La-ukei ta Pol atorou ili tiri lau badu kon Rom 15:2 - Nyindrou

² Eme ya jo aseken taha ari ari kamekes kandriyen mwasin ta seben ki ta nadu tine taha oro ari ari badu mirihik tataha, ta sasah le winiyan sebenei iy abadok ta budon mwasin.

La-ukei ta Pol atorou ili tiri lau badu kon Rom 15:2 Referans Kwoze

1 Korin 10:24

Taha satehei budon ta aseben taha le amwenen. Taha badeh, katehei budon tataha ta aseben iri rayah ja.

La-ukei ta Pol atorou ili tiri lau badu kon Rom 14:19

Ya eme ta sendrehendreh ta lakou ndrasehek ndra-au i buku doh: Taha kabadok ta amekes budon ta asan mondrei kudu ndrokowa iri lau ari ari, ma taha kamekes sasah le winiyan sebenei iri abadok ta budon mwasin.

1 Korin 10:33

Handru, aha badeh, kamekes kandriyen i buku le jo amekes. Jo amekes iri lakou marakon doh, ta iri lau winiya aso-ok iri kandriyen tek. Jo bamekes gok ta aseben jo amwenen bwe. Jo ibo gok ta aseben lau mwan ma badih solo-an. Ya, Kindrei kameh winiyan andrei iri marakon ame hamon ja.

1 Korin 13:5

Ta aso-ok ndramak ari, ari, iy winiya bamekes lakou laleyah bwe. Iy winiya babudon iy le bwe, ma ndrinen winiya babolosen suwi bwe. Ta aso-ok ndramak ari, ari iy winiya babudon ndra-in iri nane amekes i tan bwena bwe.

1 Korin 10:23

Aha rayah anya, “Ahi winiya amekes lakou marakon.” Arile jo kasehek taha, lakou marakon kameh winiya baseben taha bwe. Aha rayah anya, “Ahi winiya amekes lakou marakon.” Arile lakou marakon winiya baseben taha basahan lau mwasin ta Kindrei bwe.

1 Korin 14:3

Arile, buku ou asehek sahou boho Kindrei, ou asehek amwenen ili tiri lau. Iri sahou tam nane doh atadau budon tiri abadok, sekeyani iri ta amekes kandriyen mwasin, ma amekes ndrine iri udu mwasin labai.

1 Korin 14:26

Aha kawas tek, buku aha anya katukum ta atudun nyara Kindrei, aha kamekes saba lakou handru? Gok taha marakon udu aliy: Iy ari badeh, ta wari ai, iy ari ta leheya lau, iy ari ta asehek sahou Kindrei edeu i tan ta tiye ili tiri lau, iy ari ta asehek boho kon rakon ja; gok ta iy ari ja ta tobolowe boho kon nane doh. Handru, aha kamekes iri lakou marakon doh, ta atadau aha lau ta Kindrei kales boto-on.

2 Korin 12:19

Sebwe aha kameh anyolom iri sahou mara-ei doh, ma aha kameh abudon ahi torowenei ta amekes sahou tahi kamwenen ta mada aha. Arile, bwe. Ahi ado mada Kindrei i buku nadu tine aha i san ta Krais, ma ahi aseken aha labai. Eme ma, ahi amekes iri sahou dah, ta atadau budon taha kabadok.

2 Korin 13:9

Aliy, ahi nyamu ahi o bwe, arile, buku aha ales boto-on ta budon taha kahis, ahi kameh sekesek labai. Ma, len mara-ei kameh ahi asalom ili ta Kindrei, ta aha winiya asahan lau tan boto-on labai.

Epesus 4:12

Krais edeu iri ndramas doh ta aseben taha mwan ma badih ta Kindrei winiyan amekes gok tan amwenen. Ma gok tan doh ta amekes taha mwan ma badih solo-an ja kasahan kabadok kahis hawen buku badan amwenen.

Epesus 4:29

Aha samukuni boho aha ta asehek iri sahou luhe. Sahou mwasin le kameh winiyan aseben iri mwan ma badih badeh, asahan mwasin. Iri sahou mwasin doh winiyan ta atadau iri mwan ma badih anya kataku, ma ta adeu seben ta Kindrei ili tiri mwan ma badih nane anuhun sahou taha.