La-ukei ta Pol atorou ili tiri lau badu kon Rom 1:13 - Nyindrou

¹³ Ya eme aha nadu tine, bale aha samani lakou doh: San solo-an solo-an jo lomondra ta anya kewek kanyolom aha, arile lakou badeh, mesekei ta jo sawek, eme eme taku dah. Jo badeh, anya kamekes lahou kudu bolo aha, ma kaseben aha kabadok ta budon handru taha ki ta Jises Krais, ma ka-en hamon ta san tan. I buku none jo mene amekes i tiri lau badu leheleh.

La-ukei ta Pol atorou ili tiri lau badu kon Rom 1:13 Referans Kwoze

Aposel 19:21

Ano udu hamon ta lahou mari doh asahan badeh, Pol amekes budon tan ta anya kili Jerusalem. Iy kameh edek ili bolo kon Masadoniya ma Akaya. Eme iy anya, “Jo ili oro kon doh ano, udu hamon ta aliy badeh, jo kili kaselesen Rom ale.”

Pilipai 4:17

Idoh ta tiye anya ja, jo aseken lakou, bwe. Arile, jo aseken labai ta takaleh rayah lakou ta Kindrei ja kewek la-u lakou rayah mwasin tado mene ado ndrakohok.

2 Timoti 4:17

Arile, Laban ndrame ndrales ndrare hawek, ma iy atadau jo. Eme ma, jo mene winiyan atiye iri sahou mwasin marakon, ma iri lau badu leheleh marakon winiyan anuhun. Ma Kindrei mene aseben jo, ma iy andrei jo eme len ta sahou laba tinan doh. I buku iy ndraruwi jo ndrame len ta lihi layon.

1 Tesalonaika 4:13

Aha nadu tine aso, aso aso-ok aha katanan ta saba lakou kameh asahan tiri lau ta Kindrei, iri mene ndramak bwena. Kora-on ndrine aha keden tiri lau mene ndramak, buku iri lau rayah, iri batehei budon tiri handru ba-en ta Kindrei bwe, iri aden ma iri batondrok len ta ndramak mene imek, ano iy amak eme awas ja, bwe.

1 Tesalonaika 2:18

Handru, aso aso-ok labai ta awek hamon hawe aha. Jo Pol, jo le amwenen badeh, none san solo-an labai, arile aso basahan hawe aha bwe le. Tasah, ndramak ndra-in, tama balik Satan badeh, aturuk aso ta sawek.

2 Korin 1:8

Ahi atorou sahou dah ewek taha. Tasah, ahi anya aha kameh katanan ta iri maha-an doh mene asahan tahi udu bada kon Esiya. Maha-an tinan labai mene ati-i ahi, ma tihisi boto-on tahi. Eme ma ahi abudon i buku: Ahi kameh amak na dah.

1 Korin 12:1

Ya aha kawas tek, na idah jo anya kasehek taha, ta ndremenya taha mene eme tek, ta iri ndramas ta Malawin Ndrabun. Eme kameh, aha winiyan atanan mwasin ta aliy.

1 Korin 10:1

Aha nadu tine, jo aso-ok aha kabudon ki-iu kili hamon ta lakou marakon mene asahan ta tubu taha iri Isra-el. Udu bolo len ta Moses bwena mene, tubu taha iri marakon badeh, ado bahandra asi kandrah mene Kindrei atehei ta korohani iri. Ma iri adek bolo ndras aloh Retsi iri apou ala bilisiu.

La-ukei ta Pol atorou ili tiri lau badu kon Rom 11:25

Aha nadu tine, jo aseken budon taha kaleu ta sali sahou handru bwena mene aton mara-ei. Ma aha sasore nyara aha anya, Kindrei aseken le aha, ya iri Isra-el bwe, ndri-iy. Sali sahou handru bwena mene aton asah idoh: Iri lau rayah badu Isra-el badeh, bwale iri atehei budon tiri handru in ta Jises Krais. Ya iri kameh tunuhun sahou mwasin tan ili winiya le kane iri lau mari badu leheleh ala Kindrei aloh iri badeh, anuhun sahou mwasin ta nyala Jises Krais ma ame bolo tondrok tan.

Tarou ta Jon 15:16

“Ado basolo-ei jo bwe, jo le amwenen andrei ado, ma jo atehei ado ala ta ato-ou buwa kei solo-an, ma sali iri kameh kudu luluwen. Eme ma buku aha asolom i ta tama, ma aha ndremenya iy in ta nyarak ta saba lakou aha aso-ok, tama winiyan atehei ewek taha.

Tarou ta Jon 4:36

Iri lau abo gok ta a-eh nyamon badu bilin, iri badeh, akohok sihine iri. Ma iri atukum nyamon ta koha taha handru kameh udu le buku doh, winiyan bano bwe. Buku iri lau ta atah nyamon badeh, kala le hawe iri lau nane ta asoh nyamon, iri marakon kasekesek.

2 Tesalonaika 2:7

Ya, aha ndratanan kandriyen dah, ta tebelese sahou batanau badeh, udu aliy, ma asahan amunum, amunum le eme loken. Arile, basahan bala tinan bwe le, ma iy kameh udu le buku doh, winiya le len ta lakou doh nane turuki san ta ndramak ndra-in, Kindrei le ari kameh winiyan aruwi ma andrei lakou doh iu ili len.

2 Korin 2:14

Arile, jo baradeu wurah barala ta Kindrei adeh. Tasah, len marakon iy badeh, atehei ahi ala kon rakon, rakon ta atiye lahou tinan, Krais ndrabwidiy ta akohok ahi ame hamon ma amekes ahi asahan lau tan handru. Ehe, buku manahu buburen asahan, ma jor aluhiy iu ili bolo kon marakon, i buku le tekedek tahi aseben iri mwan ma badih marakon akohok tanan ta Kindrei.

1 Korin 9:2

Iri rayah atehei budon anya jo aposel ta Kindrei bwe, arile, na gok tek le, aha asahan lau ta Kindrei, eme aha le leheyani buku jo aposel ta Laban handru.

Aposel 21:19

Aso ateu lim hawe oro, ma aso mari ja sekesek a le se. Ano Pol asehek nyala iri lakou marakon nane Kindrei amekes ere bolo iri mwan ma badih badu leheleh udu bolo iri len bwena mene iy amekes lahou tan.

Aposel 15:12

Eme iri lau mari badeh, andru-uk ado le anuhun Banabas uru Pol asehek sahou ta nyala kalem ma lahou tinan mene Kindrei amekes udu ndrokowa iri lau badu leheleh na mine uru.

Aposel 14:27

Eme uru ala asos Antiyok badeh, uru nyuruwini iri lau ta Kindrei atukum, ma tiye i tiri ta lahou mari Kindrei ndramesekei na mine uru, ma i buku sah Kindrei ndrasihi san ndra tiri lau badu leheleh ta budon handru.

Tarou ta Jon 12:24

Jo tiye tado handru, i buku badu kalom ari bataku bala bwele-e munyak bwe, ma iy bamak bwe, badun ari le udu. Arile, i buku iy imek, idah kameh iy asahan ma iy ato-ou salin solo-an labai.

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

Aposel 28:14

Loboho bolo kon tinan doh, ahi ndruni lau ta Kindrei rayah, iri ame ndremenya ahi kare hawe iri winiya wik ari op. Ano iri ado, ahi adek amwenen au ala kon tinan Rom.

La-ukei ta Pol atorou ili tiri lau badu kon Rom 1:12

Ya eme jo asehek ta aliy ewek taha, ma eme tek ta aseben taha mari i le rasan. Ya aha kameh anyolom budon tek handru, idah kameh, amekes aha abadok, ma jo ale kameh anyolom budon handru taha ma amekes jo kabadok i le buku aliy.

La-ukei ta Pol atorou ili tiri lau badu kon Rom 7:1

Aha nadu tine, jo asehek sahou dah i tiri lau ala tanan iri batanau malen. Sebwe aha ndratanan nadeh? Batanau malen badeh, winiyan atondrok ndramak ma mulin na le len iy udu bwele-e munyak dah. I buku iy ndramak, batanau malen winiyan batondrok iy ja bwai.

1 Korin 1:10

Na boto-on le ta Laban Jises Krais tataha, jo anya kasehek taha nadu tine mwan ma badih i san ta nyara Jises Krais. Jo anya kabatanau aha ki buku doh: Sohowa aha marakon badeh, ki le randra, idah kameh ari ndra-i winiya bado ndrokowa aha bwe. Aha sapou aha. Budon ma tanan taha badeh, ki le randra ta iri lakou marakon aha abudon ma asehek.

1 Korin 14:20

Aha kawas tek, budon taha sala buku tiri nadu nah bwisik. Arile, i buku iri nadu nah bwisik badeh, tana iri ari kandriyen ndra-in bwe, aha lau mwan ma badih ta Kindrei badeh, kasahan buku le aliy. Ta kandriyen mwasin handru ja badeh, budon taha keme kasahan ki buku lau mwan ma badih en, iri tana iri ta lakou marakon doh.

1 Korin 14:26

Aha kawas tek, buku aha anya katukum ta atudun nyara Kindrei, aha kamekes saba lakou handru? Gok taha marakon udu aliy: Iy ari badeh, ta wari ai, iy ari ta leheya lau, iy ari ta asehek sahou Kindrei edeu i tan ta tiye ili tiri lau, iy ari ta asehek boho kon rakon ja; gok ta iy ari ja ta tobolowe boho kon nane doh. Handru, aha kamekes iri lakou marakon doh, ta atadau aha lau ta Kindrei kales boto-on.

Galesiya 3:15

Aha nadu tine mwan ma badih, jo kameh asehek i buku none lakou taha anyolom na len mari kede-eh: Buku none ndramak la-uh amekes tandrakan ta amekes sahou randra le ta ari lakou, badeh sahou randra le doh abadok. Ari ndramak winiyan batubuniy bwe, ma winiyan badeu ari budon bala ta aliy bwe.

Galesiya 6:18

Ya eme aha nadu tine mwan ma badih, tikisiy ta Laban Jises Krais kudu hawe malawi aha mari. Handru!

Pilipai 1:22

I buku none jo bamak bwe, jo kameh amekes lahou ta Krais ilih le. Eme ya jo ndrandrondro, jo ki buku sah handru bah?

Kolosi 1:10

Aru amekes salom doh, ta aha winiyan adek buku iri mwan ma badih handru ta Laban, ma iy kameh aso-ok iri kandriyen taha marakon. Ma aha kameh winiyan amekes iri gok mwasin. Eme ma, aha kameh winiyan atanan Kindrei amwenen.