La-ukei ta Pol atorou ili tiri lau badu kon Rom 1:16 - Nyindrou

¹⁶ Jo banoh ma bwilik bama ta sahou mwasin ta Krais bwe, tasah idoh badeh, boto-on ta Kindrei ta akohok are lau iri atehei budon tiri handru i ta sahou mwasin doh ame hamon. Sahou doh ma mwena i tiri Juwis, ano badeh, i tiri lau badu leheleh ale.

La-ukei ta Pol atorou ili tiri lau badu kon Rom 1:16 Referans Kwoze

Tarou ta Mak 8:38

Ou are lau bwilim ama jo ma ta sahou tek udu bolo lau rebesem dah ta maliye Kindrei ma lomondra ndra-in, Nadu Ndramak Awas kameh bwilin ama ou ale, i buku none len hamon kameh, iy eme ma hawe lomada taman hawe iri angelo, lau ndrabun badu loken.”

2 Timoti 1:8

Eme ma, bwilim sama ta atiye sahou mwasin ta Laban tataha. Jo kada-ah udu bolo asiu lulik, tasah jo atiye sahou mwasin ta Laban. Eme ma, bwilim sama jo. Ou andrei boto-on ta Kindrei, ma ou alokou ou ta bwese maha randrah le, buku jo bwese maha-an ta bolo gok tek ta atiye sahou mwasin.

1 Pita 4:16

Arile, buku none ou akohok maha-an, tasah iri aloh ou Kristen, ou bwilim sama, ndri-iy, ou adeu le wurah ki ta Kindrei, tasah ou bwese-ei nyara Krais.

2 Timoti 1:12

Eme ma, jo bwese maha-an doh, ma jo eme udu bolo asiu lulik kada-ah. Arile, bwilik bama ta udu bolo asiu lulik ma bwese maha-an kada-ah, bwe. Tasah, jo ndratanan Krais Jises, ma jo atehei budon tek handru in tan. Ma jo tanan, iy winiyan tondrokei gok ta atiye sahou tan dah udu mwasin, iy ndratehei ndrame minek, ma gok doh kameh udu mwasin mara-ei ili winiyan le len iy eme hamon ja.

Tarou ta Luk 9:26

Ou are lau bwilim ama jo ma ta sahou tek, Nadu Ndramak Awas kameh bwilin ama tan ale, i buku none len hamon kameh, iy eme ma lomadan tan, hawe lomadan ta taman, ma hawe lomadan tiri angelo, lau ndrabun badu loken.

2 Korin 4:4

Tasah, kindrei ta wendreya badu munyak dah, iy mene wahei budon tiri mwan ma badih doh batehei budon tiri bala ta Kindrei bwe. Eme ma, sun ta sahou mwasin ma lomada Krais, idoh winiyan bala bolo budon ma ndrine iri bwe, ma iri winiyan akohok Krais bwe, konen i buku Kindrei amwenen.

1 Korin 2:4

Ma sahou jo mene asehek, ma sahou mwasin mene jo ndratiye, jo bamekes bala buku ta sahou tiri lau ta tanan badu kon munyak bwe, ta ariu budon taha eme ta tanan tek le, bwe. Jo badeh, leheya boto-on ta Malawin Ndrabun ewek taha, ma aha atehei budon taha mari in le ta sahou doh.

1 Korin 2:2

Jo udu hawe aha mene, jo amekes budon tek ta mani iri lakou solo-an. Budon tek mara-ei badeh, ta asehek nyala Jises Krais le, hawe imek tan udu bada kei tondreh.

La-ukei ta Pol atorou ili tiri lau badu kon Rom 10:17

Eme ma, taha tanan, taha anuhun sahou ta Kindrei, ya sahou tan badeh, tiyani budon tataha handru asahan. Ma sahou asehek doh badeh, sahou ta nyala Krais.

Hiburu 4:12

Sahou ta Kindrei doh badeh, kohan udu aliy, iy amekes gok boto-on labai. Iy madan labai ja ta samen ari, madan la-uh iri aloh bainat. Sahou doh iy winiyan orowei ili bolo oda ndramak amai iu ili alih. Iy winiyan seleyani kohan uru malawin. Ma iy seleyani bolo ndruwin ma bolo bwisi bar ale. Iy ndraseleyani mwasin ma ndra-in tiri budon ma iri so-ok ta ndrine taha marakon ere le lewan.

1 Korin 15:2

Sahou mwasin ta Kindrei le doh badeh, akohok aha ame hamon, buku aha a-en hamon handru ta sahou, jo mene ndrasehek taha. Arile, buku aha bala tanan saba lakou aha atehei budon taha in tan bwe, ma aha atehei budon taha laleyah, eme ma sahou mwasin doh baseben aha bwe.

Galesiya 1:7

Ya, kandriyen ha-un nane badeh, mwasin handru bwe. Kandriyen ari le doh badeh, mwasin mara-ei. Idoh badeh, kandriyen ta Krais. Iri lau nane ndrasahan hawe aha badeh, iri anya katobolowe kandriyen ta Krais kasahan randrah ja. Ma iri ale anya kabolowa budon ma manyah taha sasahan samwenen.

La-ukei ta Pol atorou ili tiri lau badu kon Rom 2:9

Are lau iri le amekes kandriyen ndra-in i buku doh, idah kameh, Kindrei le edeu iri mara-ei ala bolo maha-an hawe sisi-in. Idah kameh, ili tiri Juwis bwena, ano kameh ili tiri lau badu leheleh ale;

Aposel 3:26

Na len Kindrei tutuni lohowan tan, iy suni iy ewek taha bwena ta adeu nyosowan ewek la-u aha, ta amekes aha badeh, katubuni kona aha ki tiri kandriyen ndra-in.”

1 Tesalonaika 2:13

Aso winiyan bamunyau ta adeu wurah ili ta Kindrei bwe. Tasah, ma bwena mene aha anuhun sahou ta Kindrei aso asehek ewek taha, ma aha a-en hamon ta aliy. Aha babudon anya, idah sahou ta lau le, bwe! Aha ndrandrei, buku sahou handru ta Kindrei, ma aha a-en hamon ta aliy. Ma sahou doh abadok ta amekes manyah ma budon taha mwan ma badih kudu mwasin ta madan.

1 Timoti 1:11

Sahou handru ta lomadan hawe nyosowan ta Kindrei badeh, udu bolo sahou mwasin tan, eme iy badeh, atehei eme kanik ta atiye.

2 Korin 9:13

Gok aha amekes dah ta aseben iri lau mwan ma badih ta Kindrei, kameh leheya i buku doh: Aha badeh, aso-ok labai ta aseben iri lau rayah ja. Eme ma, iri kameh atudun nyara Kindrei. Tasah, iri kameh atanan aha badeh, a-en hamon le ta sahou ta Kindrei, ma atiye sahou mwasin ta Krais. Ma ale, udu bolo iri lau ta Kindrei badu Judiya akohok ndramas dah, ma iri kameh winiya atanan aha anya kadeu luk ta aseben iri rayah ale. Iri kameh atudun nyara Kindrei iu ili loken mara-ei.

2 Korin 2:12

Jo ili asahan kon tinan Trowas ta atiye sahou mwasin ta Krais badeh, Laban ndrasihi san tek ta amekes gok dah.

1 Korin 9:18

Ya, saba lakou kameh i nyara ndramas tek? Iri lakou ale jo winiya akohok ta gok tek ta atiye sahou mwasin, idoh badeh, jo bakohok bwe. Tasah, jo badeh, sekesek le ta asehek sahou mwasin ili ta lau marakon, ari sihinek bwe. Ya iri sekesek nane jo akohok, idoh i buku ndramas tek ai.

1 Korin 9:12

Buku aha aso-ok iri lau rayah ta akohok lakou taha, badeh, kameh aso kakohok kudu bwele-en labai ja tiri. Arile, iri lakou aso winiyan akohok taha badeh, aso bakohok bwe. Tasah, aso baso-ok ta amekes kandriyen ta aturuk san ta sahou mwasin ta Krais ili tiri mwan ma badih, bwe. Eme ma udu bolo len marakon, aso bwese iri maha-an solo-an labai ta atondrok aso le amwenen.

La-ukei ta Pol atorou ili tiri lau badu kon Rom 15:29

Jo tanan na len jo ewek hawe aha kameh jo badek laleyah bwe. Jo kameh ewek atiye sahou ma amekes aha adah ma sekesek na nyosowan handru ta Krais.

La-ukei ta Pol atorou ili tiri lau badu kon Rom 15:19

Handru, Malawin Ndrabun aseben jo ta asehek sahou, ma iy edeu boto-on eme tek ta amekes kalem ma lahou tinan. Iri lau anyolom ma iri atehei budon tiri handru in ta Krais. Ya eme jo mene edek udu ndra Jerusalem o-on eme eme taku Ilirikum ta atiye sahou mwasin handru ta nyala Krais.

2 Timoti 1:16

Arile, jo aso-ok Kindrei katikisi Onesiporus ma hawe lowan oro, tasah Onesiporus badeh, bwidi ndrinek sekesek san solo-an labai. Ma bwilin bama jo bwe, kala jo udu bolo asiu lulik dah.

La-ukei ta Pol atorou ili tiri lau badu kon Rom 4:11

Ano badeh, barasan ku-in i nyara kalem ta leheya buku Kindrei ndraloh iy ndramak mwasin ta madan. Tasah, iy atehei budon tan handru bwena, ya kandriyen ta asan ku-i taha badeh, udu hamon labai. Ya eme Abraham asahan tama iri lau mari iri an hamon ta san ta budon handru. Handru, iri basan ku-i iri ba-au bwe, arile Kindrei aloh iri lau mwasin mara-ei ta madan.

Tarou ta Jon 7:35

Iri Juwis rayah asehek amunum le ili tiri ari ari i buku doh, “Iy ndramak kede-eh anya iy kameh ili kon rakon doh, kameh taha winiyan basilahei iy bwe. Iy kameh ilih saba kon handru? Kora-on iy ki-iu kili bolo kon tinan tiri Grik, iri lau tataha rayah ado aliy? Kora-on iy kili kaleheya iri nadeh?