La-ukei ta Pol atorou ili tiri lau badu kon Rom 12:10 - Nyindrou

¹⁰ Ou aseken nadu tinem ari ari badu hawem handru. Ou sabudon ou le, arile ou anuhun sahou ta nadu tinem ari ari.

La-ukei ta Pol atorou ili tiri lau badu kon Rom 12:10 Referans Kwoze

Pilipai 2:3

Ado samekes kandriyen ta ndrakok ta aseben ado le, ma satudun ado ta aliy. Ma hawe ado satudun le anya, ado ndra ari ai. Arile, ado kamasiye iri, ya bale ado kamani ado.

Hiburu 13:1

Taha samani kandriyen ta aso-ok nadu tine taha iri rayah ja i san ta nyara Jises.

1 Jon 4:11

Aha kawas tek ta Kindrei, buku none idoh san Kindrei amekes ta aso-ok taha, taha ale kaso-ok ndramak ari ja.

1 Pita 1:22

Ya na idah, aha ndranuhun sahou handru nyala Krais, ma iy ndramani iri kandriyen ndra-in taha mari, ma aha ndrasahan lau ha-un. Ma iy ndramesekei aha ndraso-ok ndramak ari ja ta Kindrei. Aha badeh, kaso-ok ndramak ari ja na budon hawe ndrine aha handru na len mari.

1 Pita 2:17

Aha kabeleben iri lau mari, ma aha kaso-ok iri lau atehei budon tiri handru in ta Kindrei. Aha kanoh Kindrei, ma kabeleben iri kabin badu kon munyak ale.

1 Tesalonaika 4:9

Ya, jo gok ta atorou rayah sahou ewek taha ta kandriyen ta aso-ok labai iri nadu tine aha, bwe. Tasah, Kindrei ndraleheya aha ta kandriyen doh, ma aha ndratanan ta aliy.

Galesiya 5:13

Ya, aha nadu tine, aha ndrasahan mwasin, tasah Kindrei ndraluhi aha ndrame len ta batanau malen tiri Juwis. Arile, aha salelei kandriyen mwasin doh samesekei aha sa-en hamon ta budon ta bada aha badu munyak. Arile, kandriyen ta tikisiy badeh, kamesekei aha kaseben aha ari, ari.

Galesiya 5:22

Arile, Malawin Ndrabun badeh, edeu kandriyen ta tikisiy, kandriyen ta sekesek, kandriyen ta amekes mondrei, kandriyen ta bohon bwe, kandriyen ta aseben, kandriyen mwasin hawe kandriyen ta amekes lahou mwasin ta budon tan handru,

1 Jon 4:20

Buku none are ndramak anya, iy aso-ok Kindrei handru, arile iy baso-ok nadu tinen ari ja bwe, ndramak doh badeh, iy lau ta wasai. Tasah, buku none iy baso-ok nadu tinen ari ja bwe, iy atou na le madan, ki buku sah handru iy kaso-ok Kindrei, ale iy batou na madan bwe.

2 Pita 1:7

Ma hawe i bwele-e kandriyen ta bolo manyah tado i buku lau handru ta Kindrei badeh, ado kanone boto-on tado ta amekes kandriyen ta tikisiy kudu ndrine ado, ki tiri lau ari ari, ma hawe i bwele-e kandriyen ta tikisiy kudu ndrine ado ki tiri lau ari ari badeh, ado kanone boto-on ta amekes kandriyen ta aseken iri lau mari.

1 Pita 5:5

Eme ma aha loweu, aha kanuhun sahou tiri lau-en, ma ka-en hamon ta aliy. Aha sala ta bar ndra-in, ndri-iy. Aha mari kamekes kandriyen ta adeu ndrine aha ma so-ok taha ki andri bahandra so-ok ta nadu tine aha ari ja. Tasah, aha ndratana aha in bolo buk ndrabun asehek i buku doh, “Kindrei badeh, bwalen iri lau ta atudun nyara iri amwenen i loken, arile iy badeh, tikisiy, ya iy amekes mwasin i tiri lau ale atehei nyara iri, ma so-ok tiri i andri mara-ei.” Tanan 3:34

Tarou ta Jon 15:17

Eme ma jo kabatanau aha buku doh: Aha kaso-ok nadu tine aha iri ari ja.

La-ukei ta Pol atorou ili tiri lau badu kon Rom 13:7

Aha katehei lakou saluwe lakou iri lau mari mene aha ndrandrei, kili hamon ja: Ya, i buku none aha bakeh luk ta takis ta sasah aha akohok eme bolo kon bwe badeh, aha kakeh kili; ya, i buku none aha mene banoh bwe, aha kanoh iri lau ta atondrok kon; ma i buku none aha bamasiye iri mene bwe badeh, aha kamasiye iri.

Aposel 4:32

Eme iri lau ta Kindrei, budon tiri hawe ndrine iri i le ari. Iri mari badeh, bamekes ndrakok bala ta sanuw tiri bwe. Arile, iri mari badeh, anyohan lakou tiri, i tiri ari ari.

Tarou ta Luk 14:10

Arile, i buku none iri katiye ou ala ta aimon nyamon badeh, ou manyah are ndrobek. Ya i buku none ndramak ta kati nyamon eme atou ou kameh anya, ‘Kawas tek, ou ame manyah ame ndrahu manyah mwasin udu bwena kada-ah.’ Ma idah kameh, iri tinan kameh barala tanan ou ai, ta ou badeh, ndramak ari awas.

Metiu 20:26

Arile kandriyen doh sa-en ndrokowa ado, ndri-iy. Ndramak anya ki tinan kereu ndrokowa ado, iy kasahan lau ta gok kereu ndrokowa ado.

2 Tesalonaika 1:3

Aha nadu tine, len marakon badeh, aso adeu wurah ili ta Kindrei ta aha. Handru, kandriyen ta tiye wurah i ta Kindrei doh amwenen. Tasah, budon taha badeh, asahan boto-on labai. Ma ale, aha marakon badeh, aso-ok nadu tine aha mwan ma badih rayah labai ja. Ma kandriyen mwasin asahan a sola le ai, ere ndrokowa aha.

Kolosi 1:4

Ya, aru adeu wurah i ta Kindrei, tasah aru ndranuhun sahou iri asehek nyala aha i buku doh: Bwena mene sahou handru hawe sahou mwasin ta Krais badeh, asahan taha, ma aha ndranuhun. Eme ma, aha atehei budon handru ta Kindrei kameh anyohan aha lakou doh iy ndraleheyaniy ndrawek taha, ma aha atondrok iri lakou nane udu kandrah kodo-oh. Eme ma aha badeh, atehei budon handru in ta Krais Jises, ma aha badeh, aso-ok labai iri lau mwan ma badih ta Kindrei. Sahou mwasin dah aha mene ndranuhun, badeh, ibo gok ta asahan bolo kon munyak solo-an, ma asahan i tinan ma leheyani kandriyen mwasin ili tiri mwan ma badih mari. I buku le iy ma bwena amekes ewek taha udu bada len ari ma bwena badeh, aha anuhun sahou mwasin, ma aha ndratanan, Kindrei badeh, amekes mwasin ewek taha.

Galesiya 5:6

Ma, Krais badeh, aso-ok taha labai, eme ma taha aso-ok iy ma a-en hamon tan. I buku ari ndramak iy anya kisan ku-in, o bwe, idoh lakou laleyah. Lakou laba tinan badeh, i buku doh: Taha badeh, katehei budon tataha handru ki-in le ta Krais, tasah taha badeh, aso-ok iy tinan labai.

Tarou ta Jon 17:21

Jo asolom ta oro kala le ari. Tama, oro kare hawe talu, i buku le ou ado hawek, ma jo udu hawem. Oro kasahan ari le, ta iri lau badu kon munyak kameh anyolom ma atehei budon tiri ewek tam, ta ou suni jo eme.

Jenesis 13:9

Eme ya talu kapou talu. Ou aseken munyak loboho heh bwena? I buku none ou aseken bilisiu badeh bilisiu baden eh jo ki aliy ai.”