La-ukei ta Pol atorou ili tiri lau badu kon Rom 14:8 - Nyindrou

⁸ Ya eme, i buku none iy anya taha amak, taha amak na seken ta Laban le; ya i buku none iy anya taha ado, taha ado na seken tan le. Ya eme, buku none taha ado deh, taha amak, taha mari badeh, badu hawe Laban le.

La-ukei ta Pol atorou ili tiri lau badu kon Rom 14:8 Referans Kwoze

Pilipai 1:20

Eme ya ndrinek tanan labai ta jo kameh winiyan banoh bwe, ma hawe bwilik kameh winiyan bama bwe na len ta sahou dah, ma hawe i buku len mari eme, jo kameh winiyan batotoreh ta asehek sahou bwe. I buku none, jo imek deh jo udu, arile masiye ma hawe atudun badeh, ki le ta Krais.

1 Tesalonaika 5:10

Krais mene imek ta akunoh taha ame hamon ja. Eme ma, buku taha are ndra awas are munyak kahis, o, taha ndramak, ano iy eme hamon, taha kameh are awas hawen.

1 Korin 15:23

Arile, taha marakon ado bolo lek tataha kameh amak ame awas ja, na bolo len tataha amwenen. Ma bwena handru badeh, Krais amak eme awas ja. Ano, udu ta len iy anya keme hamon ja, taha lau tan marakon, kameh amak ame awas ja.

Aposel 21:13

Arile, Pol tiye i taso ja i buku doh, “Buku sah? Ado satikisi jo, ma ado satehei tikisiy badeh, same tek. Ado kanuhun, jo banoh ta ili bolo asiu lulik ili bolo kon tinan Jerusalem bwe, ma jo banoh bwe ale, buku iri anya kadi jo, tasah jo asehek nyara Jises, iy tinan labai. Eme ma ado winiyan batawi jo ta udu ja bwai.”

Rebelesen 14:13

Ma jo anuhun boho ndramak ari udu kandrah asehek sahou i buku doh, “Ou atorou sahou ki buku doh: Iri mwan ma badih atehei budon tiri mara-ei in ta Laban, ma iri ndramak ta aliy, nadah, ma na len eme kahis, iri badeh, kasekesek!” Malawin Ndrabun ale asehek, “Ya, iri kameh ruwani lahou boto-on tiri, iri mene amekes, ma iri amunyau ta aliy. Iri bame dah laleyah bwe. Kandriyen mwasin mene iri amekes, idoh kameh ili hawe iri ale ili kandrah.”

Pilipai 2:17

Ado mene atehei ado a nyara salom ala ta Kindrei kabatana ado atehei budon tado handru i ta sahou tan. I buku none iri pris adeu lakou i ta salom. Eme ya, ki buku none ndrayek kamou ya jo kimek, idoh kameh i nyara kalem ta sekesek tek ewek tado ta lowosa salom tado. Idoh kameh i nyara kalem ta salom, iri pris asolou waen i ta salom, ta edeu sendrehendreh ta salom mari ano. Ma idah kameh, Kindrei anyolom ma iy kameh sekesek ta aliy.

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Pilipai 2:30

Tasah, iy atehei boto-on ma kohan mari i ta lahou ta Jises, ya sese le iy kimek. Iy atehei boto-on tan hawe kohan mari i ta aliy ta aseben jo, tasah ki ado badeh, winiyan bwe.

Aposel 13:36

“Ya Debit mene amekes lahou ta Kindrei; ano iy imek ma ahi iy udu ka-u tubun oro, ma badan ndrabola ndra-au.

Tarou ta Jon 21:19

Jises asehek iri sahou marakon nane doh ta leheya kandriyen ta Pita kameh iy imek i buku sah, eme iy atudun nyara Kindrei. Ano iy tiye Pita, “Ou ame an hamon tek.”

Tarou ta Luk 20:38

Sahou doh leheya taha i buku doh: Kindrei atondrok koha oro ma taloh, ma oro ado awas ado hawen kahis le. Eme ma, Kindrei batiye anya iy mene Kindrei tiri lau ndramak, arile na dah, bwe. Bwe! Iy badeh, Kindrei tiri lau koha iri udu aliy kahis le. Handru labai. Iri lau mari mene ndramak ndrasu-u, ma hawe iri lau mari ado loken kahis le, iri mara-ei a buku awas kahis le, tasah Kindrei atondrok iri.”