La-ukei ta Pol atorou ili tiri lau badu kon Rom 1:23 - Nyindrou

²³ Kindrei badeh, lomadan tinan labai ma iy badeh, winiyan bamak bwe, iy ta udu le buku doh. Arile, iri batudun iy ja bwai, iri ja atudun sukumada kei asehek i buku ndramak, ma hawe atudun iri sirih, iri katin haka hawe iri mwak. Iri lakou mara-ei doh kameh amak au.

La-ukei ta Pol atorou ili tiri lau badu kon Rom 1:23 Referans Kwoze

Aposel 17:29

“Ya eme i buku doh, taha badeh, nadu Kindrei ya eme taha satehei budon anya Kindrei kede-eh i buku none ari sukumada kei ndramak asehek na lim, deh, i buku bek nyikilikin gol deh, i buku none bek laleyah bwe.

La-ukei ta Pol atorou ili tiri lau badu kon Rom 1:25

Eme iri sokolowa sahou handru ta Kindrei na wasai, iri batudun Kindrei handru ta amekes lakou mari bwai. Iri atudun le lakou Kindrei mene amekes. Arile, iy Kindrei le doh badeh, lau katudun iy. Handru!

1 Pita 4:3

Jaha solo-an labai aha amekes kandriyen buku iri lau badu leheleh amekes: Aha amekes karei, ma a-en hamon ta budon ndra-in taha. Ma aha manyah luluwen lawe-en labai, amekes nyamon tinan, ma aha a-un gwa boto-on ma amekes aha abo lolo-ou. Ma aha amekes kandriyen ndra-in solo-an labai. Ma aha asolom i tiri lakou laleyah, buku none sukumada kei, ma malawi nyam. Iri lakou doh, aha an hamon ta aliy luluwen lawe-en labai, arile na dah, bwili aha ama handru ta aliy, tasah bwena aha amekes i buku none Kindrei taha handru.

1 Korin 12:2

Aha kabudon, manyah taha bwena mene are ndra bolo lulik, ano aha ame lewan. Aha mene atehei aha ala bolo iri san ndra-in ta kindrei ta wendreya, ari koha iri bwe, iri lau amekes na sukumada kei.

Rebelesen 9:20

Iri lau mwan ma badih rayah ma buruwen bamak ta lakou ndra-in nane bwe, iri ale badeh, batubuni ndrine iri bwe, ma batehei kona iri bala tiri lakou, iri nane amekes na mine iri amwenen bwe le. Ya, iri ale baruwani kandriyen ta atudun malawin ndra-in bwe, ma hawe iri kindrei ta wasai, iri amekes na bek nyikilikin, ma silba hawe bras, ma bek hawe kei. Iri lakou marakon doh badeh, winiyan banuhun sahou bwe, iri banyolom kon bwe, ma iri winiyan badek bwe.

Aposel 10:12

Udu bolon badeh, iri katin haka randrah randrah, ma hawe iri sasah ta seselek badu bwele-e munyak, hawe iri sirih badu reu, ado bolo lakou nane doh.