La-ukei ta Pol atorou ili tiri lau badu kon Rom 1:9 - Nyindrou

⁹ Aha ndranyolom ai, sahou mene jo asehek i taha badeh, handru, ya Kindrei badeh, tanan. Kindrei le doh badeh, jo atehei ndrinek mari i tan, ma atudun iy, ma jo edek ta atiye sahou mwasin ta nyala nadun. Ma Kindrei tanan, jo badeh, balek bamani aha bwe na len mari

La-ukei ta Pol atorou ili tiri lau badu kon Rom 1:9 Referans Kwoze

Epesus 6:18

Iri lakou doh, aha kamekes hawe salom, ma kandremenya Kindrei ta aseben aha. Aha badeh, kasolom ta iri lakou marakon aha amekes, na boto-on ta Malawin Ndrabun. Ma aha ale katehei ndrokei kamwenen labai, ma aha winiyan bajos bwe. Len marakon aha kasolom ta aseben iri mwan ma badih ta Kindrei.

2 Timoti 1:3

Bwena mene, tubu oro badeh, a-en hamon ta kandriyen ta Kindrei ma atudun nyaran. Eme ma, jo ale ki-in hamon tan ta ndrinek, jo atona kandriyen jo in hamon ta aliy doh ta amekes gok tan, idoh amwenen handru. Na len dah badeh, jo abudon ou, ma jo edeu wurah i ta Kindrei, tasah ou badeh, atehei budon tam handru in tan, ma ou a-en hamon ta kandriyen tan.

La-ukei ta Pol atorou ili tiri lau badu kon Rom 9:1

Jo badu hawe Krais. Eme ma, sasah jo asehek dah badeh, wasai bwe, handru. Malawin Ndrabun atondrok bolo budon tek mari ma tiye tek, ta jo badeh, bawasai bwe.

1 Tesalonaika 5:17

Ma aha kasolom kudu le buku doh.

2 Korin 1:23

Kindrei tanan budon tek. Eme ma, buku jo kawendreya badeh, Kindrei winiyan nyowani wendreya tek doh, iri mwan ma badih kameh winiyan atanan ta aliy. Arile, jo bawendreya bwe. Jo asehek handru. Jo bwalek edeu maha-an tinan ewek taha, ma abolosen ewek taha ta kandriyen ndra-in mene asahan ndrokowa aha. Eme ma, jo mene bawek hamon bawek Korin ta anyolom aha ja bwe.

1 Tesalonaika 3:10

Na len ma na ben, aso badeh, asolom ili le ta Kindrei, iy winiyan aseben aso ta awek kanyolom aha, i buku aha abudon amwenen ili ta Kindrei, ya aso anya katadau budon taha, ma aha kameh winiyan atehei budon taha boto-on in le ta Kindrei.

1 Tesalonaika 1:2

Len mari aso ma taloh adeu wurah i ta Kindrei ta aha, ma aso asolom ili ta tama taha Kindrei, badeh aso aloh nyara aha len marakon udu bolo salom taso.

Pilipai 3:3

Eme ya ado satehei budon tado handru sa-en toro, tasah oro asan ku-i oro, eme oro anya, i san doh kameh mesekei oro asahan lau ta Kindrei, arile bwe. Arile, taha lau ala atehei budon tataha handru i ta Kindrei bala san doh bwe, taha asahan lau ta Kindrei i san ta taha ruwani ta amekes kandriyen ndra-in. Ma taha atudun Kindrei i san ta Malawin Ndrabun, hawe taha ale sekesek i le ta Krais ta lakou mene iy mesekei eme tataha. Ya eme taha batehei boto-on ta taha bala ta kandriyen ta lahou badu bada taha amekes, bwe. Idoh badeh, ndrano ndra-au.

Pilipai 1:4

Ma udu bolo salom tek ale badeh, jo sekesek ewek tado mari,

Aposel 27:23

Jo badeh, lau ta Kindrei ma jo badeh, lohowan tan; len marakon jo atehei bwili ndru-uk i andri i tan. Na ben nane iy suni angelo tan ari eme ales ere mirihik tek,

Aposel 19:21

Ano udu hamon ta lahou mari doh asahan badeh, Pol amekes budon tan ta anya kili Jerusalem. Iy kameh edek ili bolo kon Masadoniya ma Akaya. Eme iy anya, “Jo ili oro kon doh ano, udu hamon ta aliy badeh, jo kili kaselesen Rom ale.”

1 Timoti 2:7

Eme ta katin doh baden adeh, jo asahan aposel ta atiye sahou, ma ta leheya iri lau badu leheleh. Ma iy atehei jo ta atiye sahou ta budon handru dah. Eme ya jo bawasai bwe, jo tiye sahou handru.

Pilipai 2:22

Arile ado ndranyolom kandriyen ta Timoti ai. Iy ndraleheya ndrame lewan tado, ta iy badeh, winiyan. Iy mene amekes lahou hawek i buku ari nah amekes lahou udu baha taman, amekes lahou ta sahou mwasin.

Galesiya 1:20

Sahou marakon jo atorou ewek taha dah badeh, ndra handru le ai. Jo bawendreya aha bwe. Kindrei tanan saba lakou jo asehek.

2 Korin 11:31

Ma Kindrei badeh, tama Laban Jises, iy le ari tanan, jo bawendreya bwe. Taha katudun nyaran kudu bolo len mara-ei!

Aposel 24:14

Arile, jo anya kasehek lakou ari, iri nane atehei jo i ta mada sahou ta aliy, badeh, kaleu kewek taha: Jo badeh, atudun Kindrei ta tubu ahi ari le, ma jo atehei budon tek mara-ei in hamon ta San ta Jises, iri Juwis kede-eh aloh san randrah ja. Ma jo atehei budon tek mara-ei i tiri lakou ndratorowenei ere bolo kandriyen malen ta Moses, ma ere bolo buk tiri propet.

Aposel 12:5

Ya eme iri atehei Pita udu bolo kou udu gwek, arile iri lau atehei budon tiri handru i ta Kindrei badeh, amekes salom boto-on tan, ili ta Kindrei.

Aposel 3:26

Na len Kindrei tutuni lohowan tan, iy suni iy ewek taha bwena ta adeu nyosowan ewek la-u aha, ta amekes aha badeh, katubuni kona aha ki tiri kandriyen ndra-in.”

Tarou ta Luk 18:1

Ano Jises tiye sahou sokek ari i toro lau tan ta oro badeh, saruwani budon handru toro, ma oro saruwani kandriyen ta salom.

Tarou ta Mak 1:1

Idah sahou mwasin ma mwena asahan ta nyala Jises Krais, Nadu Kindrei.

Pilemon 1:4

Len marakon jo asolom ili ta Kindrei tek, jo badeh, abudon ou ma aloh nyaram ta adeu wurah i ta Kindrei.

Pilipai 1:3

Ya eme na saba len le badeh, jo abudon ado, udu bolo salom tek i ta Kindrei.