La-ukei ta Pol atorou ili tiri lau badu kon Rom 13:10 - Nyindrou

¹⁰ Ya eme are lau aseken lau badu mirihik tan badeh, iy winiyan bamekes budon ndra-in bala tiri bwe. Eme ya sendrehendreh ta aliy i buku doh: Kandriyen ta aseken ndramak ari ari badeh, mesekei ou an hamon ta batanau malen mari.

La-ukei ta Pol atorou ili tiri lau badu kon Rom 13:10 Referans Kwoze

La-ukei ta Pol atorou ili tiri lau badu kon Rom 13:8

I buku none aha mene ndrandrei ari lakou ta ari ndramak ta aseben aha, ya aha batehei saluwen bala hamon bwe le, badeh, aha katehei kili hamon. Arile, kandriyen ta aseken ndramak ari ja badeh, aha winiyan babwidiy bano bwe. Tasah, kandriyen ta aseken ndramak ari ja badeh, lakou maha-an labai ta aha winiyan batehei mara-ei bala hamon bwe. Ya, iy are lau aseken ndramak badu heh, badu heh badeh, iy in hamon handru ta batanau malen mari.

Metiu 7:12

Ya, udu bolo lakou mari, ou amekes kili tiri lau, saba lakou ou aseken iri lau kamekes kewek tam ale. Idah amwenen le ta sahou batanau ta Moses, ma hawe sahou leheya tiri propet.”

Tarou ta Jon 13:34

“Na dah jo edeu kandriyen ta batanau ha-un ewek tado: Ado ari ari badeh, kaso-ok nadu tine ado iri rayah ja. I buku le jo mene aso-ok ado labai, eme ma ado kaso-ok nadu tinem iri rayah ja.

Galesiya 5:14

Tasah, batanau malen mari eme bahandra batanau ari le: “Ou aseken iri lau ari ari badu hawem, i le buku ou aso-ok ou le.” Lebitikus 19:18

Jemis 2:8

Buku aha a-en hamon ta batanau ari le mwasin nane Kindrei atehei eme tataha anya, “Ou aseken iri lau ari ari badu hawem, i le buku ou aso-ok ou le,” Lebitikus 19:18 idoh mwasin. Jo ari sahou ta aliy bwai.