La-ukei ta Pol atorou ili tiri lau badu kon Rom 1:11 - Nyindrou

¹¹ Jo badeh, aseken labai ta anyolom aha, ma kasehek sahou ta nyosowa Malawin Ndrabun kewek taha, ma kamekes ndrine aha kabadok.

La-ukei ta Pol atorou ili tiri lau badu kon Rom 1:11 Referans Kwoze

2 Pita 1:12

Eme jo kameh asehek i tado udu le buku doh ta nyala lakou doh, buku ado ndratana ado ta aliy, ma ado badeh, kandro ado ndrahas ta budon handru.

La-ukei ta Pol atorou ili tiri lau badu kon Rom 16:25

Sendrehendreh ta aliy i buku doh: Taha badeh, katudun Kindrei. Iy le kameh winiyan aseben aha ales boto-on ta bolo budon handru taha, in hamon ta sahou mwasin mene jo atiye ewek taha. Sahou mwasin doh ta nyala Jises Krais, ma hawe in hamon ta sahou bwena mene aton mara-ei kabatana le munyak asahan eme eme taku dah.

2 Tesalonaika 3:3

Ya, lau rayah ja badeh, batehei budon tiri bala ta Kindrei bwe, arile Laban badeh, ta amekes kandriyen handru na len mari. Eme ma, taha katehei budon tataha handru ki-in tan, ma iy kameh atadau budon tataha, ma atondrok aha, ma balik kameh winiyan baruwi budon taha bwe.

La-ukei ta Pol atorou ili tiri lau badu kon Rom 15:29

Jo tanan na len jo ewek hawe aha kameh jo badek laleyah bwe. Jo kameh ewek atiye sahou ma amekes aha adah ma sekesek na nyosowan handru ta Krais.

1 Pita 5:12

Sailas badeh, iy nadu tine ari ai. Iy badeh, aseben jo ta atorou sahou tek in bolo la-ukei mo-on dah. Eme ma jo atehei ewek taha. In bolo la ukei dah, jo anya kaliu budon taha keme loken, ma jo asehek sahou handru ewek taha. Sahou jo atorou, hawe budon aha tawiy badeh, asahan ta tikisiy ta Kindrei nane, ma hawe kandriyen mwasin, iy amekes ewek taha. Eme ma, aha kales boto-on ta aliy.

1 Pita 5:10

Kindrei badeh, kati iri kandriyen mwasin mari, iy amekes ewek taha. Iy ndraluhi aha ndrame hawe Krais, ta akohok lomadan, ma nyosowan mwasin ta ere le buku doh. Eme ma, mwasin ta aha kakohok maha-an ma sisi-in sese le, hamon kameh Kindrei mesekei aha asahan amwenen ja, na malawi aha. Ma iy kameh mesekei budon taha kameh asahan i tan, ma aha kameh akohok boto-on ta sakalawi iri maha-an ma sisi-in nane aha akohok.

2 Tesalonaika 2:17

Eme ma, aso asolom, ta iy katadau ndrine aha hawe koha aha kabadok, ma kaseben aha ta amekes iri kandriyen mwasin, ma asehek sahou mwasin.

Aposel 19:6

Eme na len Pol edeu limen i la-u oro badeh, ma Malawin Ndrabun eme la-u oro, ma oro asehek boho kon rakon ja, randrah labai ma asehek sahou i buku iri propet.

Aposel 16:5

Ma iri lau ta Kindrei abadok ta budon handru tiri ma len mari badeh, kane iri edek i sola.

1 Tesalonaika 3:13

Buku aha amekes i buku doh, Kindrei kameh winiyan atadau ndrine aha ma manyah taha amwenen. Ma hamon ta len doh, Laban Jises tataha kameh eme hamon ja, hawe iri lau tan marakon. Idah kameh ndrine aha udu mwasin mara-ei, ma aha ari ndra-in ta mada tama taha Kindrei ja bwe.

1 Tesalonaika 3:2

Aha ndratanan, nadu tine taha Timoti, iy ta amekes lahou ta Kindrei ta atiye sahou mwasin ta Krais. Aru ma la-uh suni Timoti ta ewek, ta atadau ma aseben budon taha kabadok.

Pilipai 4:1

Ado nadu tine ta budon handru badu hawek i san ta Kindrei. Ado badeh, jo winiyan bakahei ado bwe! Ya jo aseken labai ta kudu hawe ado! Tasah, ado badeh, ndra ari buruwen hawe Krais Jises, ma eme kandriyen tado doh, mesekei jo sekesek labai hawe jo masiye ado handru! Tasah, na ado aseben jo, lahou tek udu ndrokowa ado ba-au laleyah bwe. Eme ya ado nadu tine badu hawek i san ta Kindrei, ado samani sahou tek jo atorou ma asehek ewek tado mene doh. Ado kales boto-on ta budon handru tado i ta Laban. Ma ado badeh, budon tado ki randra le.

Pilipai 2:26

Iy kameh ewek hawe ado, tasah iy tikisiy ma kohan apwe ado ma anya katou ado mari. Eme iy tanan ado mene ndranuhun iy ibo sik.

Pilipai 1:8

Kindrei badeh, tanan jo badeh ndrinek eden handru ta udu hawe ado, idoh bala wasai bwe. I buku le Jises Krais aseken ado.

2 Korin 9:14

Ma iri kameh atanan Kindrei badeh, amekes kandriyen mwasin labai handru ewek taha. Eme ma, iri kameh aso-ok aha labai, ma iri winiya asolom ili ta Kindrei, iy edeu nyosowan laba tinan ewek taha.

2 Korin 1:21

Kindrei leheya ahi i buku doh: Ahi hawe aha Korin, taha marakon badeh, Kindrei bwidi taha winiyan ales boto-on hawe Krais. Ma ale, Kindrei mene atehei ahi ta amekes gok aposel dah.

La-ukei ta Pol atorou ili tiri lau badu kon Rom 15:32

Ya jo kameh ewek atou aha ma sekesek, ma, i buku Kindrei aseken ta aliy, idah kameh, jo ewek hawe aha ya taha mari sekesek ma amunyau.

La-ukei ta Pol atorou ili tiri lau badu kon Rom 15:23

Arile, na dah lahou tek ta amekes udu loboho kon dah badeh, ndrano. Jaha solo-an labai ndra-au jo aseken handru ta ewek atou aha, arile jo mene winiyan bwe.

Aposel 19:21

Ano udu hamon ta lahou mari doh asahan badeh, Pol amekes budon tan ta anya kili Jerusalem. Iy kameh edek ili bolo kon Masadoniya ma Akaya. Eme iy anya, “Jo ili oro kon doh ano, udu hamon ta aliy badeh, jo kili kaselesen Rom ale.”

Hiburu 13:9

Eme ma aha satehei aha sala bolo iri sahou solo-an, eme ta ariu budon taha, ma aha mani san mwasin ta Kindrei. Kindrei amekes kandriyen mwasin labai eme tataha, ma idoh amekes taha abadok ta a-en hamon tan. Buku taha a-en hamon ta iri batanau ta beleben nyamon solo-an labai, idoh baseben taha ta a-en hamon ta Kindrei bwe. Tasah kandriyen doh, baseben iri lau bwena mene ba-en hamon ta aliy bwe le.

2 Korin 11:4

Tasah, aha badeh, lau ta atehei budon taha in ta wendreya. Aha winiyan sekesek ma alelei lau rayah, ale asahan hawe aha ma atiye sahou rayah ta Jises, ahi basehek bwe le. Ma iri ale kasehek sahou ta malawi lakou ari ja, sala Malawin Ndrabun mene aha akohok badu mine ahi. Aha winiya anuhun ma a-en hamon ta “sahou mwasin” doh, sala sahou mwasin ta Jises amwenen ahi mene ndrasehek ndrawek taha.

Jenesis 31:30

Jo tanan ou badeh koham ndrapwe ta ala kon tam, arile ou badeh ndrabene-ei sukumada kei badu asiu tek.”

La-ukei ta Pol atorou ili tiri lau badu kon Rom 1:12

Ya eme jo asehek ta aliy ewek taha, ma eme tek ta aseben taha mari i le rasan. Ya aha kameh anyolom budon tek handru, idah kameh, amekes aha abadok, ma jo ale kameh anyolom budon handru taha ma amekes jo kabadok i le buku aliy.

2 Korin 1:15

Jo anya aha kameh katanan kamwenen ta iri lakou doh jo mene asehek ta aliy. Eme ma, jo mene abudon ma mwena ta a-en hamon ta san ta ili Korin na len jo ili bada kon Masadoniya. Ma hamon kameh jo eme le san dah ma anyolom aha san rasan ja. Ma ta kandriyen doh aha kameh winiyan anyolom aru ma la-uh, ma aru winiyan sekeyani ndrine aha handru. Ma hamon ta idoh, aha winiyan aseben jo, ma tiye jo kili hamon loboho bada kon Judiya ja.