La-ukei ta Pol atorou ili tiri lau badu kon Rom 14:2 - Nyindrou

² Ndramak ari badeh, budon tan abadok, ma eme winiyan mesekei iy aimon nyamon mari. Arile, ndramak ari ja badeh, budon tan babadok bwe ma eme, mesekei iy aimon le nyamon badu bilin.

La-ukei ta Pol atorou ili tiri lau badu kon Rom 14:2 Referans Kwoze

1 Timoti 4:4

Ya, i buku none lakou mari kede-eh, to kamekes salom ki ta aliy, badeh, ndra mwasin le ta aimon; ari lakou badeh, ndra-in ta kakeh ki-iu, bwe.

La-ukei ta Pol atorou ili tiri lau badu kon Rom 14:14

Eme ya, jo katiye kamwenen; jo dah badu hawe Laban Jises. Ya jo ndratanan handru en, ta nyamon mari kede-eh ndra mwasin le, ya ari ndra-in aliy bwe. Arile, i buku none ari ndramak anya iy beleben badeh, mwasin, lakou ta budon tan ai, ma mesekei iy baimon nyamon bwe.

Hiburu 13:9

Eme ma aha satehei aha sala bolo iri sahou solo-an, eme ta ariu budon taha, ma aha mani san mwasin ta Kindrei. Kindrei amekes kandriyen mwasin labai eme tataha, ma idoh amekes taha abadok ta a-en hamon tan. Buku taha a-en hamon ta iri batanau ta beleben nyamon solo-an labai, idoh baseben taha ta a-en hamon ta Kindrei bwe. Tasah kandriyen doh, baseben iri lau bwena mene ba-en hamon ta aliy bwe le.

Galesiya 2:12

Na len Jemis basuni oro lau rayah bala hawe Pita bwe le badeh, Pita aimon nyamon hawe iri lau badu leheleh. Arile udu, oro lau ta Jemis asahan ale, iy inoh ma iy ruwani ta aimon nyamon hawe oro lau badu leheleh. Eme iy baimon nyamon hawe oro ja bwe. Tasah, iy inoh oro Juwis doh, tiye tiri lau badu leheleh kasan ku-i iri bwena.

Jenesis 9:3

Eme ado badeh kaimon iri hawe bara la-u kei; jo atehei mari doh ta nyumon tado.

Hiburu 9:10

Tasah iri ndramas ma salom solo-an doh, ta nyamon, ta gwa ta a-un, ma iri lakou solo-an ta anyu. Iri kandriyen doh ta bada lau le, ta iri ka-en hamon ta aliy, winiya le len ta Kindrei kameh baramekes iri lakou marakon amwenen ma i ha-un ja.

Taitus 1:15

Ya kati tanan handru i buku doh: I buku none tekedek ta lau udu mwasin ta mada Kindrei, sasah lau beleben badeh, winiyan badai iy bwe, idoh badeh, ndra mwasin le. Arile, i buku none tekedek ta lau bamwenen ta mada Kindrei bwe, ma hawe iri batehei budon handru ba-en tan bwe; iri beleben sasah, arile idoh badeh, bamesekei iri bamwenen ta mada Kindrei bwe le. Ma laba tinan ta aliy badeh, budon toro bala mwasin ja bwe. Oro bala tana oro ndra-in udu heh bwe, hawe oro bala tana oro mwasin udu heh bwe. Eme sasah ndra-in oro amekes badeh, oro batona anya idoh ndra-in bwe. Oro anya ndra mwasin le ai.

1 Korin 10:25

Buku ou asih oda iri lakou badu mada ba-en, iri marakon badeh, mwasin ta aimon. Ou satehei budon solo-an ta ndremenya ta oda iri lakou dah, iri ndratehei salom ta kindrei ta wasai ndrala bwele-en, o, bwe.

Jenesis 1:29

Ya saba buwa kei badeh ah kaimon le ai.

La-ukei ta Pol atorou ili tiri lau badu kon Rom 14:1

Aha kaseken are lau budon tan handru babadok bwe, kewek hawe aha. Ma aha sandres budon tan.

La-ukei ta Pol atorou ili tiri lau badu kon Rom 14:20

Aha sasemete-ei lahou ta Kindrei na andres ta nyamon, ndri-iy. Handru, nyamon mari badeh, ndra mwasin le ta aimon. Arile, ndra-in badeh, i buku ou aimon nyamon ari, ma kandriyen tam doh amekes ndramak ari ja ato-ak ma taku.

La-ukei ta Pol atorou ili tiri lau badu kon Rom 15:1

Taha are lau le budon tataha ndrabadok handru, kala kaseben oro are lau babadok bwe le ma kabwese maha-an toro. Ya taha sabudon le taha, ndri-iy.

1 Korin 8:9

Arile, aha katondrok aha kamwenen. Aha tanan, aha winiyan aimon saba nyamon aha aso-ok. Arile, kora-on kandriyen dah aha amwenen amekes, eme ma budon tiri lau baleu bwe, ma iri taku ala bolo iri kandriyen ndra-in.

1 Korin 9:22

Buku jo ili udu hawe iri lau, budon tiri bahis handru ta Krais bwe, jo kameh bwidi manyah tek i buku le iri, ta ariu iri ame hamon. Handru, jo badeh none ta in hamon ta kandriyen tiri mwan ma badih are laleyah, ta none iri madasan mara-ei, ta ariu iri rayah ka-en hamon ta Krais.