La-ukei ta Pol atorou ili tiri lau badu kon Rom 10:8 - Nyindrou

⁸ Arile kati sahou nane i buku doh: “Sahou mwasin asah udu mirihik hawe aha; ma udu boho aha hawe ndrine aha badeh.” Dutoronomi 30:14 Sahou doh badeh, sahou mwasin le nane dah aso atiye anya iri lau katehei budon tiri handru ki-in ta Krais.

La-ukei ta Pol atorou ili tiri lau badu kon Rom 10:8 Referans Kwoze

1 Timoti 4:6

I buku none ou leheya batanau dah i ta nadu tinem oro, ou lohowan mwasin labai ta Krais Jises. Ma ou ale amekes ou abadok na aliy. Ma idah kameh, ou abadok na sahou ta budon handru mene ou anuhun ma ou a-en hamon ta aliy.

1 Pita 1:25

arile sahou ta Laban kameh ereu le buku doh.” Aisaya 40:6-8 Sahou doh badeh, iri ndrasehek ndrawek taha nane.

Galesiya 3:2

Eme jo anya ndremenya aha ta aliy, ma aso-ok aha badeh, kasehek kamwenen keme tek: Aha badeh, akohok Malawin Ndrabun ta Kindrei i san ta aha a-en hamon ta batanau malen deh? Bwe! Aha akohok Malawin Ndrabun i san ta aha anuhun, ma hawe i san ta budon taha handru ki ta sahou mwasin.

Galesiya 3:5

Aha abudon i buku sah? Kindrei badeh, edeu Malawin Ndrabun ma amekes kalem udu ndrokowa aha. Sebwe iy edeu tasah aha an hamon ta batanau malen? Bwe! Idoh badeh, i san ta anuhun sahou ma hawe ta budon taha handru badeh, i ta sahou mwasin labai.

La-ukei ta Pol atorou ili tiri lau badu kon Rom 10:17

Eme ma, taha tanan, taha anuhun sahou ta Kindrei, ya sahou tan badeh, tiyani budon tataha handru asahan. Ma sahou asehek doh badeh, sahou ta nyala Krais.

Aposel 10:43

Iri propet badeh, tiye nyalan ale, buku none are lau atehei budon handru in tan badeh, karei ma lomondra ndra-in tan kameh, iy maniy i san ta nyaran.”

1 Pita 1:23

Kindrei ndratehei kohan mwasin ndrawek la-u aha. Ma aha ndrasahan randrah ja, buku none le buwa kei ha-un ateh ereu bolo bilin. Arile, aha basahan na buwa kei badu kon munyak dah bwe. Buwa kei badu munyak dah kameh, imek ma amai iu. Aha asahan na buwa kei Kindrei le mesekei, ma iy kameh ereu le buku doh. Buwa kei doh badeh, sahou ta Kindrei. Sahou doh atehei kohan mwasin i la-u iri lau tan, ma iy winiyan bano bwe.

Aposel 16:31

Eme uru anya, “Ou atehei budon tam handru ki ta Laban, idah kameh koham udu le buku doh ma hawe lowam oro.”

Epesus 5:26

Iy amekes i buku doh ta atehei kalem i tiri mwan ma badih ta Kindrei ta iri tan amwenen. Ta sahou tan amwenen iri atehei budon tiri handru in aliy, ma alomwa iri na gwa, eme ma Krais badeh, bwidi iri asahan ha-un handru.