Biblia Todo Logo
Bib sou entènèt

- Piblisite -




La-ukei ta Pol atorou ili tiri lau badu kon Rom 11:10 - Nyindrou

10 Ya abo, jo aseken lakou kawahei mada iri kagwah, ma iri sanyolom kon eh, ma hawe ndruwi kona iri kihun kudu le buku don eh.” Wari 69:22-23

Gade chapit la Kopi




La-ukei ta Pol atorou ili tiri lau badu kon Rom 11:10
13 Referans Kwoze  

Ado tanan buku Kindrei kameh edeu maha-an i tiri lau ta leheya tanan ta wasai, i buku none iy mene ndramekes ndra tiri lau rayah mene ndra-au. Bwena mene, iri angelo rayah amekes kandriyen ndra-in, ma Kindrei bamukuni iri bado bwe. Iy bokoro-ei iri i buku doh: Iy sawei mine iri ma kati iri, ma akahei iri ala ado bolo lek ta jih, ma iri ado bolo lulik laba tinan labai. Na idah iri ado aliy kodo-oh atondrok le len, ta Kindrei kameh edeu iri a ta sahou.


Budon ma ndrine iri badeh, ari tanan ta lakou ta Kindrei badeh, bado se aliy bwai. Iri a buku iri lau adek na lulik, ma iri bateu sun ta lomada san tiri bwe. Ya, ari tanan mwasin bwai, ndrine iri ihis, ma iri baso-ok sahou ta Kindrei bwe. Eme ma, iri are len labai ta kohan mwasin, Kindrei edeu ili tiri lau.


I buku none ndratorowenei mene ndra-au anya, “Kindrei badeh, wahei budon tiri Isra-el, ma mesekei mada iri agwah ta anyolom lakou, hawe ndranye iri ulun ta anuhun kon, eme, eme, taku na len dah.” Dutoronomi 29:4; Aisaya 29:10


Iri tanan Kindrei badeh, udu kede-eh, arile iri batudun ma bamasiye iy bwe, ma badeu wurah bala tan ta lakou mwasin iy amekes i tiri, bwe. Ya eme budon tiri badeh inyon; bolo iri mara-ei idih na lulik, ma iri bala tanan ndra-in ma mwasin udu heh bwe.


Iri lau ta karei doh badeh, bwilima tiri buku le goi laba tinan atohou ma tebeya sisoh eme le babi. Iri ale, buku ndrau udu kandrah edek ili eme, ba-en hamon ta san tan amwenen bwe. Iri lau doh badeh, Kindrei ndralowosani kon lulik labai, ta iri kameh ala are aliy ta udu le buku doh.


Ya ado kabudon iri angelo mene, iri bwale iri ateu gok mwasin Kindrei edeu i tiri, ya iri ndraruwani kon mwasin tiri. Eme ya Kindrei ndrasawei iri na sen ta ere le buku doh, ya iy ndratehei iri ndrala bolo kou lulik ere le buku doh, ta atondrok le len laba tinan ta sahou asahan.


Iri lau ta leheya tanan ta wasai badeh, i buku gwa udu bolo lek, ya lau anya kala ka-us, arile iri ala badeh, gwa ndramar. Iri ale i buku kon abakak, ya siyer atohou boto-on labai aluhi iu, ya ur bandruk bame andri ta lau bwe. Ya eme ta kandriyen ndra-in tiri doh badeh, Kindrei ndralowosani kon rakon doh lulik labai ndrado le ta iri kameh alih aliy.


Swiv nou:

Piblisite


Piblisite