La-ukei ta Pol atorou ili tiri lau badu kon Rom 1:7 - Nyindrou

⁷ Eme ya, jo Pol amwenen atorou la-ukei dah badeh, ewek taha lau mwan ma badih mari badu Rom, ala mene Kindrei aseken aha labai, ma ndraluwi aha mari ndrasahan lau tan amwenen. Ya eme ma, jo aso-ok tama taha Kindrei ma hawe Laban Jises Krais, katehei tikisiy ma mondrei tan kudu taha.

La-ukei ta Pol atorou ili tiri lau badu kon Rom 1:7 Referans Kwoze

Kolosi 1:2

Jo hawe nadu tine taha ari nyaran Timoti, aru badeh, atorou la-ukei dah ewek taha lau mwan ma badih ta Kindrei, are bolo kon tinan Kolosi. Aha atehei budon taha handru in ta Krais, ma aha badeh, a buku nadu tine mwan ma badih. Aru aso-ok tama taha Kindrei, katikisi aha ma kabwidi kandriyen mwasin kewek taha, ma kabwidi ndrine aha kudu mwasin.

Epesus 1:2

Jo aso-ok tama taha Kindrei hawe Laban Jises Krais, uru katikisi aha ma kamesekei kandriyen mwasin kewek taha, ma kamekes ndrine aha kudu mwasin.

1 Tesalonaika 1:1

Jo Pol, jo atorou la-ukei dah. Sailas uru Timoti badeh, are hawek ale. Eme ma, aso ma taloh atehei la-ukei ramen dah ewek taha lau mwan ma badih ta Kindrei are bolo kon tinan Tesalonaika. Aha lau mwan ma badih ta tama taha Kindrei, aso aso-ok Kindrei hawe Laban Jises Krais, uru katikisi aha, ma ndrine aha kudu mwasin.

2 Korin 13:14

Jo asalom, buku Laban Jises Krais kameh amekes kandriyen mwasin handru owek taha, ma Kindrei kameh aso-ok aha labai, ma Malawi Ndrabun ale kameh ihis udu ndrine aha mara-ei.

2 Jon 1:3

Tikisiy ma hawe mondrei ta tama taha Kindrei uru Jises Krais, tama nah, kameh udu hawe taha, udu bolo sahou handru ma aso-ok.

Pilemon 1:3

Jo anya kasolom kili ta tama taha Kindrei, ma hawe Laban tataha Jises Krais, ta mondrei ma tikisiy turu mwasin kudu hawe aha na bolo len mari.

2 Tesalonaika 3:18

Tikisiy ma nyosowa mondrei ta Laban Jises Krais badeh, kudu hawe ado mara-ei.

2 Tesalonaika 3:16

Laban kudu hawe aha mara-ei. Laban badeh, kati nyosowa mondrei, ya aso aso-ok mondrei tan badeh, kudu hawe aha na len mara-ei kudu le buku doh.

Rebelesen 22:21

Tikisiy ta Laban Jises kudu hawe aha lau marakon ta Kindrei, kudu le buku don ai. Handru.

Pilemon 1:25

Jo aso-ok tikisiy ma sekesek ta Laban Jises Krais badeh, kudu hawe malawi ado mari.

1 Jon 3:1

Aha katou, tama taha Kindrei badeh, tikisiy ma aso-ok taha labai, eme ma iy aloh taha nadun handru. Ehe, idoh handru! Taha nadu Kindrei handru. Iri lau badu munyak ale amekes kandriyen ndra-in, ya iri batehei budon ba-en hamon ta kandriyen mwasin ta Kindrei bwe. Eme ma iri tana iri Kindrei bwe, ma ta kati budon doh iri tana iri, buku taha ndrasahan nadu Kindrei, ma taha a-en hamon ta kandriyen tan mwasin.

1 Pita 1:15

Arile, na idah, Kindrei ndraluhi aha, ma aha ndrasahan ndrala buku none nadun handru. Iy badeh, ndrabun, ma iy ari lomondra ndra-in bwe. Aha ndrasahan nadun, eme ma manyah taha kudu ndrabun, ma aha kamekes kandriyen mwasin buku le iy amwenen.

Taitus 1:4

Eme ya la-ukei dah badeh, jo atorou ewek tam, Taitus, tasah ou badeh, i buku naduk handru. Ou badeh, budon tam handru badeh, i le buku tek. Eme ya tikisiy ma mondrei ta tama taha Kindrei hawe Krais Jises ndramak ta aseben taha, kudu hawem.

2 Timoti 4:22

Jo asolom ili ta Laban iy winiyan udu hawe malawim, ma aseben ou. Ma tikisiy ta Kindrei winiyan udu hawe aha lau ta Kindrei mari.

2 Timoti 1:2

Timoti, ou badeh, buku naduk handru, ta lakou ta Kindrei, eme ma, jo atorou la-ukei ramen ja dah ewek tam. Jo aso-ok tama taha Kindrei hawe Laban tataha Krais Jises, uru mala-uh katikisi ou ma katondrokei ou, ma kabwidi ou ado mwasin.

1 Timoti 1:2

Jo atorou la-ukei dah i tam Timoti, ou naduk handru i san ta budon handru: Tikisiy ma mondrei ta tama taha Kindrei ma Krais Jises, iy Laban tataha badeh, kudu hawem.

1 Tesalonaika 5:28

Aso badeh, aso-ok tikisiy ta Laban tataha Jises Krais kewek kudu hawe aha.

1 Tesalonaika 4:7

Handru, koha taha badeh, kasahan ha-un mara-ei, tasah Kindrei batehei taha ba-en hamon ta kandriyen ta karei bwe. Iy atehei taha ta a-en hamon ta kandriyen ha-un, ma ndrabun labai.

1 Tesalonaika 1:3

Tasah, aso asolom, badeh, aso abudon i ta budon taha ale eme tutuni kandriyen taha nane mwasin, aha a-en hamon ta aliy, ma ta sa-ar taha, aha amekes ta a-en hamon ta kandriyen ta tikisi nadu tine aha iri rayah ja. Aha atondrok le Laban tataha Jises Krais kameh eme hamon ta akohok taha. Idoh le badeh, bwidi ndrine aha abadok ja, ta iri maha-an mari anya kasahan.

Kolosi 3:12

Aha badeh, lau ta Kindrei; iy aso-ok aha labai, ma iy ndrandrei aha ndrasahan iri lau tan amwenen. Eme ma, aha badeh, ka-en hamon ta kandriyen buku: Aha katikisi iri lau mwan ma badih marakon, ma kamekes mwasin kili tiri. Aha badeh, katehei so-ok ta bada aha ki-iu kili andri, ma amekes kandriyen kamunum le kili tiri mwan ma badih, ma kalelei iri kamekes ndra-in kewek taha.

Pilipai 4:23

Eme ya udu bolo salom tek i ta Laban Jises Krais hawe tikisiy tan kamekes mwasin kewek tado mari. Handru.

Pilipai 4:20

Eme ya taha mari kamasiye ma hawe katudun tama taha Kindrei kudu le buku doh. Handru.

Epesus 6:23

Jo aso-ok tama taha Kindrei hawe Laban Jises Krais, uru kamekes ndrine aha nadu tine marakon kamunum. Ma kaseben aha ta aso-ok iri mwan ma badih rayah ja, ma katadau budon taha kabadok kudu turu amwenen.

Galesiya 6:18

Ya eme aha nadu tine mwan ma badih, tikisiy ta Laban Jises Krais kudu hawe malawi aha mari. Handru!

1 Korin 16:23

Tikisiy ta Laban Jisas kudu hawe aha.

La-ukei ta Pol atorou ili tiri lau badu kon Rom 9:25

I buku none iy torowenei udu bolo tarou ta propet Hoseya: “Jo kameh aloh iri lau tek bwe, asahan lau tek handru; ma jo kameh aloh iri lau jo baseken iri bwe, kameh jo aloh iri lau tek, jo aseken iri labai.” Hoseya 2:23

La-ukei ta Pol atorou ili tiri lau badu kon Rom 5:1

Taha ndratehei budon tataha ndra tan ma Kindrei ndraloh taha lau mwasin mara-ei ta madan. Eme ma Laban tataha Jises Krais bwidi ndrokowa Kindrei ma ndrokowa taha badeh, udu mwasin, ma iy bwidi ndrine taha kamunum kudu le hawe Kindrei.

Aposel 15:23

Eme iri atehei la-ukei dah i mine uru ili: “Ya eme aso aposel hawe aso batun ta lau ta budon handru tiye sahou sekesek taso ewek taha nadu tine aso badu leheleh ta budon handru badu Antiyok, Siriya ma hawe Silisiya.

Kolosi 3:15

Krais badeh, ta amekes ndrine taha marakon amunum. Eme ma, aha badeh, katehei ndrine aha mwasin doh, kudu bwena taha ta lakou mari aha amekes. Tasah, Kindrei ndralebelei aha marakon ndra le tan. Eme ma aha kameh winiyan asahan bada aha ari le, ma aha kameh winiyan manyah are le se. Ma aha ale badeh, kadeu wurah kili ta Kindrei ta lakou marakon.

Pilipai 4:13

Tasah, jo winiyan amekes lahou mari na boto-on tan iy edeu eme tek.

La-ukei ta Pol atorou ili tiri lau badu kon Rom 8:39

ma na saba lakou ja Kindrei mesekei, iri lakou mara-ei doh winiyan bapwai taha ta bolo tikisiy ta Kindrei bwe. Tikisiy tan doh eme tataha i san ta Krais Jises, iy Laban tataha.

La-ukei ta Pol atorou ili tiri lau badu kon Rom 1:6

Sahou doh badeh, ewek taha lau manyah ado Rom ale. Aha ndranuhun iri lau atiye sahou ta Kindrei ewek taha, ma Kindrei ndraluwi aha ndrame lau ta Jises Krais.

Rebelesen 2:1

Iy ndramak nane dah asehek eme tek i buku doh, “Ou atorou rayah sahou kili ta angelo ere bwena tiri lau ta Kindrei are kon Epesus. Sahou i buku doh: ‘Jo badeh, tawi oro ndrau ma ndro taloh udu minek salin, ma jo edek bolo ndrokowa ndru-u oro sun ma ndro taloh iri amekes na bek nyikilikin. Jo le amwenen badeh suni sahou dah ewek tam:

Jemis 1:1

Jo Jemis, jo ndramak ta lahou ta Kindrei hawe Laban Jises Krais. Jo atorou la-ukei dah ma edeu sekesek tek ewek taha mwan ma badih mari badu boho kamen ma ronoh la-uh badu Isra-el aseker areu bolo kon munyak mara-ei nane dah.

Tarou ta Jon 20:17

Jises anya, “Minem same badak o! Tasah, jo bala loken hawe tama bwe le. Arile ou ala tiye oro lau tek, ou tiye toro, ‘Jo kameh ilih loken hawe tama, iy tama ado. Jo ili hawe Kindrei tek ma Kindrei tado ale.’ ”

Metiu 5:16

I le buku san dah lomada ado kanya kili bwena ta lau. Ya idah kameh iri lau atou lahou tado ma kandriyen mwasin tado, eme ya iri lau kameh sekesek ma atudun tama ado Kindrei udu kandrah.”

Rebelesen 3:22

I buku ndranye aha udu aliy, jo aso-ok aha kanuhun saba lakou handru, Malawin Mwasin asehek ili tiri lau ta Kindrei.’ ”

Rebelesen 3:14

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Leyodisiya. Sahou kili buku doh: ‘Iri sahou dah, tek amwenen. Jo badeh, kati iri sahou handru, ma jo badeh, ta atiye le sahou handru. Jo badeh, kati iri lakou mara-ei Kindrei ndrabwidiy. Eme ma jo suni sahou dah ewek taha.

Rebelesen 3:7

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Piladelpiya. Sahou kili buku doh: ‘Idah sahou tek amwenen. Jo badeh, ndrabun labai, ma jo kati iri kandriyen handru mari. Jo badeh, boto-on labai udu bolo tondrok ta kabin Debit. Buku jo sihi kou, ari ndramak winiyan basulu-iy ja bwe. Ya, buku jo sulu-i kou, ari ndramak, winiyan basihiy ja bwe.

Rebelesen 2:29

Ya, buku ndranyem udu aliy, jo aso-ok ou anuhun iri saba lakou handru, Malawin Mwasin asehek ili tiri lau ta Kindrei.’”

Rebelesen 2:18

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Tayataira. Sahou i buku doh: ‘Jo Nadu Kindrei, madak badeh, anya i buku jih nyarahan labai. Ma bada katik badeh, buku bras nyikilikin ma nyikadin labai. Eme ma, jo amwenen asehek sahou dah ewek taha lau batun ta nyala aliy:

Rebelesen 2:12

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Pegamum. Sahou i buku doh: ‘Jo tawi samen raho lawe-en, madan ma la-uh, ma madan, madan labai, ma jo suni sahou dah ewek taha.

Rebelesen 2:8

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Semena. Sahou i buku doh: ‘Jo ndra bwena, bwena labai, ma jo ndrobek handru. Jo mene imek, arile jo amak eme awas ja, ma jo udu kada-ah. Jo amwenen asehek sahou ewek taha dah:

1 Timoti 6:2

Ya iri lohowan rayah tiri lau ta Kindrei badeh, sakohok budon anya, “Mwasin ai, ndramak ta Kindrei badeh, nadu tine to labai.” Ndri-iy, ado sakohok iri budon doh; budon doh badeh, bamwenen bwe. Arile, oro lohowan kakohok doh: “Bwe, ndramak ta lau ta Kindrei ta to doh badeh, ndramak ta Kindrei labai, eme ma to kaseken iy. Ma hawe to kamekes lahou boto-on ja ta aseben iy.”

Aposel 9:13

Eme Ananayas anya, “Laban, jo badeh, ndranuhun yoyou ta ndramak badeh, ma ndranuhun sisi-in iy amekes i tiri lau ta Kindrei ado Jerusalem.

La-ukei ta Pol atorou ili tiri lau badu kon Rom 5:5

Handru, taha atondrok Kindrei ta aseben taha. Taha winiyan babe-en laleyah bwe, winiyan bwe-en! Tasah, Kindrei ndratehei Malawin Ndrabun ndrame. Eme ma Malawin Ndrabun ndranyuhi kandriyen ta Kindrei ta aseken labai iri lau ndrame ndrine taha.

La-ukei ta Pol atorou ili tiri lau badu kon Rom 8:28

Taha tanan, Kindrei amekes lakou mari mwasin ma ndra-in kameh, asahan mwasin i tare lau aseken iy; oro are lau mene iy aloh oro ame bolo lahou tan.

1 Korin 1:24

Arile, taha lau mwan ma badih badeh, badu Juwis ma Grik, Kindrei mene andrei taha ndrala tan. Eme ma taha ndratanan, Krais badeh, iy boto-on ta Kindrei, ma iy ale badeh, tanan mwasin ta Kindrei.

Pilipai 1:2

Eme salom tek i ta tama taha Kindrei, ta tikisiy ma mondrei tan, hawe ta Laban Jises Krais kewek tado.

1 Tesalonaika 1:4

Aha nadu tine aso, aso tanan buku Kindrei tikisi aha mari tinan labai, eme ma iy aloh aha ta asahan nadun amwenen.

2 Tesalonaika 1:2

Aha lau mwan ma badih ta tama taha Kindrei, ma hawe Laban tataha Jises Krais. Aso aso-ok Kindrei hawe Laban Jises Krais, uru katikisi aha, ma ndrine aha kudu mwasin.