La-ukei ta Pol atorou ili tiri lau badu kon Rom 13:12 - Nyindrou

¹² Mirihik kon kaleu ai, ma len kataku ai. Ya eme taha karuwaniy ta amekes kandriyen ndra-in badu lulik, ya taha kasini awin ta bahun ma len.

La-ukei ta Pol atorou ili tiri lau badu kon Rom 13:12 Referans Kwoze

Epesus 5:11

Aha sabwilibwik hawe iri mwan ma badih nane amekes kandriyen ndra-in ta bolo lulik. Iri kandriyen buku doh winiyan bato-ou salin mwasin bwe. Mwasin, ta aha kaleheya iri mwan ma badih, buku iri kandriyen doh ndra-in,

2 Korin 6:7

Ahi badeh, asehek sahou handru, ma amekes iri gok na le boto-on ta Kindrei. Ma ahi ale a-en hamon ta kandriyen mwasin, ma idoh leheya i buku beteleu ma nyekelen ahi tawiy ta amekes bahun.

Jemis 1:21

Eme ma, aha badeh, karuwani iri kandriyen ndra-in ta karei ma lomondra ndra-in nadah asahan solo-an labai udu bolo ndrine iri mwan ma badih. Ma aha katehei aha ka-au ka andri mara-ei ta akohok sahou nane Kindrei ndratahiy udu bolo ndrine aha. Sahou le doh badeh, winiyan andrei malawi aha mara-ei eme hamon ja.

Epesus 4:22

Sahou ta Krais dah badeh, i buku doh: Bwena mene, aha a-en hamon ta so-ok ta bada aha le amwenen. Iy aso-ok labai, iri kandriyen ta wasai, ma madalakis laleyah, ma hawe kandriyen doh badeh, bokoro-ei iy le. Eme ma, aha karuwi kandriyen malen doh udu ndrine aha keme len.

La-ukei ta Pol atorou ili tiri lau badu kon Rom 13:14

Arile, aha katehei kandriyen ta Laban Jises Krais ki buku none awin taha, ma aha karuwani budon ta karei ma lomondra ndra-in badu bolo oda aha.

Rebelesen 22:10

Ma iy asehek eme tek ja i buku doh, “Ou satone iri sahou ta Kindrei badu bolo buk dah, tasah len ndrame mirihik ai, ta iri lakou marakon doh, kameh asahan.

1 Pita 2:1

Aha ndrasahan ha-un ja na ndraye Jises Krais, eme ma aha karuwani iri kandriyen ndra-in. Aha sawasai, ma aha samekes kandriyen ndra-in sala ta ndramak ari ja. Mada aha salikis lakou ta ndramak ari ja, ma aha sasehek ndramak ari ja. Aha karuwani kandriyen ndra-in mari doh ki-iu.

Rebelesen 1:3

Are lau anyolom sahou ta propet ta Kindrei dah, ta lakou anya kasahan hamon iri winiyan sekesek. Ma are lau ta Kindrei anuhun ma in hamon ta aliy, iri kameh winiyan sekesek handru. Tasah, len ndrasahan ndrame mirihik labai ta Kindrei kameh amekes iri lakou doh, iy mene ndratiye ta aliy.

1 Korin 7:29

Aha nadu tine, jo asehek taha i buku doh, tasah len ta Laban anya keme hamon ja badeh, ndrame mirihik labai. Eme ma, len dah ili, budon tiri lau mwan, udu iri ere aliy, sahis labai ta kandriyen ta tasou le. Kasahan buku budon ta ndramak bala tasou bwe, budon tiri badeh, ihis ta gok ta Laban.

1 Korin 10:11

Iri lakou marakon asahan tiri nane doh ta leheya eme mada taha le. Lakou marakon nane doh iri ndratorowenei ale udu bolo buk ndrabun ta leheya taha lau nane ado kada-ah. Tasah, taha ndrame mirihik ta len ta kon munyak anya kano.

2 Korin 10:4

Ahi badeh, bakohok boto-on ta lakou badu munyak bwe. Ahi badeh, adek na le boto-on ta Kindrei, ta adi boto-on ta balik mara-ei ano iu.

Epesus 5:8

Tasah, bwena mene aha are ndra bolo kandriyen ta lulik. Arile, na dah, aha ndrasahan iri mwan ma badih ta Laban, ma aha ndrame ta lomada sun, ma iy sihi mada aha ndrasak ta atanan iri kandriyen ndra-in mene aha amekes. Eme ma, aha ka-en hamon ta kandriyen mwasin, buku iri mwan ma badih are ta lomada sun.

Hiburu 10:25

Taha samani kandriyen tataha ta atukum taha marakon a le se, ta atudun Kindrei. Taha sala buku iri lau rayah ndramekes, arile taha kabadok ta amekes ndrine iri lau ta Kindrei kudu mwasin. Tasah, taha ndratanan ta len ta Laban anya keme hamon ja badeh, ndrame mirihik.

Hiburu 12:1

Iri lau mwan hawe iri badih bwena mene awudi taha are le alih i buku asi kandrah, eme iri leheya taha ta kandriyen ta budon tataha kili ta Kindrei. Eme ma taha kamani iri lakou ale tawi taha winiyan basakaliye boto-on bwe, ma taha karuwani iri kandriyen ndra-in marakon ale tawi taha ihis. Eme ma, taha kamekes ndrine taha kabadok ta sakaliye ta akohok lakou mwasin doh, Kindrei ndraleheyani taha sakaliye ta aliy.

Jemis 5:8

Aha ale, ndrine aha kudu mwasin, ma kado le katondrok ta bwese iri maha-an anya asahan taha, tasah len ta Laban ta eme hamon badeh, ndrame mirihik.

1 Pita 4:7

Len ta kon munyak ta ano ndrame mirihik labai, eme ma aha kabudon kamwenen, ma mada aha kaleu, ya aha katondrok iri kandriyen taha kamwenen. Idoh kameh aha winiyan asolom amwenen.

2 Pita 3:9

Eme ya Laban badeh, bamunum ta budon tan nane iy tandrakan ta amekes bwe. Bala buku none bale taha lau ala lomondra ta aliy anya amunum kede-eh bwe. Arile, iy badeh, udu le atondrok taha, tasah iy badeh, aseken taha mari katubuni ndrine taha ta kandriyen ndra-in, ya taha sala bolo jih.

2 Pita 3:11

Ya, ki buku none lakou mari kameh kandra-i ki le buku doh, idah kameh, ado barala buku sah bah? Ado badeh, manyah ma kandriyen tado kudu mwasin ki buku lau ta Kindrei handru,

1 Jon 2:18

Wurah lomada ado naduk ta nyara Krais, len ta munyak dah ta udu badeh, ndrame mirihik labai ta ano ai. Buku none aha ndranuhun, lau ta kaliu hawe Krais kameh asahan. Ya, idah, iri lau solo-an ta kaliu hawe Krais ndrasahan ai. Eme ma taha ndratana taha, len ta munyak ta ano badeh, ndrame mirihik ai.