La-ukei ta Pol atorou ili tiri lau badu kon Rom 10:2 - Nyindrou

² Tasah, jo tanan iri mwasin labai, ma jo winiyan asehek i buku doh: Budon tiri badeh, ta amekes lahou ta Kindrei. Arile, budon tiri doh badeh, bamwenen ta tanan ta Kindrei bwe.

La-ukei ta Pol atorou ili tiri lau badu kon Rom 10:2 Referans Kwoze

Aposel 21:20

Iri anuhun nyala lahou ta Pol mari, ano iri atudun nyara Kindrei. Ma iri tiye ta Pol i buku doh, “Nadu tine aso, ou anuhun, ou ndratanam kane lau mwan ma badih nyaran bwe badeh, iri badu Juwis ma iri ndratehei budon tiri ndrala ta Jises. Ma iri mwan ma badih doh badeh, budon tiri irih labai ta a-en hamon ta batanau ta Moses.

Pilipai 3:6

Eme ya jo kede-eh anya ndra mwasin le ai, ta mada Kindrei. Eme jo edek ili eme amekes maha hawe isi i bada iri lau ta Krais. Ya jo kede-eh anya jo badeh, in hamon handru ta batanau mari tiri Juwis. Eme ya iri lau anya jo badeh, amekes lahou doh amwenen handru ta mada Kindrei.

Pilipai 1:9

Eme ya salom tek, jo amekes i tado badeh, i buku doh: Ta kandriyen tado ta tikisiy, ma ta aseben badeh, kabadok kudu ndrine ado kili kili, ma idah kameh winiyan mesekei ado atana ado ta kandriyen mwasin badeh, i buku sah, ma hawe ado kameh winiyan atana ado kandriyen mwasin handru ta Kindrei i buku sah.

La-ukei ta Pol atorou ili tiri lau badu kon Rom 10:3

Ya eme iri bala tanan ta saba san handru Kindrei aloh iri lau mwasin mara-ei ta madan bwe. Ma eme iri amekes na budon ma boto-on tiri laleyah, ya eme iri batehei iri bala baha Kindrei baloh iri mwasin ta madan bwe.

Galesiya 1:14

Ya, oro Juwis rebesem badu hawek badeh, jo sakalau oro ja ta kandriyen ta batanau. Jo sakalau oro ta bolo kandriyen ta tubu ahi, iri asehek eme tahi Juwis. Ma eme, budon tek irih labai ta in hamon ta kandriyen ta tubu ahi iri.

2 Korin 4:4

Tasah, kindrei ta wendreya badu munyak dah, iy mene wahei budon tiri mwan ma badih doh batehei budon tiri bala ta Kindrei bwe. Eme ma, sun ta sahou mwasin ma lomada Krais, idoh winiyan bala bolo budon ma ndrine iri bwe, ma iri winiyan akohok Krais bwe, konen i buku Kindrei amwenen.

2 Korin 4:6

Ehe, ahi atiye sahou ta Jises. Tasah, bwena mene Kindrei bwidi munyak dah anya, “Sun kanya bolo lulik.” Jenesis 1:3 Kindrei amwenen doh irek labai ta sun, ma iy akohok ahi ame hamon ja. Jises Krais, iy le sun doh udu ndrine ahi. Eme ma sun doh aseben ahi leheya iri mwan ma badih, Kindrei i buku sah handru.

Aposel 22:3

Ma iy asehek ili le anya, “Jo badu Juwis, tine tuwi jo badeh, udu kon rakon iri aloh Silisiya udu bolo kon tinan Tasus. Arile, jo ma bwisik, jo ili akohok tanan ta leheya ma jo asahan ili awas badeh, udu kon tinan Jerusalem dah. Bolo len doh, ndramak tinan taha ari nyaran Gamaliyel badeh, leheya jo. Ma jo badeh, akohok tanan handru ta iri kandriyen malen mari ta tubu taha Moses. Jo abadok ma asahan boto-on ta in hamon le ta Kindrei, ta iri sahou tan, i buku le aha lau marakon nane are kada-ah amekes.

2 Korin 8:3

Jo badeh, ndratanan, ma jo asehek amwenen ewek taha: Iri badeh, a-en hamon ta tanan ma so-ok tiri le ta adeu luk doh. Lakou tiri badeh, udu aliy, ta iri anya kadeu. Ehe, ma iri suriy labai, ma iri adeu ranah ili bwele-en ja.

Aposel 21:28

Iri arah ma aloh i buku doh, “Aha lau badu Isra-el, aha kame kaseben aso. Iy lau dah le adeh, leheya lau badu kon mara-ei, iy bobose iri lau tataha, ta kandriyen malen ta Moses, ma asiu tinan ta Kindrei ale. Ya, iy bamekes kandriyen dah le bwe. Iy akohok iri lau badu Grik ale ame bolo asiu tinan ta Kindrei, ma iri bwidi ndrahune Kindrei nane leheya iy amwenen udu aliy, ma bwidi ajah ta madan.”

Galesiya 4:15

Aha mene sekesek handru ta kandriyen mene jo ndramekes. Eme na dah ja, saba lakou ndramesekei aha? Bwena mene, aha winiyan baso-ok jo kameh imeson o barah ta ari lakou bwe-en. Na bolo len bwena mene doh, aha winiyan sekesek ta aha sudi mada aha amwenen, ma atehei eme tek, ta aseben jo.

Kolosi 4:13

Jo anya katiye taha buku doh, iy badeh, asa-ar handru ta aseben aha, hawe iri mwan ma badih ta Kindrei are kon tinan Leyodisiya, ma Hirapolis.

Aposel 22:22

Iri Juwis anuhun sahou ta Pol, arile iri anuhun iy asehek ja ta aseben iri lau badu leheleh, eme ma bwidi ndrine iri ibolosen, ma iri arah boto-on labai anya, “Iy sare kon munyak hawe taha! Kadi iy kimek ki-iu! Iy ndra-in labai, ma iy sado kon munyak dah!”

Tarou ta Jon 16:2

Iri kameh tikahei aha au ala manan ta asiu ta atukum tiri Juwis. Ano ma len asahan ta are lau iy idi aha amak, abudon anya, iri amekes gok doh ta atudun nyara Kindrei.

La-ukei ta Pol atorou ili tiri lau badu kon Rom 10:1

Aha nadu tine, jo badeh, bolo ndrinek aseken handru, ta Kindrei kakohok iri lau tek Isra-el kame hamon ma iri samak. Eme ma jo asolom i ta Kindrei ta aseben iri na len mari.