La-ukei ta Pol atorou ili tiri lau badu kon Rom 13:7 - Nyindrou

⁷ Aha katehei lakou saluwe lakou iri lau mari mene aha ndrandrei, kili hamon ja: Ya, i buku none aha bakeh luk ta takis ta sasah aha akohok eme bolo kon bwe badeh, aha kakeh kili; ya, i buku none aha mene banoh bwe, aha kanoh iri lau ta atondrok kon; ma i buku none aha bamasiye iri mene bwe badeh, aha kamasiye iri.

La-ukei ta Pol atorou ili tiri lau badu kon Rom 13:7 Referans Kwoze

Tarou ta Luk 20:25

Eme oro anya, “Ta Sisa.” Ya eme Jises tiye i toro, “Mwasin, saba lakou ta Sisa, ado kadeu ki ta Sisa. Ya saba lakou ta Kindrei, ado kadeu ki ta Kindrei.”

Metiu 17:25

Eme Pita asumon anya, “Ehe.” Eme Pita iu ili bolo asiu, Pita basehek sahou bwe le, Jises eme ndremenyani iy, “Saimon ou abudon buku sah? Iri kabin badu kon munyak akohok luk ta takis ere mine are lau eme? Oro akohok ere mine oro lau toro amwenen, deh, oro akohok ereu mine ndramak ari ja?”

1 Timoti 5:17

Iri lau ta bwena ta lau ta Kindrei amekes lahou mwasin, kameh akohok sihine iri solo-an labai. Arile, i toro ala atiye sahou ma leheya sahou, kameh oro akohok ere bwele-en ja.

Metiu 22:21

Oro anya “Ta Sisa.” Iy tiye toro, “Mwasin, saba lakou ta Sisa, ado kadeu ki ta Sisa. Ya saba lakou ta Kindrei, ado kadeu ki ta Kindrei.”

Epesus 6:5

Aha bonyo-ou badeh, kabudon iri tinan taha, ma ka-en hamon ta sahou tiri. Aha winiyan bawasai bwe. Aha ka-en hamon ta sahou tiri i le buku aha anuhun, ma a-en hamon ta sahou ta Krais.

1 Pita 3:7

Buku none aha lau tasou ale, aha kakohok budon mwasin, ya aha kamanyah kamwenen hawe udu aha iri. Aha kalelek iri badih ale, tasah bada iri badih badeh, boto-on handru bwe. Idoh le aha kamekes kandriyen mwasin ki tiri. Iri badih ale kameh akohok koha iri ma nyosowa Kindrei mwasin hamon hawe aha mwan. Eme ma, buku none aha an hamon ta sahou dah, ari lakou winiyan basokei salom taha bwe, buku none aha asolom i ta Kindrei.

1 Timoti 6:1

Budon tiri lohowan mari badeh, iri kamekes ki ta lau ta atondrok iri badeh, ki buku doh: Saba lahou ndramak ta atondrok iri katiye iri kamekes badeh, ndra iri kamekes le, tasah kandriyen doh badeh, mwasin. Ya, ki buku none iri katebelese, badeh kameh, iri lau kameh bobose nyara Kindrei, ma hawe leheya ta to ale.

Epesus 5:33

Arile, iy tiye i buku doh ale ewek taha lau mwan ari, ari, “Aha badeh, kaso-ok udu aha iri, i buku le aha aso-ok bada aha amwenen.” Ma iri badih ale badeh, katudun nyara udu iri.

Tarou ta Luk 23:2

Eme iri tebeya wasai anya, “Ahi badeh, ndratakalahei ndramak dah amekes bolo manyah tiri lau tahi, bamwenen bwe. Iy tandra-un tiri lau badeh, sakeh luk sala ta Sisa, ma tiye anya, iy badeh, Krais, ma iy kabin tiri Isra-el.”

Tarou ta Mak 12:17

Eme Jises tiye i tiri, “Mwasin, saba lakou ta Sisa, aha kadeu ki ta Sisa. Ya saba lakou ta Kindrei, aha kadeu ki ta Kindrei.” Ya eme boho iri asak.

1 Timoti 5:13

Ma idah kameh, iri lolo-an a asiu ra-em ano asiu ra-em; ma laba tinan ta aliy handru badeh, iri kameh none kandriyen ta asehek lau ma sokolowa bolo lahou ta lau. Ma hawe iri asehek sahou laleyah.

Tarou ta Luk 20:22

Ou abudon i buku sah? Mwasin ta taha kadeu takis ki ta Sisa, deh ndri-iy?”

La-ukei ta Pol atorou ili tiri lau badu kon Rom 12:10

Ou aseken nadu tinem ari ari badu hawem handru. Ou sabudon ou le, arile ou anuhun sahou ta nadu tinem ari ari.

La-ukei ta Pol atorou ili tiri lau badu kon Rom 13:6

Ta katin don adeh, aha ala akeh luk ta takis i tiri lau ta atondrok kon adeh. Tasah, iri badeh, lohowan ta Kindrei; iri amekes lahou ta atondrok na len mari.