La-ukei ta Pol atorou ili tiri lau badu kon Rom 14:3 - Nyindrou

³ Ya eme iy ndramak ta kaniya nyamon mari, madan sandra-i sala ta ndramak nane aimon nyamon badu bilin le, ndri-iy; ma iy aimon nyamon badu bilin le ale satiye sahou nyarahan sala ta ndramak ta kaniya nyamon mari, ndri-iy. Tasah, Kindrei badeh, baseken iy ari le bwe, iy aseken uru ma la-uh.

La-ukei ta Pol atorou ili tiri lau badu kon Rom 14:3 Referans Kwoze

La-ukei ta Pol atorou ili tiri lau badu kon Rom 14:10

Eme ya aha anya katiye sahou nyarahan ki ta nadu tine aha rayah ja, anya ki sah? Ma mada aha anya kandra-i ta nadu tine aha rayah ja ki sah? Tasah, taha ndramak ndrasu-u, deh, taha bamak bwe, taha mari kameh ales are mada Kindrei ta sahou.

Tarou ta Luk 18:9

Eme Jises tiye sahou sokek dah, i toro lau anya oro le mwasin, oro an hamon ta kandriyen malen mari, ya oro badeh, anyolom ndra-in i tiri lau buku liliy.

La-ukei ta Pol atorou ili tiri lau badu kon Rom 14:13

Eme ya, ou sasehek ndramak ari ari anya iy badeh, ba-en hamon ta batanau malen bwe, ndri-iy. Arile ou amekes budon tam ki buku doh: Jo badeh, samekes ari lakou ta amekes nadu tine ari ja ato-ak ta aliy, ma jo samekes ari sahou ta sokoso-ou budon tan, ndri-iy.

Aposel 10:34

Ano Pita asehek anya, “Kabwai, na dah jo ndranyolom handru ta Kindrei badeh, baseken ndramak rayah le bwe.

La-ukei ta Pol atorou ili tiri lau badu kon Rom 14:21

Mwasin handru ta aha sa-un waen hawe aimon oda lakou ma hawe sasah, sasah ja, kora-on kabini nadu tinem ari ja kataku.

La-ukei ta Pol atorou ili tiri lau badu kon Rom 14:15

Arile, i buku none ou aimon nyamon nane nadu tinem ari ja beleben, ya mesekei budon tan andra-i badeh, ou bamekes mwasin bala tan bwai, ma kandriyen tam leheya ta ou baseken iy handru bwe. Eme ma, nyamon ou aimon badeh, samesekei budon ta nadu tinem sandra-i. Tasah, ndramak doh, Krais mene imek ta aseben iy!

Metiu 18:10

“Ado kabudon kamwenen. Kora-on ado anya ari ereu ndrokowa oro nah kede-eh lakou laleyah. Bwe handru. Jo asehek tado amwenen, ereu kandrah oro angelo toro badeh, len mari oro areu mada tama ereu kandrah.”

Aposel 10:44

Pita asehek sahou doh kahis le badeh, Malawin Ndrabun eme bwele-e iri lau mari nane anuhun sahou dah.

Metiu 9:14

Jises hawe oro lau tan aimon nyamon kahis le badeh, oro lau ra-on ta Jon ta alomwa ame ndremenya iy i buku doh, “I buku sah handru ahi lau ta Jon hawe oro Parasi abeles ahi ta nyamon, ya oro lau tam bwe?”

Aposel 28:2

Iri lau badu busu doh amekes kandriyen mwasin labai eme tahi. Ur undruk laba tinan eme andri ma bwidi bolo kon anyala labai. Eme ma iri tabani jih, ano iri luhi ahi marakon ala anyan jih, ta amekes bolo oda ahi ki nyarahan.

La-ukei ta Pol atorou ili tiri lau badu kon Rom 11:15

Ya kabatana len doh mene Kindrei baseken iri bwe badeh, mesekei iri lau badu kon munyak asahan kawas ta Kindrei. Eme ma, i buku none len ta aliy kasahan, ya Kindrei kaseken iri Isra-el kame hamon ja, idah kameh, ki buku sah bah? Idah kameh, iri sekesek tinan labai, i buku none iri amak ta imek ame loken.

La-ukei ta Pol atorou ili tiri lau badu kon Rom 14:1

Aha kaseken are lau budon tan handru babadok bwe, kewek hawe aha. Ma aha sandres budon tan.

La-ukei ta Pol atorou ili tiri lau badu kon Rom 15:7

Eme ya aha kaseken nadu tine aha oro ari ari, i buku none Krais mene aseken aha; ma idah kameh winiyan mesekei iri lau atudun Kindrei.