La-ukei ta Pol atorou ili tiri lau badu kon Rom 15:12 - Nyindrou

¹² Ma propet Aisaya ale asehek anya, “Idah kameh, lundriye Jesi ari kameh barasahan, Iy kameh asahan ta atondrok iri lau badu munyak tinan mara-ei, Ma iri lau badu leheleh kameh atehei budon tiri in tan ma atondrok iy ta sasah mwasin kameh iy edeu i tiri.” Aisaya 11:10

La-ukei ta Pol atorou ili tiri lau badu kon Rom 15:12 Referans Kwoze

Metiu 12:21

Ya iri lau mwan ma badih badu boho kamen tiri Isra-el bwe, kameh atehei budon i tan, ma iri kameh abe-en iy akohok iri ame hamon.” Aisaya 42:14

Rebelesen 22:16

“Jo Jises, jo mene tiye angelo tek amwenen ewek bolo aha ta asehek nyala iri lakou marakon doh i taha lau ta Kindrei. Jo badeh, i buku nyabun asahan boho kamen ta Debit. Ya, lomadak badeh, anya i buku lomada ndrau ta boho len.”

Rebelesen 5:5

Jo eden le ai. Ano batun ari badu bolo oro lunoh hahuw (24) nane eme asehek sahou eme tek i buku doh, “Ou saden! Ou atou! Ndramak ari kede-eh i buku layon, iy badu boho kamen tiri Juda, ma iy ale badu boho kamen ta tubun Debit. Iy i buku sisine kei asahan ta kandro kei iri mwetehei mwena. Iy idi balik uru kandriyen ndra-in. Eme ma iy winiyan sudi tobwe ma sihi buk doh asak.”

1 Korin 15:19

Taha atehei budon tataha handru in ta Krais, ma atondrok iy ta eme hamon ta akohok taha ja. Arile, buku taha atondrok seben ma mwasin tan eme tataha na len taha are kon munyak dah le, manyah tataha bado mwasin bwe, eme ma, ndra-in tataha ja udu bwele-en labai ta ndra-in tiri lau rayah badu kon munyak dah. Ma iri katikisi taha handru.

Jenesis 49:10

Juda, ou kameh kandro ta kabin kameh winiyan ba-au tam bwe, Ma lundriyem oro kameh asahan kabin le ai, Winiya le ndramak salin le barasahan. Iri kon munyak rakon rakon buruwen kameh atiye lakou i tam, Ma iri kameh aluh kandru i andri i nyara kalem ta anuhun sahou tiri i tam.

1 Pita 1:21

Na Jises le badeh, aha atehei budon taha in ta Kindrei. Iy mene ndramete-ei Jises udu bolo lek ta imek ndrame awas ja, ma iy ndratehei nyosowan ndrabun ndrala la-un. Eme ma, aha atehei budon taha boto-on in ta Kindrei, ma aha abe-en iy ta eme akohok aha ala hawen. Ma aha kameh akohok kohan mwasin ma manyah mwasin hawe Krais.

2 Timoti 1:12

Eme ma, jo bwese maha-an doh, ma jo eme udu bolo asiu lulik kada-ah. Arile, bwilik bama ta udu bolo asiu lulik ma bwese maha-an kada-ah, bwe. Tasah, jo ndratanan Krais Jises, ma jo atehei budon tek handru in tan. Ma jo tanan, iy winiyan tondrokei gok ta atiye sahou tan dah udu mwasin, iy ndratehei ndrame minek, ma gok doh kameh udu mwasin mara-ei ili winiyan le len iy eme hamon ja.

1 Jon 3:3

Eme ma iri lau mwan ma badih ale atondrok Krais ta eme hamon ja, iri badeh, winiyan bala bolo ndraka-an ja bwe, tasah iri atondrok bada iri ma budon tiri udu mwasin, buku le kandriyen ta Krais.