La-ukei ta Pol atorou ili tiri lau badu kon Rom 12:3 - Nyindrou

³ Tasah, Kindrei amekes mwasin eme tek, ma iy atehei kalem eme tek ta jo kamekes lahou tan, ya eme jo asehek nyala aha mari i buku doh: Aha satehei budon taha anya aha ndra ari ai, ndri-iy. Arile, aha kamekes budon taha kudu mwasin ta lomondra ki-in hamon ta boto-on ta budon handru ma ta ndramas Kindrei atehei ndrawek taha.

La-ukei ta Pol atorou ili tiri lau badu kon Rom 12:3 Referans Kwoze

Galesiya 6:3

I buku none ari ndramak anya kasakau anya, iy le ai, iy le amwenen kameh wendreyani iy.

1 Pita 5:5

Eme ma aha loweu, aha kanuhun sahou tiri lau-en, ma ka-en hamon ta aliy. Aha sala ta bar ndra-in, ndri-iy. Aha mari kamekes kandriyen ta adeu ndrine aha ma so-ok taha ki andri bahandra so-ok ta nadu tine aha ari ja. Tasah, aha ndratana aha in bolo buk ndrabun asehek i buku doh, “Kindrei badeh, bwalen iri lau ta atudun nyara iri amwenen i loken, arile iy badeh, tikisiy, ya iy amekes mwasin i tiri lau ale atehei nyara iri, ma so-ok tiri i andri mara-ei.” Tanan 3:34

La-ukei ta Pol atorou ili tiri lau badu kon Rom 12:16

Ou manyah ado le, nono-ou ndri-iy hawe iri ari ari. Ou satudun ou, ndri-iy, arile ou amekes ou badeh, ala nah nadu bwisik ala hawe iri lau nyara iri bwe. Ya ou samekes ou anya ou tanan labai, ndri-iy.

1 Pita 5:8

Aha kalokou aha ma mada aha kaleu, tasah balik ale ta amekes bahun eme tataha badeh, edek ili eme ta takaleh iri lau mwan ma badih, ta amekes ndra-in ki tiri. Iy badeh, ndra-in labai, buku none ari layon. Iy anyur boto-on labai, ta nohowa iri bwisir tan, ma iri anoh, ya iri sakaliye. Ma iy kameh atikah iri, ma adai iri ta aimon. Balik ale anya kamekes kandriyen buku doh kewek taha.

1 Pita 4:7

Len ta kon munyak ta ano ndrame mirihik labai, eme ma aha kabudon kamwenen, ma mada aha kaleu, ya aha katondrok iri kandriyen taha kamwenen. Idoh kameh aha winiyan asolom amwenen.

Jemis 4:6

Arile, Kindrei badeh, tikisi taha tinan labai. Eme ma buk ndrabun tiye i buku doh, “Kindrei badeh, bwalen iri lau ta atudun nyara iri amwenen i loken, arile iy badeh, tikisiy, ya iy amekes mwasin i tiri lau ale atehei nyara ma so-ok tiri i andri mara-ei.” Tanan 3:34

1 Pita 4:11

Buku none ari ndramak ndrakohok ndramas ta Kindrei ta tiye sahou i ta lau, iy badeh, kasehek sahou ki ta lau, bwilin sama ndri-iy, tasah iy badeh, asehek buku le boho Kindrei. Buku none ari ndramak ibo gok ta aseben ndramak ari ja, mwasin, iy kibo gok ma boto-on na boto-on ta Kindrei ndratehei ndra tan. Buku none aha amekes i buku doh, iri lau kameh anyolom iri kandriyen mwasin asahan, ma iri kameh adeu nyaran tinan i ta Kindrei ta lakou mari Krais ndramesekei. Ma iy kameh akohok nyaran tinan, ma iy kameh atondrok lakou mari ereu le buku doh. Handru.

1 Korin 7:17

Ya iri ndramas ma tanan marakon nane Kindrei ndratehei ndrame tataha lau ari ari, ma saba gok taha are aliy bwena mene, eme Kindrei bwidi taha asahan lau tan; taha kadek le san doh. Jo badeh, edeu batanau i buku doh ili tiri lau ta Kindrei are bolo kon rakon rakon.

Taitus 2:12

Ma ale tikisiy tan badeh, leheya budon tataha aleu ta tiye taha sala bolo kandriyen ndra-in bamwenen ta mada Kindrei bwe. Ma taha badeh, karuwani kandriyen ndra-in taha amekes ta bada taha sekesek i buku iri lau badu munyak dah amekes, ki-iu. Arile, taha katondrok bada taha kudu mwasin, ma kamekes kandriyen mwasin i buku none lau handru ta Kindrei, na len mari udu bolo munyak na bolo len dah.

Taitus 2:2

Ma ou leheya oro lau-en badeh, ka-en hamon toro kandriyen doh: Oro badeh, budon toro kaleu, ma oro badeh, ki ndramak ala lau mari kanuhun oro, ma oro badeh, ki ndramak ta atondrok bada oro, ma oro badeh, ki ndramak handru ta budon toro kihis ta tanan handru. Ma oro badeh, ki ndramak ta amekes mwasin i ta lau mari, ma hawe oro badeh, ki ndramak ta ado le i buku none oro bwese maha-an solo-an.

2 Korin 12:7

Ya, lakou nane Kindrei leheya eme tek doh badeh, laba tinan labai. Eme ma, iy bwalen jo atudun nyarak ili loken labai mara-ei. Eme ma, iy atehei sik ari eme badak. Sik doh bokoro-ei jo i buku bodo lakou madan, madan tatahi ndramak. Sik doh, i buku ndramak ta balik ari, iy eme ta a-um jo ma tolomwa jo, ta jo satudun nyarak.

La-ukei ta Pol atorou ili tiri lau badu kon Rom 11:20

Handru, arile ou anuhun! Oro mene abok a andri tasah oro batehei budon handru toro bwe. Arile ou ales boto-on ta lakou ari le, ta budon handru tam. Ma ou sabudon anya ou ndra ari ai, ndri-iy; ou abudon ou, ma ou anoh.

La-ukei ta Pol atorou ili tiri lau badu kon Rom 1:5

Na iy le badeh, Kindrei atehei lahou dah eme kani aso, ma iy atehei seben eme taso ale, eme ma aso asahan aposel i nyara Krais ta atiye sahou, hawe kaliu iri lau badu kon leheleh mari kanuhun sahou, ma katehei budon tiri handru ki ta Kindrei.

1 Pita 1:13

Ya, budon taha kaleu kudu mwasin, ma aha kabudon tekedek taha kamwenen. Ya, aha katehei budon taha ki ta Kindrei ta abe-en iy, ta amekes iri lakou mwasin nane iy anya kedeu kewek taha. Idoh kameh asahan na len iri lau mari badu kon munyak anyolom Jises Krais eme hamon ja.

Taitus 2:4

Ano oro badeh, ki badih winiyan ta leheya iri badih tasou bolohau ta kanuhun ma kaseken udu iri, ma hawe kaseken nadu iri.

1 Korin 15:10

Arile, Kindrei badeh, mwasin labai! Iy bwidi jo asahan aposel tan, ma jo udu kada-ah, ma tikisiy tan eme tek badeh, bala laleyah bwe. Jo amekes gok boto-on labai udu bwele-en ja tiri aposel tan. Arile, jo le amwenen bamekes iri gok marakon nane doh bwe. Kindrei tikisi jo, iy eme atehei boto-on eme tek ta amekes iri gok marakon nane doh.

Tarou ta Jon 3:34

Are lau Kindrei nane suni iy eme, iy badeh, asehek sahou badu boho Kindrei amwenen. Tasah, Kindrei ndranyuhi iy ndrarek mara-ei na Malawin Mwasin.

Epesus 4:16

Krais badeh, udu bwele-e taha, iy amekes taha marakon, i buku mine taha, kati taha, mada taha, ma lakou badu badan. Iy aseken taha kabo gok ki-in hamon ta tanan ma nyamun, iy le edeu eme tataha ari, ari. Ma taha badeh, badan ranah ai, taha aseben taha ari, ari, eme ma taha marakon ahis le hawen. Na kandriyen doh, bada taha apar i tinan, ma i boto-on handru. Tasah, kandriyen ta aso-ok Kindrei, ma Kindrei aso-ok taha kasahan ki tinan mara-ei.

Tarou ta Luk 18:11

Eme iy Parasi dah, ales ere loken asolom i badan le, i buku doh, ‘Jo edeu wurah ewek tam Kindrei, ta jo badeh, bala buku none iri lau mari ta ndrakok, hawe bala buku none iri lau ta nyaladan, hawe lau ta amekes madasarah kede-eh, bwe. Ma hawe bala buku none ndramak ta akohok luk ta takis kede-eh, bwe.

Taitus 2:6

Eme ou batanau oro loweu ki le buku aliy. Oro katondrok bada oro kudu mwasin ta bolo tekedek toro mari.

1 Timoti 2:15

Arile, iri badih katawi kandriyen ta budon handru, ma hawe kandriyen ta tikisiy, ma hawe kandriyen mwasin ta are mada Kindrei, ma iri sala badih ta atudun iri ta anyasou bada iri. Ya buku none iri amekes i buku doh kameh, na len iri adeu nah kameh iri adeu udu mwasin.

1 Timoti 2:9

Ya aha badih, aha kalomondra kolau taha, ma aha kanyasou aha kamwenen; ma aha sanyasou batu aha sala buku none aha adeu lakou i bada aha, i buku none bek nyikilikin, i ndranye aha, hawe buwandralou, ma hawe kolau lomadan sowan tinan labai.

1 Timoti 1:14

Tikisiy ta Laban i tataha badeh, amou handru eme bwele-ek, eme jo atehei budon tek handru i ta Krais Jises, ma jo atehei ndrinek mari i tan. Ya taha are lau ahas hawe Krais badeh, kandriyen doh, kudu tataha.

Epesus 3:4

Na dah, aha anyolom sahou dah, ano aha kameh atanan buku, jo badeh, ndratanan handru ta sahou mene aton ta gok ta Krais amekes.

2 Korin 12:13

Jo mene amekes kandriyen le dah ewek taha, jo amekes ili tiri lau ta Kindrei rayah ale are laleyah. Arile, sebwe kandriyen tek ndra-in nadeh! Tasah, jo badeu ari maha-an bawek taha bwe, ma jo amwenen ale bandrek aha ta luk ta amekes gok dah bwe le. Arile, mwasin, aha kamani iri “lakou ndra-in” nane doh jo mesekei ndrawek taha!

1 Korin 3:10

Jo in hamon ta ndramas Kindrei edeu eme tek, ma jo asahan ndramak ta tanan labai ta atah asiu, eme ma jo ndratahi ndru. Ya, iri rayah an hamon tek ame ja, tahi asiu udu bwele-e ndru doh. Arile to ari, ari kabudon kamwenen ta kandriyen ta atah asiu.

La-ukei ta Pol atorou ili tiri lau badu kon Rom 11:25

Aha nadu tine, jo aseken budon taha kaleu ta sali sahou handru bwena mene aton mara-ei. Ma aha sasore nyara aha anya, Kindrei aseken le aha, ya iri Isra-el bwe, ndri-iy. Sali sahou handru bwena mene aton asah idoh: Iri lau rayah badu Isra-el badeh, bwale iri atehei budon tiri handru in ta Jises Krais. Ya iri kameh tunuhun sahou mwasin tan ili winiya le kane iri lau mari badu leheleh ala Kindrei aloh iri badeh, anuhun sahou mwasin ta nyala Jises Krais ma ame bolo tondrok tan.

3 Jon 1:9

Jo badeh, ndratorowenei la-ukei ramen, ndrawek taha lau ta Kindrei are badeh, ta aha katondrok iri lau rayah kameh awek ta amekes lahou ta Kindrei. Arile, Diyotrepis badeh, anya kasahan ki tinan ta atondrok iri lau ta Kindrei. Eme ma, iy ba-en hamon ta sahou nane ahi atorou ewek taha bwe.

Kolosi 2:13

Bwena badeh, aha amekes kandriyen ndra-in solo-an, ma aha a-en hamon ta ndrine aha malen, ma bwidi aha amak. Arile, Kindrei bwidi aha akohok kohan handru hawe Krais, ma Kindrei mani iri kandriyen ndra-in tataha marakon iu.

Kolosi 1:29

Ya, ahi aso-ok lakou doh kasahan handru, eme ma, na le boto-on ta Krais edeu eme tek, jo amekes gok dah boto-on labai.

Epesus 3:2

Sebwe, aha ndranuhun buku, Kindrei badeh, tikisi jo, ma atehei jo ta amekes gok dah; iy amekes ta tikisi aha ale.

2 Korin 10:13

Arile, ahi baso-ok ta amekes i buku doh bwe. Ahi kameh atudun le nyara ahi ta iri gok Kindrei atehei eme tahi ta amekes. Kalem le doh badeh, Kindrei lebelei ma iy andromwei eme tahi. Ma aha lau badu kon Korin, aha badeh, are bolo kalem ta gok dah, Kindrei amwenen edeu eme tahi.

Pilipai 2:13

Tasah, Kindrei le badeh, edeu boto-on i tado ta amekes lomondra mwasin ta sasah iy aseken ado ta amekes ma edeu boto-on i tado ta amekes.