La-ukei ta Pol atorou ili tiri lau badu kon Rom 13:11 - Nyindrou

¹¹ Ma eme aha kamekes kandriyen doh, tasah aha ndratanan ta taha na dah manyah ado bolo len ta aliy ai. Mada an ndrasahan ta aha samadin, tasah ndramak ta aseben taha, ale taha mene atehei budon tataha handru in tan badeh, len tan ndrame bakep, bala buku none kabatana na len mene taha tubuni ndrine taha, bwe.

La-ukei ta Pol atorou ili tiri lau badu kon Rom 13:11 Referans Kwoze

1 Pita 4:7

Len ta kon munyak ta ano ndrame mirihik labai, eme ma aha kabudon kamwenen, ma mada aha kaleu, ya aha katondrok iri kandriyen taha kamwenen. Idoh kameh aha winiyan asolom amwenen.

Epesus 5:14

Sun anya, ma lomadan lomotani lakou marakon ere le lewan. Eme ma, iy asehek i buku doh: “Aha kamak, ma kasuri aha ado bolo imek taha kame loken, ma lomada Krais kameh anya udu bwele-e aha.”

1 Korin 15:34

Aha kamani iri kandriyen lolo-ou taha ki-iu, ma budon taha kamwenen. Aha samekes iri kandriyen ndra-in ja ai. Aha kanuhun! Iri taha rayah badeh, bala tanan ta Kindrei bwe le. Jo amekes iri sahou dah ewek taha ta bwili aha kama ta iri kandriyen taha.

Rebelesen 22:20

Iy lau doh asehek sahou ta nyala iri lakou marakon nane anya, “Ehe, jo kameh ewek, nawin bwe!” Handru! Laban Jises, ou ame!

Tarou ta Luk 21:28

Eme ya, i buku none ado atou lakou mari doh kasahan badeh, mada ado katele ai, tasah len ta ndramak ta seben badeh, ndrame bakep ai.”

Rebelesen 22:12

Eme Jises anya, “Aha marakon kanuhun! Jo kameh asahan nawin bwe. Jo kameh andrei iri ndramas ewek, ta adeu ewek taha mwan ma badih. Jo kameh edeu saluwe ndramas ili tiri mwan ma badih ari, ari ta bundruwe kandriyen iri mene amekes.

Jona 1:6

Ndramak tinan ta atondrok ndron dah ili andri bolo ndron, iy mete-ei Jona. “Ou amadin ta sah? Ou amak, ou asolom kili ta kindrei tam. Sebwe kindrei tam kameh winiyan anuhun to, ma iy winiya aseben to samak.”

1 Korin 10:11

Iri lakou marakon asahan tiri nane doh ta leheya eme mada taha le. Lakou marakon nane doh iri ndratorowenei ale udu bolo buk ndrabun ta leheya taha lau nane ado kada-ah. Tasah, taha ndrame mirihik ta len ta kon munyak anya kano.

Metiu 16:3

Na mandraben ado anya, ‘Asi kandrah ndra bokodon ma mada kon ndra saram. Sebwe na idah kameh jor atohou ma ur undruk nadeh.’ Ehe, ado atou kalem ere bolo kandrah, ma tiye amwenen. Arile ado batou ma baleheya bamwenen iri kalem ta len dah bwe.

Jemis 5:8

Aha ale, ndrine aha kudu mwasin, ma kado le katondrok ta bwese iri maha-an anya asahan taha, tasah len ta Laban ta eme hamon badeh, ndrame mirihik.

2 Pita 3:9

Eme ya Laban badeh, bamunum ta budon tan nane iy tandrakan ta amekes bwe. Bala buku none bale taha lau ala lomondra ta aliy anya amunum kede-eh bwe. Arile, iy badeh, udu le atondrok taha, tasah iy badeh, aseken taha mari katubuni ndrine taha ta kandriyen ndra-in, ya taha sala bolo jih.

2 Pita 3:11

Ya, ki buku none lakou mari kameh kandra-i ki le buku doh, idah kameh, ado barala buku sah bah? Ado badeh, manyah ma kandriyen tado kudu mwasin ki buku lau ta Kindrei handru,

1 Jon 2:18

Wurah lomada ado naduk ta nyara Krais, len ta munyak dah ta udu badeh, ndrame mirihik labai ta ano ai. Buku none aha ndranuhun, lau ta kaliu hawe Krais kameh asahan. Ya, idah, iri lau solo-an ta kaliu hawe Krais ndrasahan ai. Eme ma taha ndratana taha, len ta munyak ta ano badeh, ndrame mirihik ai.

Rebelesen 1:3

Are lau anyolom sahou ta propet ta Kindrei dah, ta lakou anya kasahan hamon iri winiyan sekesek. Ma are lau ta Kindrei anuhun ma in hamon ta aliy, iri kameh winiyan sekesek handru. Tasah, len ndrasahan ndrame mirihik labai ta Kindrei kameh amekes iri lakou doh, iy mene ndratiye ta aliy.

Rebelesen 22:10

Ma iy asehek eme tek ja i buku doh, “Ou satone iri sahou ta Kindrei badu bolo buk dah, tasah len ndrame mirihik ai, ta iri lakou marakon doh, kameh asahan.