La-ukei ta Pol atorou ili tiri lau badu kon Rom 1:1 - Nyindrou

¹ Jo Pol, jo badeh, lohowan ta Krais Jises. Jo ale aposel, Kindrei tiye jo, ma aloh jo eme ta atiye sahou tan mwasin.

La-ukei ta Pol atorou ili tiri lau badu kon Rom 1:1 Referans Kwoze

Aposel 9:15

Arile, Laban tiye i ta Ananayas anya, “Bwe, ou ala! Iy ndramak doh badeh, jo ndralebelei iy ta atiye sahou tek i tiri lau badu leheleh, i tiri kabin tiri ma hawe i tiri lau badu Isra-el.

La-ukei ta Pol atorou ili tiri lau badu kon Rom 15:16

iy atehei lahou dah eme kanik ta atiye sahou ta nyala Krais Jises ki tiri lau badu leheleh. Jo badeh, i buku none ari pris amekes lahou ta atiye sahou mwasin ta Kindrei. Ya eme iri lau badu leheleh badeh, i nyara salom jo edeu i mada Kindrei ma eme iy sekesek ta aliy. Ma hawe Kindrei badeh, mesekei iri asahan lau tan handru i san ta iy suni Malawin Ndrabun ili manyah udu bolo oro.

1 Korin 1:1

Jo Pol, jo aposel ta Krais Jises. Na budon ta Kindrei le iy tiye jo asahan lau ta atiye sahou tan. Aru nadu tine taha Sostenes atorou la-ukei dah ewek taha lau mwan ma badih atudun nyara Kindrei ado kon tinan Korin. Krais Jises andrei aha marakon ame asahan ndrabun ma lau tan amwenen; iy andrei aha hawe iri lau badu kon munyak mara-ei, iri ale atudun iy ma asolom in ta nyaran. Iy Laban tataha ma tiri ale.

Kolosi 1:1

Jo Pol, jo aposel ari ta Krais Jises. Na so-ok ta Kindrei, iy le amwenen atehei jo asahan buku ari aposel, ma jo edek ili kon rakon, rakon ta atiye sahou mwasin ta Jises Krais.

Taitus 1:1

La-ukei dah badeh, jo Pol atorou. Jo badeh, Kindrei le tiye jo asahan lohowan tan, ma tiye jo asahan aposel tan ta atiye sahou badu boho Jises Krais. Kindrei amekes doh badeh, ta jo kaleheya oro lau tan badeh, katehei budon toro handru ki-in hamon ta budon handru. Ma hawe jo kaleheya oro kaleu handru ta tanan ta Kindrei. Ya eme na tanan handru ta Kindrei doh badeh, winiyan leheya oro ta manyah mwasin i buku seken ta Kindrei.

La-ukei ta Pol atorou ili tiri lau badu kon Rom 1:9

Aha ndranyolom ai, sahou mene jo asehek i taha badeh, handru, ya Kindrei badeh, tanan. Kindrei le doh badeh, jo atehei ndrinek mari i tan, ma atudun iy, ma jo edek ta atiye sahou mwasin ta nyala nadun. Ma Kindrei tanan, jo badeh, balek bamani aha bwe na len mari

2 Korin 1:1

Jo Pol, jo aposel ari ta Krais Jises. Ta so-ok ta Kindrei le amwenen, iy atehei jo asahan aposel. Jo hawe nadu tine taha ari Timoti, aru mala-uh atorou la-ukei dah ewek taha mwan ma badih ta Kindrei are kon Korin, hawe iri mwan ma badih ta Kindrei marakon are loboho kon munyak tinan Akaya.

1 Korin 9:1

Buku sah? Aha tanan gok tek bwe? Ari lakou winiya batawi jo bwe. Jo aposel ari ai. Jo ndranyolom Laban tataha. Jo amekes gok ta Laban, eme ma aha asahan lau ta Kindrei ta gok nane jo amekes dah.

2 Timoti 1:11

Kindrei ndratondrohani jo asahan aposel ma ndramak ta leheya. Tasah, iy aso-ok jo kamekes gok ta atiye sahou mwasin dah.

1 Timoti 1:1

Jo Pol: Jo badeh, aposel ari ai, ta Krais Jises. Idoh badeh, asahan na sahou boto-on ta Kindrei, ndramak ta seben taha ma hawe Krais Jises, iy ndramak ta taha katehei budon handru ki tan.

Galesiya 1:1

Jo Pol: Jo badeh, aposel tiri lau ta Kindrei. Jo atorou la-ukei dah ewek taha lau mwan ma badih ta Kindrei ale are bolo kon munyak tinan Galesiya. Iri lau nane ahi amekes lahou se badeh, ale are hawek, ma iri ale anya, bada-an mwasin tiri ewek taha. Jo aposel ari, eme ma jo badeh, edek ma atiye sahou ta Kindrei. Idoh badeh, basahan na seken ta ari ndramak, bwe. Idoh badeh, asahan na seken ta Jises Krais hawe taman Kindrei le amwenen. Uru le amwenen badeh, atehei gok dah eme tek ma suni jo ta atiye sahou mwasin ewek taha. Jises mene imek, arile Kindrei ndramete-ei iy udu ta imek tan badeh, ndrame awas ja.

1 Timoti 2:7

Eme ta katin doh baden adeh, jo asahan aposel ta atiye sahou, ma ta leheya iri lau badu leheleh. Ma iy atehei jo ta atiye sahou ta budon handru dah. Eme ya jo bawasai bwe, jo tiye sahou handru.

1 Tesalonaika 2:2

Aha marakon ndratanan, aso mene are Pilipai badeh, iri lau atikah aso, a-um aso, ma aso akohok sisi-in ma maha-an tinan labai ta aliy. Arile, Kindrei tataha ales udu hawe aso, ma atadau ndrine aso, ma aso barou bala hamon, ta bahun nane doh bwe. Aso abadok labai, ma adek ame hawe aha, ma asehek sahou mwasin ta Kindrei ewek taha.

La-ukei ta Pol atorou ili tiri lau badu kon Rom 1:5

Na iy le badeh, Kindrei atehei lahou dah eme kani aso, ma iy atehei seben eme taso ale, eme ma aso asahan aposel i nyara Krais ta atiye sahou, hawe kaliu iri lau badu kon leheleh mari kanuhun sahou, ma katehei budon tiri handru ki ta Kindrei.

Pilipai 1:1

Aru ma la-uh badeh, lohowan ta Krais Jises, jo Pol hawe Timoti. Jo Pol atorou la-ukei dah badeh, hawe budon ta Timoti ale in se hawek, ta ewek tado lau mari, budon tado ihis in ta Krais Jises, ma ado lau ta Kindrei, ado kon Pilipai badeh. Ma hawe i toro lau ta batun ta Kindrei, ma hawe i tiri lau badu ndrokowa ado, ta aseben iri lau ta Kindrei.

Rebelesen 1:1

Sahou ale jo atorou dah badeh, mene bame lewan bwe, arile Jises Krais le amwenen bwidiy asahan eme lewan. Kindrei le amwenen edeu i ta nadun Jises Krais, ta iy kaleheya taha lohowan tan, ta se luwen bwe, iri lakou mara-ei doh kameh asahan. Eme, Jises amekes sahou dah i san ta ameh, iy eme suni angelo hawe sahou tan eme tek, Jon, jo lohowan tan, ma iy asehek kati ameh mara-ei doh.

La-ukei atorou Jut 1:1

Jo Jut, jo atorou la-ukei dah. Jo amekes lahou ta Jises Krais. Jo badeh, nadu tine Jemis. Jo atorou la-ukei dah ewek taha lau ta Kindrei, iy ndratehei kalem ndrawek taha ta asahan lau tan. Kindrei badeh, aso-ok aha labai, ma iy atondrok aha udu bolo iri maha-an solo-an, tasah Jises Krais atondrok aha.

2 Pita 1:1

La-ukei dah, jo Saimon Pita amwenen atorou ewek tado. Jo badeh, lohowan ma aposel, batun ari, Kindrei suni jo ta atiye sahou ta Jises Krais ili tiri lau tan. Jo atorou la-ukei dah, ewek tado lau mari ta budon handru i ta Jises Krais ado badeh. Tasah, Jises Krais badeh, iy ale Kindrei tataha ma hawe iy ndramak ta aseben taha. Iy abudon ta amekes taha badeh, kakohok budon mwasin handru i randra le, eme ma iy amekes ado asahan lau ta budon handru i le buku aso.

Jemis 1:1

Jo Jemis, jo ndramak ta lahou ta Kindrei hawe Laban Jises Krais. Jo atorou la-ukei dah ma edeu sekesek tek ewek taha mwan ma badih mari badu boho kamen ma ronoh la-uh badu Isra-el aseker areu bolo kon munyak mara-ei nane dah.

Hiburu 5:4

Ndramak asahan tinan tiri pris, nyaran ndra tinan kabwe, ma ari ndramak winiyan bakohok gok doh na so-ok tan amwenen bwe. Kindrei kameh aloh iy bwena, ano iy barakohok gok nane doh, i buku le mwena mene Kindrei aloh Aron.

Pilipai 2:11

Ma hawe lau mari kameh aloh iy i tinan ta ndranye lau mari, ta Jises Krais badeh, iy Laban handru. Na sahou tiri doh kameh atudun nyara Kindrei. Tasah, iy le tama taha mari udu bolo lomadan ta taman Kindrei, ta atondrok munyak mari.

Epesus 4:11

Ndramak doh, iy amwenen edeu ndramas ili tiri mwan ma badih. Ma iy edeu ndramas i buku doh: Iy edeu ndramas ili tiri rayah ta amekes gok aposel. Rayah ta amekes gok propet, rayah ta atiye sahou tan ili kon rakon, rakon. Ma rayah iy edeu ndramas ta atondrok iri lau ta Kindrei, o lau ta leheya.

Epesus 1:13

Ma aha lau badu leheleh, aha ndrasahan lau ta Kindrei ale, kala le aha mene anuhun sahou handru. Sahou mwasin doh amekes, ma Kindrei atehei aha ahis hawe Krais. Aha atehei budon taha handru in ta Krais, ma Kindrei ndratehei Malawin Ndrabun ndrawek taha i buku kalem ta lakou, iy ndratandrakan ta edeu.

2 Korin 12:11

Sahou nane jo amekes ta atudun nyarak, idoh i buku sahou ta ndramak lolo-ou. Jo bwalek ta asehek, arile aha badeh, bwidi ndrinek ta amekes. Tasah, aha amwenen batudun nyarak bwe. Idoh mwasin, aha amekes i buku doh. Arile, bwe. Jo ndramak laleyah, arile jo sakalau iri lau ta wasai mara-ei nane aha aloh iri, “aposel mwasin handru.”

2 Korin 11:5

Aha kanuhun! Jo amwenen abudon, jo badeh, bare bahandra iri aposel taha nane, aha abudon iri are bwele-en labai, bwe!

2 Korin 4:5

Ehe, sahou dah handru, tasah ahi badeh, batiye sahou tahi bwe. Ahi atiye sahou i buku doh: Krais Jises, iy badeh, Laban tataha, ma ahi lau ta gok taha, tasah Jises aloh ahi ta amekes iri gok doh.

La-ukei ta Pol atorou ili tiri lau badu kon Rom 1:16

Jo banoh ma bwilik bama ta sahou mwasin ta Krais bwe, tasah idoh badeh, boto-on ta Kindrei ta akohok are lau iri atehei budon tiri handru i ta sahou mwasin doh ame hamon. Sahou doh ma mwena i tiri Juwis, ano badeh, i tiri lau badu leheleh ale.

Aposel 22:21

“Laban tiye jo anya, ‘Ou adek ai, tasah jo aso-ok ou kameh ala bolo iri kon leheleh, ta aseben iri lau leheleh, iri tanan kandriyen tiri Juwis bwe.’ ”

Aposel 22:7

Ma jo atarah i andri bada munyak, ma ndranyek anuhun ndramak ari aloh jo i buku doh, ‘Sol, Sol, tasah handru ou anya adai jo kimek?’

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Rebelesen 22:9

Arile, iy anya, “Ndri-iy, ou samekes! Jo Kindrei bwe! Jo ale amekes gok i buku le ou, ma hawe nadu tinem oro, iri propet, ma hawe iri lau anuhun sahou badu bolo buk dah ma a-en hamon ta aliy. Aha marakon katudun Kindrei le ari!”

Kolosi 1:25

Kindrei amwenen mene ndralebelei jo, ta jo katiye iri sahou tan marakon kewek ta aseben aha. Eme ma, jo badeh, asahan buku ndramak ta lohowa aha mwan ma badih marakon ta Kindrei.

Epesus 1:1

Jo Pol, jo aposel ari ta Krais Jises. Na so-ok tan amwenen, Kindrei atehei jo buku ari aposel, ma jo edek rakon, i rakon ta atiye sahou mwasin ta Jises Krais. Jo atorou la-ukei dah ewek taha mwan ma badih ta Kindrei, aha are kon tinan Epesus. Aha badeh, a-en hamon handru ta Krais Jises, ma aha ahis hawen.

La-ukei ta Pol atorou ili tiri lau badu kon Rom 16:25

Sendrehendreh ta aliy i buku doh: Taha badeh, katudun Kindrei. Iy le kameh winiyan aseben aha ales boto-on ta bolo budon handru taha, in hamon ta sahou mwasin mene jo atiye ewek taha. Sahou mwasin doh ta nyala Jises Krais, ma hawe in hamon ta sahou bwena mene aton mara-ei kabatana le munyak asahan eme eme taku dah.

La-ukei ta Pol atorou ili tiri lau badu kon Rom 16:18

tasah oro lau i buku doh, baleheya tanan handru ta lahou ta Laban bwe. Oro leheya tanan randrah labai ta abulum le ndrine oro. Oro asehek sahou nyaman nyaman ta asan bale aha, ma hawe amekes sahou mwasin mwasin ta atamar aha; ma oro bolowani budon tiri lau tana iri lakou mwasin o ndra-in bwe, ka-en hamon toro.

La-ukei ta Pol atorou ili tiri lau badu kon Rom 15:29

Jo tanan na len jo ewek hawe aha kameh jo badek laleyah bwe. Jo kameh ewek atiye sahou ma amekes aha adah ma sekesek na nyosowan handru ta Krais.

La-ukei ta Pol atorou ili tiri lau badu kon Rom 11:13

Ya sasah, sasah kasahan, aha ndratanan ta jo badeh, aposel ta atiye sahou ta ewek taha lau badu leheleh. Kindrei suni jo dah ta amekes lahou tan, ma jo sekesek ma aseken iri lau kanyolom gok jo amekes dah.

Aposel 27:23

Jo badeh, lau ta Kindrei ma jo badeh, lohowan tan; len marakon jo atehei bwili ndru-uk i andri i tan. Na ben nane iy suni angelo tan ari eme ales ere mirihik tek,

Aposel 26:1

Eme ma kabin Agripa tiye Pol, “Ya, nadah, ou asehek sahou tam kamwenen ai.” Pol eme edeu kalem na minen ta iri marakon kanuhun iy.

Aposel 13:9

Arile, nyara Sol ari ja badeh, Pol, iy idih na boto-on ta Malawin Ndrabun, anyolom boto-on i ta Elimas, ma iy tiye i tan anya,

Tarou ta Jon 15:15

Jo winiyan baloh aha bonyo-ou ja bwai, tasah iri bonyo-ou bala tana iri ta saba lakou handru iri kabin amekes bwe. Akohok kon ta bonyo-ou eme jo aloh aha kawas tek le, tasah jo ndrasihidiy ndrawek taha iri lakou marakon mene jo anuhun eme ta tama.

Tarou ta Jon 12:26

Are lau iy anya kamekes gok tek, iy badeh, ki-in le hamon tek, eme ma kon heh jo udu aliy, iy kameh udu hawek ale. Buku are lau iy amekes lahou tek, tama kameh atehei lomadan tinan ili tan.”

Rebelesen 22:6

Ano angelo asehek eme tek ja i buku doh, “Iri sahou marakon ou ndranuhun ma ndratou ta iri lakou doh badeh, ndra handru le ai, ma iri kameh asahan. Ma iri mwan ma badih kameh winiyan atehei budon tiri handru in ta aliy. Ma Laban Kindrei badeh, ta atadau malawin mwasin tiri propet, ta atiye sahou tan. Ya, iy don adeh, ndrasuni angelo tan ari eme leheya iri lohowan tan ta saba lakou kameh mirihik asahan.”

Hiburu 7:26

Jises doh, iy tinan tiri pris. Iy le ari winiyan sebenei taha. Iy ndrabun labai; iy ari budon ndra-in bwe; ma iy ndra nyikilikin labai ta mada Kindrei. Eme Kindrei atehei iy udu len labai ja tiri lau ta amekes iri kandriyen ndra-in. Ma iy andrei iy iu ili loken ili kandrah, ma atehei nyaran ndra tinan labai.

Aposel 26:14

Aso mari atarah ala bada munyak, ma jo anuhun boho ndramak ari aloh jo i boho iri Hiburu i buku doh, ‘Sol, Sol, tasah handru, ou anya adai jo kimek? Ou badeh, bwese maha-an ma sisi-in ta kandriyen, buku ou le amwenen morohani katim i ta lakou madan labai.’

Aposel 21:40

Iy tiye i buku doh, ma tinan tiri lau ta bahun anya, “Mwasin, ou winiyan asehek sahou.” Eme ma Pol atehei minen i loken ta iri kandru-uk. Eme ma iri andru-uk i le rasan, ma iy asehek sahou ili tiri i boho kon Aramek.

Tarou ta Jon 15:20

“Aha samani iri sahou mene jo ndrasehek ndrawek taha: ‘Iri lau bonyo-ou winiya basakalawi kabin tiri bwe.’ I buku iri lau adai jo, iri kameh adai aha ale; buku iri an hamon tiri leheya tek, iri kameh an hamon ta leheya taha ale.

Tarou ta Mak 1:14

Ano hamon ta iri ndratehei Jon ta alomwa ndrala bolo kou, Jises eme asahan Galili ta atiye sahou mwasin ta Kindrei.

2 Korin 2:12

Jo ili asahan kon tinan Trowas ta atiye sahou mwasin ta Krais badeh, Laban ndrasihi san tek ta amekes gok dah.

2 Korin 11:7

Udu bolo len mwena jo atiye sahou mwasin ta Kindrei ewek taha, jo bandremenya aha ta luk ta amekes gok dah bwe. Jo amwenen atehei jo ili andri mara-ei ta amekes gok ta atudun aha. Sebwe kandriyen, jo amekes doh, ndra-in nadeh?

1 Tesalonaika 2:8

Tasah, aso aso-ok aha labai, eme ma aso anya kasehek nyala aha ta sahou mwasin ta Kindrei le bwe, arile ahi mara-ei badeh, ndralokowani ahi ale ta amak, ta aseben aha. Tasah, aha badeh, mwasin labai ta mada aso.

1 Tesalonaika 2:9

Aha nadu tine aso, aha tanan sahou dah handru labai. Aha tanan, lahou marakon aso ndramesekei, udu bolo len mene aso ame atiye sahou mwasin ta Kindrei eme taha, aso ame dah ta ariu nyamon taha bwe. Eme ma, aso amekes gok boto-on, ma aso asa-ar na len hawe ben, ma ta atondrok aso ta iri lakou marakon.

1 Pita 4:17

Ya, aha mari kasekesek ki ta Kindrei, buku none iri lau badu kon munyak amekes ndra-in, ma adeu sisi-in ewek taha. Tasah, len ta Kindrei ta anuhun sahou ndrame ai, ya buku none Kindrei anuhun sahou tiri lau tan mwasin bwena, Kindrei kameh amekes saba lakou handru ili tiri lau ale banuhun sahou mwasin ta Krais bwe? Iy kameh anuhun sahou tiri ano, iri kameh ala bolo jih.