La-ukei ta Pol atorou ili tiri lau badu kon Rom 14:1 - Nyindrou

¹ Aha kaseken are lau budon tan handru babadok bwe, kewek hawe aha. Ma aha sandres budon tan.

La-ukei ta Pol atorou ili tiri lau badu kon Rom 14:1 Referans Kwoze

La-ukei ta Pol atorou ili tiri lau badu kon Rom 15:1

Taha are lau le budon tataha ndrabadok handru, kala kaseben oro are lau babadok bwe le ma kabwese maha-an toro. Ya taha sabudon le taha, ndri-iy.

1 Korin 9:22

Buku jo ili udu hawe iri lau, budon tiri bahis handru ta Krais bwe, jo kameh bwidi manyah tek i buku le iri, ta ariu iri ame hamon. Handru, jo badeh none ta in hamon ta kandriyen tiri mwan ma badih are laleyah, ta none iri madasan mara-ei, ta ariu iri rayah ka-en hamon ta Krais.

La-ukei ta Pol atorou ili tiri lau badu kon Rom 15:7

Eme ya aha kaseken nadu tine aha oro ari ari, i buku none Krais mene aseken aha; ma idah kameh winiyan mesekei iri lau atudun Kindrei.

La-ukei ta Pol atorou ili tiri lau badu kon Rom 14:21

Mwasin handru ta aha sa-un waen hawe aimon oda lakou ma hawe sasah, sasah ja, kora-on kabini nadu tinem ari ja kataku.

2 Jon 1:10

Buku ari ndramak eme hawe aha, ya iy basehek sahou mwasin, bala buku Jises asehek bwe, ado badeh, sasumon iy, ma sakohok iy sawek asiu hawe ado.

La-ukei ta Pol atorou ili tiri lau badu kon Rom 4:19

Handru labai, Abraham badeh, ndra bada ndramak, ma jaha tan ndrasahan rinek (100), ma iy abudon udun Sara badan ndrakoreh, ma badan winiyan ta ato-ou nah bwe. Arile, iy baliliy ta budon tan handru i ta Kindrei bwe.

Tarou ta Luk 17:2

Buku ari ndramak bwidi ari nadu nah kataku ki bolo kandriyen ndra-in, sebwe mwasin ta ndramak doh kasawei ari bek maha-an ki balen, ya kakahei iy katuh kili bolo ndras ki-in gwek ai.

Metiu 14:31

Suwi labai Jises atehei minen ma tawi Pita. Eme iy tiye tan i buku doh, “Ou budon tam boto-on handru bwe. Tasah handru budon la-uh asahan tam?”

Metiu 12:20

Bale banap badeh, boto-on bwe, ma anya kibok, iy winiyan batubwaniy bwe, ma iy winiyan basemete-ei sun ale banya bamwenen bwe. Iy kameh ibo gok udu le winiya le iy mesekei iri lau mari atana iri gok jo amekes ta akohok iri ame hamon.

Pilipai 2:29

Ado kamasiye ndramak i buku doh, ma hawe kaseken iy na ndrine ado i san ta Laban.

Tarou ta Jon 13:20

Ado kanuhun, jo tiye tado handru, are lau iy akohok ma aseben ndramak nane iy amekes lahou tek, idoh i buku none le iy akohok jo ma aseben jo ale. Ma are lau akohok jo, idoh i buku none le iy akohok Kindrei iy suni jo eme dah.”

Metiu 18:10

“Ado kabudon kamwenen. Kora-on ado anya ari ereu ndrokowa oro nah kede-eh lakou laleyah. Bwe handru. Jo asehek tado amwenen, ereu kandrah oro angelo toro badeh, len mari oro areu mada tama ereu kandrah.”

Tarou ta Mak 7:19

tasah idoh winiyan bala budon bwe, arile ili ndrabai ano ndramak iu akeh ili sareu.” (Eme sehek ta aliy, Jises anya, nyamon mari mwasin ta aimon le ai.)

Aposel 28:2

Iri lau badu busu doh amekes kandriyen mwasin labai eme tahi. Ur undruk laba tinan eme andri ma bwidi bolo kon anyala labai. Eme ma iri tabani jih, ano iri luhi ahi marakon ala anyan jih, ta amekes bolo oda ahi ki nyarahan.

La-ukei ta Pol atorou ili tiri lau badu kon Rom 11:15

Ya kabatana len doh mene Kindrei baseken iri bwe badeh, mesekei iri lau badu kon munyak asahan kawas ta Kindrei. Eme ma, i buku none len ta aliy kasahan, ya Kindrei kaseken iri Isra-el kame hamon ja, idah kameh, ki buku sah bah? Idah kameh, iri sekesek tinan labai, i buku none iri amak ta imek ame loken.

La-ukei ta Pol atorou ili tiri lau badu kon Rom 14:2

Ndramak ari badeh, budon tan abadok, ma eme winiyan mesekei iy aimon nyamon mari. Arile, ndramak ari ja badeh, budon tan babadok bwe ma eme, mesekei iy aimon le nyamon badu bilin.

La-ukei ta Pol atorou ili tiri lau badu kon Rom 14:3

Ya eme iy ndramak ta kaniya nyamon mari, madan sandra-i sala ta ndramak nane aimon nyamon badu bilin le, ndri-iy; ma iy aimon nyamon badu bilin le ale satiye sahou nyarahan sala ta ndramak ta kaniya nyamon mari, ndri-iy. Tasah, Kindrei badeh, baseken iy ari le bwe, iy aseken uru ma la-uh.

1 Tesalonaika 5:14

Aha nadu tine aso, na dah, aso anya kabatanau aha boto-on buku doh: Aha badeh, kabatanau iri lau ta gwaman, samanyah laleyah. Ma aha ale kamekes gok ta atadau ndrine iri lau ta anoh kabadok, ma kaseben iri lau nyamu iri bwe, katehei budon tiri kili ta Kindrei. Aha badeh, kamekes kamunum kili tiri lau marakon.

Hiburu 5:14

Nyamon boto-on badeh, tiri lau ndra tinan ndra-en. Iri lau doh badeh, iri ndranone ma iri ndratanan mwasin labai ta seleya iri kandriyen mwasin ma ndra-in, iri ndratanan ma budon tiri mara-ei ndraleu.