon kano.

Tarou ta Jon 6:38

Jo udu kandrah ndrame andri. Jo eme ta amekes lahou na budon tek le bwe. Jo eme ta amekes iri lahou na budon ta tama, iy nane suni jo eme.

Tarou ta Jon 5:30

“Jo winiyan bamekes lakou na budon tek le ari bwe. Jo edeu iri lau ala ta mada sahou in hamon ta sahou ta tama, iy asehek eme tek. Ma mada sahou tek badeh, amwenen, tasah jo bamekes lakou na budon tek amwenen bwe. Jo amekes lakou in hamon ta tama, iy nane suni jo eme.

2 Korin 8:9

Aha ndratanan Laban tataha Jises Krais, iy tikisi taha marakon tinan labai. Ma iy tawi lakou solo-an. Arile, ta aseben taha, iy ruwani iri lakou mara-ei doh, ma iy asahan buku ndramak laleyah tan ari lakou bwe. Ma iy asahan buku nadu nyohan, ta aseben aha akohok lakou solo-an, Kindrei anya kedeu kewek taha.

Tarou ta Jon 8:29

Are lau iy nane suni jo eme dah iy udu hawek. Iy winiyan bamani jo bwe, tasah jo amekes iri lakou in hamon ta budon tan.”

Metiu 26:42

San rasan ja Jises iu ili len ma iy asolom, “Tama, buku none maha-an dah winiyan ba-au bwe winiya le jo kanyuwiy, mwasin, tama jo in hamon ta budon tam.”

Metiu 10:25

Arile, buku none ari ndramak ta akohok tanan asahan buku none ndramak ta leheya iy, mwasin. Ya buku none ari bonyo-ou asahan buku none ndramak ta atondrok iy, mwasin. Iri lau tinan badu Isra-el tondrohani jo tama boho kamen, nyarak Belsabul. Ya idoh ado katana ado, iri kameh tondrohani nyara ado i le ndra-in labai, tasah, ado lau mwan ma badih an hamon tek.”

Tarou ta Jon 15:24

Iri winiyan batona kandriyen ndra-in tiri bwe, buku jo bamekes lakou bado ndrokowa iri bwe. Arile, na dah, jo amekes iri lakou ale, ari ndramak bamekes se bwe. Iri ndranyolom saba lakou jo amekes, eme ma iri baso-ok aru tama ja bwe.

Tarou ta Jon 15:10

Buku aha a-en hamon ta sahou batanau tek eh, aha kameh ahis ado ta bolo so-ok tek, i buku le jo ndra-en hamon ta iri sahou batanau mara-ei ta tama, ma jo ihis udu bolo so-ok tan.

Metiu 26:39

Eme Jises edek ili bwena sese, ma iy taku i le batalan. Eme ma iy asolom i buku doh, “Tama, buku none winiyan eh, ou kuhi maha-an ta tikisiy udu bwele-ek dah ki-iu, arile idoh budon tek le, ou amekes saba lakou ou tanam mwasin.”

Metiu 27:44

Uru lau mala-uh nane sukik areu hawen ale asehek sahou ndra-in i tan ale.

Pilipai 2:5

Budon tado ki le buku budon ta Krais Jises.