La-ukei ta Pol atorou ili tiri lau badu kon Rom 1:3 - Nyindrou

³ Sahou mwasin doh badeh, ta nyala nadun, ya iy badeh, saren tiye iy asahan ta lundriye tubun Debit.

La-ukei ta Pol atorou ili tiri lau badu kon Rom 1:3 Referans Kwoze

Metiu 1:1

Idah nyara tubu Jises Krais, nadu Debit, iy ale nadu Abraham.

Galesiya 4:4

Eme na len ta aliy amwenen asahan, Kindrei suni nadun amwenen eme. Iy asahan eme len ta badih awas eme udu baha kandriyen ma batanau malen tiri lau badu Juwis.

Tarou ta Jon 1:14

Sahou Awas eme asahan Ndramak Awas, ma manyah tan udu hawe taha. Ahi ndranyolom lomada Nadu Ndramak Awas. Iy badeh, Nadu Kindrei ari le. Iy irek ta tikisiy ma hawe iri sahou handru.

Tarou ta Jon 1:49

Ano Nataniyel asehek sahou i tan ja, “Ndramak ta Leheya, ou kede-eh Nadu Kindrei, ma ou kabin badu Isra-el.”

Tarou ta Luk 1:35

Eme angelo dah anya, “Malawin Ndrabun kameh ewek la-um, ma hawe boto-on ta Kindrei ewek la-um. Ta katin doh le, nah doh kameh i ndrabun ma aloh iy Nadu Kindrei.

Jenesis 3:15

“Ya jo kameh mwesekei ou hawe i badih kameh ah kameh baseken ah bwe; nadu ah kameh uru kameh andra-i udu le buku doh. Ya nadu i badih kameh tihisiy batum abwesek ma i dah kameh ou kameh aso ma aimon katin.”

1 Tesalonaika 1:10

Eme ma, iri atondrok Nadu Kindrei udu kandrah kameh eme akohok iri ame hamon ja.” Nadun doh mene imek, arile taman Kindrei mete-ei iy amak eme awas ja. Iy ndramak nane doh, Jises, iy le kameh talou taha ame len ta losen ta Kindrei kameh asahan tiri lau marakon nane amekes kandriyen ndra-in.

La-ukei ta Pol atorou ili tiri lau badu kon Rom 9:5

Udu ndra bada tubu iri, sare iri edek eme eme taku bada Krais asahan awas. Iy badeh, Kindrei ma iy udu bwele-e lakou mari. Masiye ma tudun ki tan kudu le buku doh. Handru.

Tarou ta Jon 20:28

Tomas eme asumon bohon i buku doh, “Ou Laban tek, ma ou Kindrei tek!”

Tarou ta Jon 10:30

Jo hawe tama, aru ari le.”

Metiu 1:16

Jekop atehei Josep, Josep udu Mariya, ya Mariya tuwi Jises, aloh iy Krais; Kindrei suni iy eme ta akohok iri lau tan ame hamon.

2 Timoti 2:8

Len marakon jo aso-ok ou bwetenei gok ta Jises Krais mene amekes, ma idoh winiyan aseben ou ales boto-on, ma bwese iri maha-an. Jises badeh, badu boho kamen hawe kabin Debit, ma iy banoh ta bwese iri maha-an bwe. Iy mene imek, ano Kindrei mete-ei iy eme awas ja. Iri sahou mwasin dah, jo ndrasehek ndrala tiri lau.

1 Korin 1:9

Kindrei le amwenen mene atehei aha, ta ndrine aha kudu mwasin hawe nadun Jises Krais. Kindrei, iy mwasin labai, ma ta wendreya bwe. Iy badeh, in hamon tiri sahou tan, ma taha winiyan atehei budon tataha marakon in tan.

Aposel 2:30

Iy badeh, propet ya iy tanan tandrakan ta Kindrei mene tandrakan iy. Kindrei badeh, tandrakan ta lundriyen oro ari kameh asahan kabin, i buku le iy amwenen.

Tarou ta Jon 20:31

Arile katin ta jo atorou iri sahou dah, ta aha katehei budon taha kili le ta Jises. Iy Mesaya, ndramak nane Kindrei suni iy eme kon munyak, ta akohok lau tan marakon badu kon munyak ame hamon. Iy nadu Kindrei. Buku aha atehei budon taha marakon in tan, aha kameh akohok koha aha in le ta nyaran.

Tarou ta Jon 10:36

Arile jo, tama amwenen leheyani jo, ma iy suni jo eme andri kon munyak. Jo ndrasehek taha, ‘Jo Nadu Kindrei.’ Buku sah ja aha anya, jo bobose Kindrei ma jo anya kakohok ndrahunen?

Tarou ta Jon 5:25

Handru labai, jo katiye tado: Len hamon badeh, ndrasahan. Idah kameh iri lau ndramak anuhun boho Nadu Kindrei. Are lau iy anuhun, iy kameh akohok kohan handru.

Tarou ta Luk 1:69

Iy atehei ndramak ari boto-on eme ta seben taha, badu boho kamen ta lohowan tan Debit,

Metiu 27:43

Iy atehei budon tan in ta Kindrei, ma iy anya, iy badeh, Nadu Kindrei. Mwasin, aso anya katou iy kasebenei iy amwenen na dah

Metiu 26:63

Arile bwai, iy andru-uk le ai. Ano, tinan tiri pris asehek sahou i tan ja anya, “Jo ndremenya ou na nyara Kindrei kohan udu aliy, ya ou tandrakan handru ki loken ma ou tiye taso. Ou kede-eh Krais handru deh bwe? Ya ou Nadu Kindrei?”

Metiu 15:22

Badih ari badu kon Kenan iy ereu mirihik ta kon tinan Tair hawe Saidon, iy eme ma iy aloh i buku doh, “Laban, ou nadu Debit, ou tikisi jo. Malawin ndra-in ndrabwidi naduk badih ndrandra-i labai.”

Metiu 12:23

Iri lau mari boho iri asak, ma iri anya, “Sebwe ndramak kede-eh nadu tubu kabin Debit ale taha abe-en iy ta eme kede-eh nadeh?”

Metiu 9:27

Jises ruwani kon nane, ma iy edek ili, ma uru lau la-uh mada uru bwe adek an hamon tan, ma uru aloh i tan anya, “O nadu tubu kabin Debit, ou tikisi aru!”

Metiu 3:17

Eme ya aloh ari udu kandrah tiye i buku doh, “Badeh naduk handru, jo aseken iy labai, iy le mesekei jo sekesek handru tan.”

Metiu 1:6

Jesi atehei kabin Debit. Udu kabatana kabin Debit eme isos bada len iri tawi iri lau badu Isra-el au ala bolo kou ala Babilon, nyara tubu iri ale ndratorowenei: Debit atehei Solomon, ya tinen bwena badeh udu Uraya.

Rebelesen 2:18

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Tayataira. Sahou i buku doh: ‘Jo Nadu Kindrei, madak badeh, anya i buku jih nyarahan labai. Ma bada katik badeh, buku bras nyikilikin ma nyikadin labai. Eme ma, jo amwenen asehek sahou dah ewek taha lau batun ta nyala aliy:

2 Jon 1:7

Aha kanuhun, iri lau ta wasai solo-an labai ndradek ndrame bolo kon munyak. Iri lau ta wasai doh anya, Jises Krais badeh, basahan bala buku bada ndramak awas bwe. Arile, iri badeh, ta wasai ma ta ariu kaliu hawe Krais.

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

1 Jon 5:5

Are lau winiyan sakalawi kandriyen badu kon munyak? Ndramak le atehei budon tan handru in ta Jises, badeh, iy Nadu Kindrei handru.

1 Jon 5:1

Are lau atehei budon boto-on buku Jises badeh, Mesaya, iy badeh nadu Kindrei ari ai; ya are lau aso-ok taman, badeh, iy aso-ok nadun ale.

1 Jon 4:15

Buku none ari ndramak asehek anya, “Jises badeh, iy Nadu Kindrei handru,” iy lau doh ereu hawe Kindrei, ma Kindrei ereu hawen ale.

1 Jon 3:23

Iy batanau taha i buku doh: Taha katehei budon tataha handru ki-in ta nyara nadun Jises Krais, ma taha kaso-ok ndramak ari ja buku none iy ndrabatanau taha.

1 Jon 3:8

Bwena handru, kala Kindrei mene mesekei kon munyak dah, tama balik Satan badeh, mesekei kandriyen, ma lomondra ndra-in. Eme adeh, lau mwan ma badih badu munyak ame amekes kandriyen ma lomondra ndra-in. Are lau amekes kandriyen ma lomondra ndra-in kahis le, iy badeh, ereu ndra hawe balik kahis le. Ta idoh le adeh, Nadu Kindrei eme kon munyak dah ta atikah, ma ta adai kandriyen ma lomondra ndra-in ta tama balik Satan nane ki-iu.

1 Jon 1:3

Eme ma aso asehek ewek taha, ta lakou mari aso ndranyolom, ma ndranuhun, ma aha kameh winiyan atudun Kindrei hawe ahi, ma tukum tataha kameh udu hawe tama taha Kindrei uru nadun Jises Krais.

1 Timoti 3:16

Lakou laba tinan ta Kindrei aton mene ndrasahan ndrame lewen asah idoh: Jises Krais badeh, asahan ndrame awas, Ma Malawin Ndrabun leheyani iy doh badeh, amwenen handru, Ya eme iri angelo anyolom iy, Ma iri lau tan atiye sahou ta nyalan i tiri lau badu kon munyak mari, Ya iri lau badu kon munyak atehei budon tiri handru i tan. Ano iy iu ili loken i kandrah, ma atondrok lakou mari hawe taman.

La-ukei ta Pol atorou ili tiri lau badu kon Rom 1:9

Aha ndranyolom ai, sahou mene jo asehek i taha badeh, handru, ya Kindrei badeh, tanan. Kindrei le doh badeh, jo atehei ndrinek mari i tan, ma atudun iy, ma jo edek ta atiye sahou mwasin ta nyala nadun. Ma Kindrei tanan, jo badeh, balek bamani aha bwe na len mari

Aposel 9:20

Ya eme iy ales ili kon ndrahu tukum tiri Juwis, iy asehek ta nyala Jises badeh, Nadu Kindrei handru.

Aposel 8:36

Eme uru sakaliye ado san ala badeh, asahan ta gwa rayah, eme ndramak tinan badu Itiyopiya dah anya, “Ou anyolom se, gwa asah idah. I buku sah handru, balomwani jo bwai?”

Aposel 3:13

Kindrei ta Abraham uru Aisik hawe Jekop, ma ta tama taha badeh, bwidi lomadan i ta lohowan tan Jises asahan. Aha mene atehei iy ili mine iri lau adai iy. Pailat anya karuwani iy, arile aha badeh, bwale aha, ma aha baseken iy udu mada Pailat bwe.

Tarou ta Jon 7:42

Buk ndrabun ndrasehek, Mesaya kameh asahan boho kamen ta Debit. Ma buk ndrabun asehek ale ta Mesaya kameh asahan Betlehem kon tinan ta Debit bwena mene udu aliy.”

Tarou ta Jon 1:34

Eme Jon asehek, “Handru, jo ndranyolom, ma jo ndrasehek taha. Iy kede-eh Nadu Kindrei handru.”

La-ukei ta Pol atorou ili tiri lau badu kon Rom 4:1

Abo, taha kasehek tubu taha Abraham ki buku sah bah? Saba tanan iy ndra aliy, ya ma iy takalahei?

La-ukei ta Pol atorou ili tiri lau badu kon Rom 9:3

Ki buku none mwasin eh, jo aseken losen ta Kindrei keme la-uk, ya jo kakohok kon tiri lau ndraye ahi rabuk, keme len ta Krais, ya eme oro le kakohok kohan ta udu le buku doh.

1 Korin 10:18

Aha kabudon iri kandriyen tiri Isra-el bwena mene. Na len iri anya kaimon oda sipsip o bulumakau nane iri asun udu bwele-e mada koto-ok, idoh ta atukum iri marakon ame le se hawe Kindrei.

1 Timoti 2:5

Tasah, Kindrei badeh, iy Kindrei le ari, ma hawe ndramak awas ari le udu ndrokowa Kindrei hawe taha ndramak, badeh Krais Jises le.