La-ukei ta Pol atorou ili tiri lau badu kon Rom 1:4 - Nyindrou

⁴ Na len Kindrei mete-ei iy amak eme loken ja, Malawin Mwasin ta Kindrei leheya taha buku, Kindrei atehei nyosowan i la-un, ma hawe boto-on i tan ta atondrok lakou tan mari. Iy badeh, Laban Jises Krais.

La-ukei ta Pol atorou ili tiri lau badu kon Rom 1:4 Referans Kwoze

Hiburu 9:14

Arile, ndraye Krais doh udu bwele-en labai ja, ta ndraye me ma bulumakau. Iy atehei kohan mara-ei amwenen ili ta Kindrei i nyara salom. Eme ma ndrayen doh basikine ndraka-an ta bada taha le bwe, iy sikine taha mara-ei handru, ma ndrine taha batona maha-an ja ta iri ndra-in mwena mene taha amekes, bwe. Ma iy tolowei iri kandriyen solo-an, taha amekes laleyah, ari kohan handru amwenen bwe. Eme ma taha katawiy kihis gok ta Kindrei doh, kohan handru udu aliy. Tasah, Krais ari ndra-in bare tan bwe. Bwe labai. Ma na boto-on ta Malawin Mwasin, iy amekes gok doh kameh ta udu le buku doh.

2 Korin 13:4

Handru, Krais mene asahan ndramak le, ma iy nyamun handru bwe. Eme ma, iri tatahi iy i bada kei tondreh, ma iy imek. Arile, nadah ja bwe. Na boto-on ta Kindrei laba tinan labai, bwidi iy amak eme awas ja. Ahi aposel badeh, ahis hawe Krais, ma ahi ale lau laleyah, ma ahi nyamu ahi bwe. Arile, na le boto-on ta Kindrei, ahi ale ado hawe Krais. Eme ma, ahi kameh adek bolo aha ta amekes ndrokowa aha kudu mwasin na boto-on dah.

2 Pita 1:21

Tasah, oro propet batorou ari sahou buku ari ndramak awas asehek bwe. Arile, oro atorou sahou doh na tanan ta Malawin Ndrabun aseben oro.

1 Pita 1:11

Malawin Mwasin ta Krais badeh, udu bolo iri propet, ma Malawin Mwasin asehek sahou i boho iri, ta iri sisi-in solo-an labai kameh Krais bwese, ma ta iy kameh akohok nyaran tinan ale. Iri propet badeh, abo gok boto-on ma ndremenya i buku doh, “Saba len handru iy ndramak ta akohok taha, kameh eme hamon?” Ma, “Saba lakou handru kameh asahan na bolo len doh?”

La-ukei ta Pol atorou ili tiri lau badu kon Rom 1:3

Sahou mwasin doh badeh, ta nyala nadun, ya iy badeh, saren tiye iy asahan ta lundriye tubun Debit.

Aposel 3:15

Aha badeh, adai ndramak ta edeu kohan handru ta udu le buku doh. Arile, Kindrei le mete-ei iy ta imek eme loken. Eme aru badeh, anyolom na mada aru amwenen ma aru asehek nyala aha.

Aposel 2:32

Kindrei badeh, mete-ei Jises amak eme awas ta imek. Eme ya aso dah badeh, asehek nyala lakou handru mene asahan.

Aposel 2:24

Arile, Kindrei mete-ei iy amak eme awas ja ta imek; ma sebenei iy ta sisi-in ta imek. Tasah, imek badeh, winiyan batawi iy bwe.

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”

Rebelesen 1:18

Jo badeh, ta ere le buku don ai! Jo mene imek, arile nadah jo ndrame awas ja ta ere le buku doh, winiya bamak ja bwai. Eme ma jo le ari badeh, boto-on tek winiyan mete-ei iri mwan ma badih ndramak bwena kameh ame awas ja.

Aposel 17:31

Tasah, iy ndrasani len ta iy kameh aleben lau badu kon munyak mari, na ndramak ari mwasin labai iy ndratehei lahou dah ndra minen. Iy badeh ndraleheyani lakou doh ndrasahan handru ndrame len mada lau mari i san ta iy suni iy amak ta imek tan eme loken.”

Metiu 4:3

Ya balik eme asahan hawen, ma iy tiye i buku doh, “I buku none ou anya ou Nadu Kindrei, ou asehek sahou kili toro bek dah kasahan jabi ramen.”