La-ukei ta Pol atorou ili tiri lau badu kon Rom 13:2 - Nyindrou

² Ya eme, are lau oro tebelese o amekes bahun i tiri lau ta atondrok, oro tebelese boto-on ale Kindrei amwenen ndratehei. Ya oro kameh bwese maha-an ma isi i la-u oro ta aliy.

La-ukei ta Pol atorou ili tiri lau badu kon Rom 13:2 Referans Kwoze

1 Pita 2:13

Aha kabudon sahou ta Kindrei, ma aha kanuhun sahou tiri lau ta atondrok kon. Kabin ere bwena ale aha kanuhun sahou tan ale.

Taitus 3:1

Ou tiye ki tiri lau ta Kindrei kare bahandra tondrok tiri lau ta atondrok iri, ma kanuhun boho iri. Ma oro lowosa oro kado le ta kamekes lahou mwasin le.

Jemis 3:1

Aha nadu tine mwan ma badih, aha mari sasahan ndramak ta bwena ta leheya iri mwan ma badih ta kandriyen Kindrei aso-ok. Tasah, udu bolo len ta Kindrei aleben kandriyen tiri mwan ma badih mari, iy ale kameh seleya amwenen labai iri gok tataha lau nane ta areu bwena ta leheya iri mwan ma badih mari.

La-ukei ta Pol atorou ili tiri lau badu kon Rom 13:5

Ya eme ta katin doh, aha kanuhun boho iri lau ta atondrok aha. Idoh badeh, anya ta aha kabelek maha-an hawe isi le bwe. Idoh in hamon ta budon mwasin tiye ou amekes kandriyen mwasin.

Tarou ta Mak 12:40

Iri bene-ei asiu ta badih nyau, ya iri wendreya ta aliu salom lawe-en lawe-en. Idah kameh iri lau buku doh kameh akohok maha-an laba tinan labai.”

Tarou ta Luk 20:47

Oro bene-ei asiu tiri badih nyau, ya iri wendreya ta aliu salom lawe-en lawe-en. Oro lau buku doh kameh akohok maha-an laba tinan labai.”

Metiu 23:13

Jises asehek sahou ja i buku doh, “Ado lau tanan ta batanau malen ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Tasah, ado ndrasulu-i kou ta ala bolo kon mwasin udu kandrah ereu mada iri lau. Ado ale winiyan bala bolon bwe. Ya, buku none iri lau anya kala bolon, ado aturuk san tiri.

La-ukei ta Pol atorou ili tiri lau badu kon Rom 9:19

Eme ya aha ari kameh tiye sahou eme tek anya, “I buku sah handru? I buku Kindrei aseken, iy winiyan tiye iri lau rayah kasahan nadun. O, bwe eh, iy atehei le konan i tiri rayah ja, ma iri kameh amai.” Buku sahou dah handru, ya, na saba katin handru kameh Kindrei winiyan edeu maha-an eme tataha lau ta amekes kandriyen ndra-in? Tasah, ari lau winiyan basokei tanan ma lahou ta Kindrei bwe.

La-ukei ta Pol atorou ili tiri lau badu kon Rom 13:1

Ou anuhun sahou tiri lau ta atondrok kon. Tasah, Kindrei badeh, edeu boto-on i tiri ta atondrok. Iri lau ta atondrok doh badeh, Kindrei le edeu.

La-ukei ta Pol atorou ili tiri lau badu kon Rom 13:3

Tasah, iri lau ta atondrok badeh, lahou tiri ta nohowa lau amekes kandriyen mwasin bwe; arile toro lau heh amekes kandriyen ndra-in labai. I buku none ou anya, ou sanoh tiri lau ta atondrok badeh, ou amekes kandriyen mwasin, ya idah kameh, iy masiye ou.