La-ukei ta Pol atorou ili tiri lau badu kon Rom 10:9 - Nyindrou

⁹ Ya, i buku none ou asehek na bohom eme lewan anya, “Handru, Jises badeh, iy Laban,” ma ou atehei budon tam handru na ndrinem katiye ta Kindrei badeh, mete-ei Jises ta imek handru, idah kameh, iy akohok ou ame hamon.

La-ukei ta Pol atorou ili tiri lau badu kon Rom 10:9 Referans Kwoze

Tarou ta Luk 12:8

“Ya, jo kasehek tado kamwenen, are lau ale asehek ili tiri lau mwan ma badih buku none iy badeh badu hawek, jo Nadu Ndramak Awas ale kameh asehek tiri angelo ta Kindrei buku iy ndramak doh badu hawek handru.

Aposel 16:31

Eme uru anya, “Ou atehei budon tam handru ki ta Laban, idah kameh koham udu le buku doh ma hawe lowam oro.”

Pilipai 2:11

Ma hawe lau mari kameh aloh iy i tinan ta ndranye lau mari, ta Jises Krais badeh, iy Laban handru. Na sahou tiri doh kameh atudun nyara Kindrei. Tasah, iy le tama taha mari udu bolo lomadan ta taman Kindrei, ta atondrok munyak mari.

1 Pita 1:21

Na Jises le badeh, aha atehei budon taha in ta Kindrei. Iy mene ndramete-ei Jises udu bolo lek ta imek ndrame awas ja, ma iy ndratehei nyosowan ndrabun ndrala la-un. Eme ma, aha atehei budon taha boto-on in ta Kindrei, ma aha abe-en iy ta eme akohok aha ala hawen. Ma aha kameh akohok kohan mwasin ma manyah mwasin hawe Krais.

La-ukei ta Pol atorou ili tiri lau badu kon Rom 8:34

Are lau winiyan tiye anya taha ndrandra-i? Lau bwe! Krais Jises le badeh, mene imek, ya eme ja, iy amak eme loken ili manyah udu kabede taman loboho lim salin! Ya eme iy le aseben taha na sahou.

La-ukei ta Pol atorou ili tiri lau badu kon Rom 14:11

I buku none sahou mene ndratorowenei: “Laban tiye anya, ‘Jo ma mulin kahis le; Idah kameh, lau mari aluh a andri ma atehei bwili ndru-u iri i andri are madak, Ma iri mari kameh tiye eme lewen anya, ehe, jo Kindrei handru.’ ” Aisaya 45:23

1 Korin 12:3

Jo aso-ok na dah, aha katanan ta aleben iri malawin ndra-in, ma iri Malawin Mwasin ta Kindrei kamwenen. Buku Malawin Mwasin ta Kindrei irek ere ndrine ari mwan o badih, ma iy asehek sahou i tan, ya iy mwan o badih doh winiyan basehek sahou anya, “Jises ibo lolo-ou,” bwe. Ma ale, buku ari mwan o badih iy barek ta Malawin Ndrabun bwe, iy winiyan basehek anya, “Jises, badeh, Laban,” bwe.

2 Jon 1:7

Aha kanuhun, iri lau ta wasai solo-an labai ndradek ndrame bolo kon munyak. Iri lau ta wasai doh anya, Jises Krais badeh, basahan bala buku bada ndramak awas bwe. Arile, iri badeh, ta wasai ma ta ariu kaliu hawe Krais.

Tarou ta Jon 9:22

Taman uru tinen asehek, tasah uru anoh iri Juwis. Iri Juwis ndratehei sahou ndra-en aliy bwena, i buku are lau iy asehek anya Jises badeh, Mesaya, iri kameh tikahei iy udu bolo asiu ta atukum tiri Juwis iu ili manan.

Aposel 8:36

Eme uru sakaliye ado san ala badeh, asahan ta gwa rayah, eme ndramak tinan badu Itiyopiya dah anya, “Ou anyolom se, gwa asah idah. I buku sah handru, balomwani jo bwai?”

Aposel 2:24

Arile, Kindrei mete-ei iy amak eme awas ja ta imek; ma sebenei iy ta sisi-in ta imek. Tasah, imek badeh, winiyan batawi iy bwe.

Aposel 2:32

Kindrei badeh, mete-ei Jises amak eme awas ta imek. Eme ya aso dah badeh, asehek nyala lakou handru mene asahan.

La-ukei ta Pol atorou ili tiri lau badu kon Rom 4:24

Sahou doh badeh, winiyan eme tataha lau ale. Tasah, taha atehei budon tataha mara-ei ta Kindrei le mete-ei Laban tataha Jises eme loken ta imek. Eme ta katin doh, iy winiyan aloh taha lau mwasin mara-ei ta madan.

La-ukei ta Pol atorou ili tiri lau badu kon Rom 10:10

Tasah, ou badeh, atehei budon tam handru na ndrinem, ya eme Kindrei aloh ou mwasin mara-ei ta madan. Ma ou asehek sahou na bohom eme lewan, ma eme iy akohok ou ame hamon.

La-ukei ta Pol atorou ili tiri lau badu kon Rom 14:9

Ya eme ta katin le doh, Krais mene imek, ano iy amak ja, ta iy kasahan Laban ma katondrok lau ndramak ndrasu-u hawe lau bamak bwe.

1 Jon 4:15

Buku none ari ndramak asehek anya, “Jises badeh, iy Nadu Kindrei handru,” iy lau doh ereu hawe Kindrei, ma Kindrei ereu hawen ale.