La-ukei ta Pol atorou ili tiri lau badu kon Rom 1:26 - Nyindrou

²⁶ Ya eme ta katin doh badeh, Kindrei ruwani minen iu tiri. Ma eme iri amekes karei hawe iri ari ari. Ma iri badih badeh, amadin iri le amwenen.

La-ukei ta Pol atorou ili tiri lau badu kon Rom 1:26 Referans Kwoze

La-ukei atorou Jut 1:7

Bwena mene iri lau badu Sodom hawe Gomora ma oro kon mirihik turu, oro mesekei kandriyen buku le oro angelo nane, oro an hamon ta kandriyen ndra-in, ya oro amekes kandriyen ta karei ndra-in labai, ya Kindrei atehei jih eme andri sulumwi kon tiri. Iri lakou doh asahan bwena, ya taha kabudon, ma taha sa-en hamon ta kandriyen ndra-in tiri doh. Iri ale kameh ala bolo jih doh ta winiyan bamak bwai.

1 Timoti 1:10

Ya kandriyen malen badeh, ta leheya iri lau ta karei, hawe i tiri lau mwan amekes mwan, ya i tiri badih amekes badih, ma i tiri lau ta bahana iri ndramak, ma hawe i tiri lau ta wasai, hawe i tiri lau ta wasai ta tandrakan handru i loken. Ma hawe i ta saba kandriyen bamwenen ta sahou handru bwe.

La-ukei ta Pol atorou ili tiri lau badu kon Rom 1:24

Ya eme ta katin doh le, Kindrei ruwani minen iu tiri, ma iri amekes kandriyen ndra-in in hamon ta boto-on ta seken tiri. Eme ma iri amekes karei hawe iri ari, ari, ma bokoro-ei bada iri amwenen.

1 Korin 6:9

Aha tanan bwe nadeh? Iri lau ale ta amekes iri kandriyen ndra-in doh, iri kameh winiya bala bolo tondrok ta Kindrei bwe. Aha sawendreya ndrine aha amwenen. Iri lau marakon ale amekes kandriyen ndra-in ta karei, iri lau ale asolom ili ta sukumada kei, iri lau ale amekes karei hawe iri badih tasou, iri lau ale ta amekes iri kandriyen ta bwilima udu aliy hawe iri lau rayah ja,

Epesus 4:19

Bwili iri bama ja bwai. Eme ma, iri ndra-en hamon ta kandriyen ndra-in, ma ndrine iri ato-ou suwi ta amekes kandriyen solo-an ta karei, ma iri tikisiy labai ta amekes.

Jenesis 19:5

Eme iri aloh Lot, “Oro lau ame na ben nane ndraheh? Oro kameh manan aso anya katou oro!”

Epesus 5:12

ma, hawe iri kandriyen nane aton, ma amekes ndra-in labai! Bwilik ama ta asehek taha ta lakou iri amekes.

1 Tesalonaika 4:5

Aha salelei bada aha ta amekes lomondra ma kandriyen ndra-in, ma madalakis laleyah, i buku iri lau tana iri Kindrei bwe amekes.

La-ukei ta Pol atorou ili tiri lau badu kon Rom 1:28

Ma laba tinan labai, iri batawi budon ta Kindrei mene leheya iri ta amekes bwe. Eme Kindrei ruwani iri ado ndrahun ta budon ndra-in tiri, ma kandriyen ndra-in iri samekes badeh, iri amekes ja.

La-ukei atorou Jut 1:10

Arile, iri lau doh banoh bwe ta asehek sahou ndra-in ta lakou mara-ei nane iri tanan katin bwe, iri badeh, buku none katin haka budon bwe, iri ba-en hamon ta ari budon ta tekedek bwe. Kandriyen tiri doh badeh, amekes ndra-in i tiri le.