La-ukei ta Pol atorou ili tiri lau badu kon Rom 13:13 - Nyindrou

¹³ Ma eme taha katondrok tekedek tataha kudu mwasin i buku none lau manyah ado bolo an na len; sala buku none taha ka-un gwa boto-on ma bwidi batu taha asahan lolo-ou, ya taha asehek sahou laleyah, ma amekes karei ma madasarah, ma samekes bahun hawe samekes madalakis sala ta ndramak ari ari, ndri-iy.

La-ukei ta Pol atorou ili tiri lau badu kon Rom 13:13 Referans Kwoze

Galesiya 5:21

Iri kandriyen i buku madalakis ta lakou, ma hawe a-un gwa boto-on ta amekes lau abo lolo-ou, ma ta amekes lakou laleyah. Jo tiye sahou batanau i taha dah, i buku bwena jo ndrasehek taha: Oro are lau amekes kandriyen doh, winiyan bado bahandra tondrok ta Kindrei bwe.

Epesus 5:18

Aha sa-un waen solo-an ta amekes aha abo lolo-ou. Arile aha badeh, kadih mara-ei na le Malawin Ndrabun.

1 Tesalonaika 4:12

Buku aha amekes i buku aliy, idah kameh iri lau tana iri Kindrei bwe, iri anyolom kandriyen doh, aha a-en hamon ta aliy, ma iri kameh atudun nyara aha, ma aha kameh barah ta ari lakou bwe.

1 Jon 2:6

Ya, buku are lau anya, “Jo ta Kindrei” o “Kindrei udu hawek,” tekedek ma hawe kandriyen tan mara-ei badeh, ki buku le ta Jises.

Epesus 5:15

Eme ma, bale aha kudu taha, ta kandriyen ta tekedek taha. Aha sadek buku iri mwan ma badih tana iri Kindrei bwe, arile aha kadek buku iri lau ta tanan.

1 Tesalonaika 2:12

Aso badeh, anya kariu budon taha, ma kamekes ndrine aha kabadok, ma kasehek sahou boto-on kewek taha buku doh: Aha kadek kamwenen, ma ka-en hamon ta kandriyen Kindrei aso-ok aha kamekes, tasah iy amwenen winiyan luhi aha ala hawe iri lau tan are bolo lomada sun, ma aha kameh are bolo tondrok tan mwasin udu kandrah.

Tarou ta Luk 21:34

“Bale ado ki tado doh! Ado satehei budon hawe ndrine ado sahis ta lakou badu kon munyak, hawe ado sabulum ndrine ado na nyamon hawe a-un gwa boto-on ta amekes manyah tado kudu mwasin. Bwe kameh, len doh asahan kameh i le mani tur.

1 Tesalonaika 5:17

Ma aha kasolom kudu le buku doh.

Pilipai 1:27

Ma laba tinan labai asah i buku doh: Tekedek tado badeh, ki buku tekedek ta Jises, i buku none sahou handru tan asehek. Eme ya, i buku none jo bawek bwe, deh jo anuhun nyala ado le, jo tanan ado badeh, ales boto-on ta budon randra le. Ma ado asahan ndramak ari le, ta budon tado ta aseben iri lau katehei budon handru tiri ki ta sahou handru ta Kindrei.

La-ukei atorou Jut 1:23

Lau rayah ta bolowa sahou ta Kindrei ndra-au laleyah badeh, mesekei budon tiri lau rayah taku. Eme ma, jo aso-ok aha kanone ta ariu budon hawe ndrine iri keme hamon ta sahou handru, i buku aha aruwi kei suwi suwi udu bolo jih eme len ma sandrakak. Aha kamekes kandriyen ta tikisiy kili tiri mwan ma badih nane a-en hamon ta kandriyen badu lulik. Iri amekes iri lakou doh, i buku awin ndra ndraka-an mara-ei. Aha kare ndra len tiri kandriyen doh, ma aha sa-en hamon ta aliy.

2 Jon 1:4

Jo sekesek handru ta anuhun buku nadum oro ra-on ndra-en hamon ta sahou handru, buku tama taha ndrabatanau taha, ta a-en hamon ta sahou tan.

Jemis 4:5

Buk ndrabun ndratiye, i buku doh, “Malawin mwasin nane Kindrei atehei udu bolo taha, len mari iy aso-ok taha ka-en bahandran amwenen.” Aha anya, sahou dah, sahou laleyah nadeh?

Kolosi 3:5

Aha badeh, ndramak hawe Krais. Eme ma, aha winiyan ba-en hamon ta kandriyen ndra-in ja bwe. Aha badeh, kadai iri kandriyen mari badu kon munyak udu ndrine aha ki-iu. Jo asehek ta kandriyen buku: Kandriyen ta karei, ma kandriyen ta amadin hawe badih o mwan tasou, ma kandriyen ta kereyani ndrine ndramak ta amekes karei, ma kandriyen ta ndrakok. Idoh i buku aha atehei bwili ndru-u aha i andri ili ta kindrei, iri amekes na sukumada kei. Tasah, lakou badu kon munyak badeh, akohok kon ta Kindrei udu bolo koha aha ja.

Kolosi 1:10

Aru amekes salom doh, ta aha winiyan adek buku iri mwan ma badih handru ta Laban, ma iy kameh aso-ok iri kandriyen taha marakon. Ma aha kameh winiyan amekes iri gok mwasin. Eme ma, aha kameh winiyan atanan Kindrei amwenen.

Pilipai 2:3

Ado samekes kandriyen ta ndrakok ta aseben ado le, ma satudun ado ta aliy. Ma hawe ado satudun le anya, ado ndra ari ai. Arile, ado kamasiye iri, ya bale ado kamani ado.

Epesus 5:8

Tasah, bwena mene aha are ndra bolo kandriyen ta lulik. Arile, na dah, aha ndrasahan iri mwan ma badih ta Laban, ma aha ndrame ta lomada sun, ma iy sihi mada aha ndrasak ta atanan iri kandriyen ndra-in mene aha amekes. Eme ma, aha ka-en hamon ta kandriyen mwasin, buku iri mwan ma badih are ta lomada sun.

Epesus 4:17

Ta nyara Laban, jo anya kabatanau aha ki buku doh: Aha sa-en hamon ja, ta kandriyen tiri mwan ma badih badu kon munyak, iri tanan Kindrei bwe. Budon tiri badeh, ari katin bwe.

Epesus 4:1

Jo Pol, jo udu bolo asiu lulik, ta amekes gok ta Laban dah. Eme ma, jo batanau aha boto-on. Bwena mene, iri atiye sahou mwasin ewek taha, ma aha atehei budon handru in ta Jises. Eme ma, aha ka-en hamon ta kandriyen amwenen ta kohan handru.

Galesiya 5:19

Kandriyen ta bada taha badeh, i buku doh: Kandriyen ta karei i buku mwi, kandriyen ndra-in ta sumukok;

Aposel 2:15

Oro lau dah badeh, ba-un gwa boto-on bwe. I buku bale ado badeh, bwe. Kon mandraben kahis le oh, mada an barala ndro ari adeh!

Tarou ta Luk 16:19

“Ndramak ari badeh, lakou tan solo-an labai. Iy badeh, anyasou na lakou saraman mwasin asih na luk solo-an, ma iy badeh, iwer nyamon ta aimon na len mari.

Tarou ta Luk 1:6

Uru ma la-uh badeh, bamekes se kandriyen ndra-in bandra-i ta mada Kindrei bwe. Uru badeh, an hamon handru ta sahou batanau ta Laban, ma an hamon ta kandriyen ta Laban mari.

1 Korin 3:3

Tasah, aha an hamon ta kandriyen ndra-in ta kon munyak dah kahis. Handru, kandriyen ta ubun, ma ndrinem ibolosen ili ta nadu tinem ari ja, ma tebelese udu ndrokowa aha kahis. Eme ma kandriyen aha amekes doh, leheya i buku handru, kandriyen taha badeh, ihis kahis hawe iri lau badu kon munyak.