La-ukei ta Pol atorou ili tiri lau badu kon Rom 1:6 - Nyindrou

⁶ Sahou doh badeh, ewek taha lau manyah ado Rom ale. Aha ndranuhun iri lau atiye sahou ta Kindrei ewek taha, ma Kindrei ndraluwi aha ndrame lau ta Jises Krais.

La-ukei ta Pol atorou ili tiri lau badu kon Rom 1:6 Referans Kwoze

Rebelesen 17:14

Oro kameh amekes bahun hawe Nadu Sipsip ta Kindrei. Arile, Nadu Sipsip ta Kindrei kameh kimidi iri mara-ei ano. Iy badeh, Laban tiri Laban ma kabin tiri kabin mara-ei. Ma iri mwan ma badih are hawen, iri lau doh badeh, iri mene anuhun sahou mwasin, ma iri lau iy mene edeu kalem i tiri, ma iri a-en hamon ta sahou tan, iri mwan ma badih marakon doh, hawe Nadu Sipsip ta Kindrei kameh adai iri lau marakon nane amekes bahun hawen ano mara-ei.”

1 Pita 2:9

Arile, Kindrei ndranyowonyani aha kabwe, ya aha ndrasahan pris handru ta kabin badu loken. Ma aha ndrasahan lau tan amwenen, ma iy ndramesekei aha ndrasahan ndrabun handru. Kindrei ndranyowonyani aha, ta aha kanyowonya ma kasehek kandriyen mwasin tan, iy mene ndramekes ndrawek taha, tasah iy ndraluhi aha ndrareu bolo lulik ndrame bolo kon tan, lomadan labai.

2 Pita 1:10

Eme ya ado nadu tine badu hawek ta budon handru, ado badeh, sala buku oro doh. Arile, ado tanan Jises tiye ado badeh, badu hawen. Eme ma, ado katawi tanan doh kihis, ma kaleheya udu bolo ado keme lewan. Ya eme, i buku none ado amekes iri lakou doh, idah kameh ado winiyan bataku bwe.

Hiburu 3:1

Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.

1 Korin 1:9

Kindrei le amwenen mene atehei aha, ta ndrine aha kudu mwasin hawe nadun Jises Krais. Kindrei, iy mwasin labai, ma ta wendreya bwe. Iy badeh, in hamon tiri sahou tan, ma taha winiyan atehei budon tataha marakon in tan.

1 Pita 2:21

Ta kandriyen doh, Kindrei ndraluhi aha, tasah Krais mene ndrabwese-ei maha-an hawe sisi-in tinan labai ta aseben aha, eme ma iy ndraleheyani san ndrame tataha, ya taha ka-en hamon ta mweleke katin.

2 Timoti 1:9

Kindrei luhi taha, ma iy andrei taha ndrame hamon, ma tondrohon taha asahan lau tan amwenen. Iy babudon ta kandriyen mwasin taha amekes, ma iy akohok taha ame hamon ma tondrohon taha asahan lau tan, bwe. Iy le amwenen abudon ta amekes lakou doh. Ndra bwena handru Kindrei babwidi munyak bwe le, iy abudon ta gok Jises anya kamekes, ma ta doh le iy badeh, tikisi taha, ma iy tondrohon taha ta asahan lau tan.

Epesus 1:11

Kindrei badeh, in hamon le ta budon tan amwenen, iy andromwei taha, ma atehei taha ala ahis hawe Krais. Ehe, buku Kindrei abudon ta amekes ari lakou, iy kameh amekes le. Saba lakou iy anya kamekes na dah, idoh udu budon tan bwena mene ale.

2 Tesalonaika 2:14

Iy andrei sahou mwasin handru ta Krais, aso mene tiyaniy ndrawek taha, ma iy aruwi ndrine aha ili le tan. Eme ma, iy anya kedeu sun, ma iri lakou mwasin ta Laban tataha Jises Krais badu kandrah kewek taha.

1 Tesalonaika 2:12

Aso badeh, anya kariu budon taha, ma kamekes ndrine aha kabadok, ma kasehek sahou boto-on kewek taha buku doh: Aha kadek kamwenen, ma ka-en hamon ta kandriyen Kindrei aso-ok aha kamekes, tasah iy amwenen winiyan luhi aha ala hawe iri lau tan are bolo lomada sun, ma aha kameh are bolo tondrok tan mwasin udu kandrah.

Galesiya 1:6

Aden! Manik badeh, atur labai ta kandriyen aha amekes. Tasah, aha badeh, a-en hamon ta kandriyen mwasin ta Jises nane dah, ma se nawin bwe, aha anya karuwani Kindrei, ta a-en hamon ta kandriyen randrah ja. Ta tikisiy ta Krais le badeh, Kindrei luhi aha ame asahan lau tan. Arile, kandriyen nane aha abudon ta a-en hamon ta aliy badeh, bado se hawe sahou mwasin tan handru bwe.

La-ukei ta Pol atorou ili tiri lau badu kon Rom 9:24

Ma taha dah ale, taha lau mene iy aloh taha a buku kun ta akohok tikisiy tan. Taha rayah badu bolo iri Juwis ma rayah badu bolo iri lau badu leheleh.

Kolosi 1:21

Aha ale ado mwasin hawe Kindrei. Arile, bwena mene aha are len labai ta Kindrei, ma aha ta bahun hawen. Tasah, budon taha mene amekes bahun i tan, ma aha amekes kandriyen ta lomondra ndra-in.

La-ukei atorou Jut 1:1

Jo Jut, jo atorou la-ukei dah. Jo amekes lahou ta Jises Krais. Jo badeh, nadu tine Jemis. Jo atorou la-ukei dah ewek taha lau ta Kindrei, iy ndratehei kalem ndrawek taha ta asahan lau tan. Kindrei badeh, aso-ok aha labai, ma iy atondrok aha udu bolo iri maha-an solo-an, tasah Jises Krais atondrok aha.