La-ukei ta Pol atorou ili tiri lau badu kon Rom 1:15 - Nyindrou

¹⁵ Ya eme ta katin le doh, jo aseken labai ta atiye sahou mwasin ta nyala Krais ki taha lau mari manyah ado Rom badeh.

La-ukei ta Pol atorou ili tiri lau badu kon Rom 1:15 Referans Kwoze

La-ukei ta Pol atorou ili tiri lau badu kon Rom 15:20

Jo bwalek ta atiye sahou mwasin ta nyala Krais ili kon ala lau ndra aliy bwena, kora-on jo ja katah asiu ki bwele-e ndru ta ndramak ari ja. Arile, udu bolo odak mari, jo aseken handru ta atiye sahou mwasin ta nyala Krais kili kon ha-un lau batiyaniy bala aliy bwe le.

1 Korin 9:17

Buku jo atiye sahou mwasin, tasah jo le aso-ok ta atiye, jo kameh akohok ndramas ta aliy. Arile, buku Kindrei ndratehei jo, mwasin, idoh gok ta Kindrei atehei eme tek ta jo kamekes.

Metiu 9:38

Eme ya ado kasolom ki ta Laban ta kati bilin, ta iy kasuni lau kala katukumwi iri nyamon tan.”

2 Korin 8:12

Buku aha aso-ok labai ta adeu lakou, mwasin, Kindrei aso-ok kandriyen badeh. Iy babudon ta lakou aha andriliu ta aliy, bwe. Iy abudon ta lakou badu bolo lokowa aha amwenen, ma iy sekesek le ta ndramas doh aha adeu.

La-ukei ta Pol atorou ili tiri lau badu kon Rom 12:18

Ou samekes losen sala ta ari ndramak, ndri-iy; arile i buku winiyan eh, ou manyah amunum le ado hawe iri.

Aposel 21:13

Arile, Pol tiye i taso ja i buku doh, “Buku sah? Ado satikisi jo, ma ado satehei tikisiy badeh, same tek. Ado kanuhun, jo banoh ta ili bolo asiu lulik ili bolo kon tinan Jerusalem bwe, ma jo banoh bwe ale, buku iri anya kadi jo, tasah jo asehek nyara Jises, iy tinan labai. Eme ma ado winiyan batawi jo ta udu ja bwai.”

Tarou ta Jon 4:34

Jises asehek sahou ili toro lau tan i buku doh, “Nyamon tek badeh, ta jo ki-in hamon ta budon ta Kindrei. Iy nane suni jo eme ta amekes gok tan, ma iy aso-ok jo kabwidi marakon kano.

Tarou ta Mak 14:8

Lakou iy badih dah anya kamekes badeh, asah iy ndramesekei dah. Iy asolou suluw badeh, i badak udu bwena dah, ta lowosa jo ta ki lek.

La-ukei ta Pol atorou ili tiri lau badu kon Rom 10:15

Ya, i buku none ndramak basuni oro lau rayah bala len bwe, na saba san kameh oro lau nane atiye sahou doh? I buku ndratorowenei udu bolo buk ndrabun, “Lau sekesek handru ta anyolom ma anuhun ndramak atiye sahou mwasin.” Aisaya 52:7