La-ukei ta Pol atorou ili tiri lau badu kon Rom 12:16 - Nyindrou

¹⁶ Ou manyah ado le, nono-ou ndri-iy hawe iri ari ari. Ou satudun ou, ndri-iy, arile ou amekes ou badeh, ala nah nadu bwisik ala hawe iri lau nyara iri bwe. Ya ou samekes ou anya ou tanan labai, ndri-iy.

La-ukei ta Pol atorou ili tiri lau badu kon Rom 12:16 Referans Kwoze

1 Pita 3:8

Sahou tek anya kano kere dan ai. Arile, aha badeh, ndrokowa aha ma manyah taha kudu mwasin. Aha kaso-ok ndramak ari ja, buku none nadu tinem amwenen. Aha katikisi ndramak ari ja, ma aha karuwani iri kandriyen ta bar ndra-in.

Hiburu 13:5

Mada taha salikis ta luk. Iri saba lakou nane taha ndrakohok ma tataha udu aliy badeh, ndra winiyan ai. Kindrei ndratandrakan, “Jo winiyan bamani aha bwe-en, ma jo winiyan bakahei aha bwe.” Dutoronomi 31:6

La-ukei ta Pol atorou ili tiri lau badu kon Rom 15:5

Eme ya, jo aseken Kindrei, ndramak ta edeu boto-on ma ta amekes aha abadok, kaseben ndrine aha kudu mwasin ma kare le se, ta bolo tekedek taha a-en hamon ta Krais Jises,

La-ukei ta Pol atorou ili tiri lau badu kon Rom 12:3

Tasah, Kindrei amekes mwasin eme tek, ma iy atehei kalem eme tek ta jo kamekes lahou tan, ya eme jo asehek nyala aha mari i buku doh: Aha satehei budon taha anya aha ndra ari ai, ndri-iy. Arile, aha kamekes budon taha kudu mwasin ta lomondra ki-in hamon ta boto-on ta budon handru ma ta ndramas Kindrei atehei ndrawek taha.

1 Korin 3:18

Kora-on ari ndramak kawendreyani iy le amwenen. Buku ari mwan o badih udu bolo aha, iy in hamon ta kandriyen ta munyak dah, eme ma iy atehei budon tan i buku doh, “Tanan tek tinan labai, ma jo ere bwele-en labai tiri lau ta Kindrei rayah ja.” Mwasin ta iy katehei konan kili ta tanan badu munyak op, ma iy kameh winiyan asahan ndramak ta tanan ta kandriyen handru ta Kindrei.

2 Korin 13:11

Aha nadu tine mwan ma badih, aha ndrado ai, ma bale aha kudu taha. Jo aso-ok aha kabadok ta asahan lau ta Kindrei handru. Aha kanuhun sahou tek, ma katawiy kihis kudu budon taha, ma ndrine aha mara-ei kameh udu mwasin. Kindrei aso-ok aha lau mwan ma badih mara-ei, ma aseben ndrine aha udu mwasin. Iy amwenen kameh udu hawe aha.

La-ukei ta Pol atorou ili tiri lau badu kon Rom 11:25

Aha nadu tine, jo aseken budon taha kaleu ta sali sahou handru bwena mene aton mara-ei. Ma aha sasore nyara aha anya, Kindrei aseken le aha, ya iri Isra-el bwe, ndri-iy. Sali sahou handru bwena mene aton asah idoh: Iri lau rayah badu Isra-el badeh, bwale iri atehei budon tiri handru in ta Jises Krais. Ya iri kameh tunuhun sahou mwasin tan ili winiya le kane iri lau mari badu leheleh ala Kindrei aloh iri badeh, anuhun sahou mwasin ta nyala Jises Krais ma ame bolo tondrok tan.

Tarou ta Luk 14:13

Arile, i buku none ou awer nyamon tinan badeh, ou akohok iri lau tiri lakou bwe, ou akohok iri lau boha iri imek, hawe kati iri imek, ya ou akohok iri lau bada iri imek, ma hawe iri lau mada iri bwe, kawek kaimon nyamon hawem.

1 Korin 8:2

Buku iri lau anya iri tanan labai, iri lau doh tana iri ari lakou bwe-en!

1 Korin 6:5

Jo asehek sahou dah ta bwili aha kama. Buku sah handru? Sebwe aha kede-eh ari ndramak ta tanan ja bwai, ta amekes ndra-i udu ndrokowa uru nadu tinen kudu mwasin ja?

Pilipai 4:2

Eme ya ah badih ma la-uh badeh, Yuwodiya hawe Sintiki, ah kanuhun sahou. Jo aseken ah kase ta budon randra le, ya ah sasobobo ndri-iy. Tasah, ah ma la-uh badeh, nadu tine ah le, badu hawe Laban le.

1 Korin 4:10

Tasah, ta atudun nyara Krais le ari badeh, ahi asahan i buku iri lau bale iri bwe, arile Krais badeh, ndrabwidi aha asahan iri lau ta tanan labai. Ahi se boto-on ma ahi nyamu ahi bwe, arile aha ndrabadok kabwe. Ahi se nyara ahi bwe, arile nyara aha badeh, ndra tinan labai.

Tarou ta Luk 6:20

Ano mada Jises anyolom oro lau tan badeh, ma iy tiye anya: “Ou are lau ou lakou bwe badeh, ou sekesek. Tasah, lakou udu baha tondrok ta Kindrei kameh, tam.

Metiu 26:11

Iri lau tiri lakou bwe kameh len mari ado hawe ado, arile jo kameh winiyan bado hawe ado len mari bwe.

Metiu 11:5

Iri lau mada iri bwe, iri atou kon ja, iri kati iri ndra-in iri adek ja, iri lau lepra udu bada iri, iri asahan amwenen, ma iri ndranye iri bwe, iri anuhun kon ja, ya iri lau ndramak, iri ndrasahan ndrame awas ja, ma hawe sahou ta nyala sahou mwasin badeh, ndratiyaniy ndrala bolo iri lau, lakou bwe.

1 Pita 5:3

Aha samekes kandriyen buku none aha an bwena tiri bonyo-ou, ma lau ndrahu so-ok, ya aha banuhun sahou tiri lau nane Kindrei ndratehei iri ndrawek bahandra aha ta atondrok bwe. Arile, aha kamekes le iri kandriyen mwasin, ma aha kasahan buku none iri lau an bwena ta leheya san mwasin ili tiri lau.

Pilipai 3:16

Eme ya taha kamekes kandriyen mwasin mene le kili ki-in hamon ta seken ta Kindrei.

Pilipai 1:27

Ma laba tinan labai asah i buku doh: Tekedek tado badeh, ki buku tekedek ta Jises, i buku none sahou handru tan asehek. Eme ya, i buku none jo bawek bwe, deh jo anuhun nyala ado le, jo tanan ado badeh, ales boto-on ta budon randra le. Ma ado asahan ndramak ari le, ta budon tado ta aseben iri lau katehei budon handru tiri ki ta sahou handru ta Kindrei.

1 Korin 1:10

Na boto-on le ta Laban Jises Krais tataha, jo anya kasehek taha nadu tine mwan ma badih i san ta nyara Jises Krais. Jo anya kabatanau aha ki buku doh: Sohowa aha marakon badeh, ki le randra, idah kameh ari ndra-i winiya bado ndrokowa aha bwe. Aha sapou aha. Budon ma tanan taha badeh, ki le randra ta iri lakou marakon aha abudon ma asehek.

Aposel 4:32

Eme iri lau ta Kindrei, budon tiri hawe ndrine iri i le ari. Iri mari badeh, bamekes ndrakok bala ta sanuw tiri bwe. Arile, iri mari badeh, anyohan lakou tiri, i tiri ari ari.

3 Jon 1:9

Jo badeh, ndratorowenei la-ukei ramen, ndrawek taha lau ta Kindrei are badeh, ta aha katondrok iri lau rayah kameh awek ta amekes lahou ta Kindrei. Arile, Diyotrepis badeh, anya kasahan ki tinan ta atondrok iri lau ta Kindrei. Eme ma, iy ba-en hamon ta sahou nane ahi atorou ewek taha bwe.

La-ukei ta Pol atorou ili tiri lau badu kon Rom 6:2

Bwe handru en! Taha badeh, buku lau ndramak, ma taha ndraruwani kandriyen ta karei ma lomondra ndra-in. Eme ma, i buku sah handru, ya taha amekes kandriyen doh ili le gwek ai?

La-ukei ta Pol atorou ili tiri lau badu kon Rom 11:20

Handru, arile ou anuhun! Oro mene abok a andri tasah oro batehei budon handru toro bwe. Arile ou ales boto-on ta lakou ari le, ta budon handru tam. Ma ou sabudon anya ou ndra ari ai, ndri-iy; ou abudon ou, ma ou anoh.