La-ukei ta Pol atorou ili tiri lau badu kon Rom 13:1 - Nyindrou

¹ Ou anuhun sahou tiri lau ta atondrok kon. Tasah, Kindrei badeh, edeu boto-on i tiri ta atondrok. Iri lau ta atondrok doh badeh, Kindrei le edeu.

La-ukei ta Pol atorou ili tiri lau badu kon Rom 13:1 Referans Kwoze

Taitus 3:1

Ou tiye ki tiri lau ta Kindrei kare bahandra tondrok tiri lau ta atondrok iri, ma kanuhun boho iri. Ma oro lowosa oro kado le ta kamekes lahou mwasin le.

Tarou ta Jon 19:11

Jises eme tiye i tan ja, “Ou winiya batondrok jo bwe, i buku Kindrei batehei boto-on ta atondrok jo bawek tam bwe. Ta idoh le kameh, are lau iy atehei jo eme minem dah, iri kandriyen tan marakon kameh udu bwele-en labai ja ta iri kandriyen ndra-in tam.”

La-ukei atorou Jut 1:8

Eme ya, iri lau ale anya kabolowa ado, iri an hamon le ta kandriyen nane. Ameh tiri mesekei, ma iri amekes kandriyen ndra-in laleyah ta amekes bada iri amwenen andra-i. Ma iri bwale iri a-en bahandra tondrok ta Kindrei, ma iri asehek sahou ndra-in i bada iri angelo tan ja.

Epesus 5:21

Aha marakon ka-en bahandra iri mwan ma badih ari ari ta Kindrei rayah ja, ma ka-en hamon ta sahou tiri. Tasah, aha marakon badeh, a-en bahandra Krais, ma ta kandriyen doh aha kameh amekes ta atudun nyaran.

Rebelesen 19:16

Udu bada awin tan lawe-en, ma bada ndrubulon badeh, iri torowenei nyara lakou ari udu aliy i buku doh, “Kabin tiri Kabin ma Laban tiri Laban.”

Rebelesen 17:14

Oro kameh amekes bahun hawe Nadu Sipsip ta Kindrei. Arile, Nadu Sipsip ta Kindrei kameh kimidi iri mara-ei ano. Iy badeh, Laban tiri Laban ma kabin tiri kabin mara-ei. Ma iri mwan ma badih are hawen, iri lau doh badeh, iri mene anuhun sahou mwasin, ma iri lau iy mene edeu kalem i tiri, ma iri a-en hamon ta sahou tan, iri mwan ma badih marakon doh, hawe Nadu Sipsip ta Kindrei kameh adai iri lau marakon nane amekes bahun hawen ano mara-ei.”

Metiu 6:13

Ma ou satehei aso sala bolo iri none. Arile, ou sebenei aso ta sala bolo kandriyen ndra-in ta balik.

Aposel 2:41

Eme iri lau solo-an badeh, atehei budon tiri handru i ta sahou tan ma anyuwi oro. Ya kane iri lau mari nane doh, i buku none tuluwi (3,000) i bwele-e iri lau rayah na len doh.

La-ukei ta Pol atorou ili tiri lau badu kon Rom 12:21

Ou samukuni kandriyen ndra-in sasakalawi ou, ndri-iy; arile ou tihisi kandriyen ndra-in na kandriyen mwasin.

La-ukei ta Pol atorou ili tiri lau badu kon Rom 13:2

Ya eme, are lau oro tebelese o amekes bahun i tiri lau ta atondrok, oro tebelese boto-on ale Kindrei amwenen ndratehei. Ya oro kameh bwese maha-an ma isi i la-u oro ta aliy.

1 Timoti 2:2

ma kamekes ki tiri kabin mari, ma hawe are lau ateu batu lahou tinan ta atondrok, eme ma manyah ta to kudu mwasin; i san ta manyah mwasin ta Kindrei ma ta kandriyen lewen.”