Pilipai 4:3 - Nyindrou

³ Ehe, ou en, Sisikos, tasah nyaram badeh, moson ndramak ta lahou badu hawek. Jo aseken ou ala aseben budon turu badih ma la-uh badeh, ma ou tiye turu sasobobo uru. Tasah, uru mene are hawek aseben jo ta atiye sahou mwasin. Uru ma la-uh doh mene hawe Klemen ma oro lau rayah aseben jo ta amekes lahou; oro doh mene Kindrei ndratorowenei nyara oro mari ndra bolo buk tan hawe nyara iri lau kameh koha iri udu le buku doh.

Pilipai 4:3 Referans Kwoze

Rebelesen 13:8

Iri lau mara-ei badu kon munyak ale, nyara iri bado bolo buk ta Kindrei bwe, udu ndra bada len Kindrei mene amekes kon munyak, iri mara-ei doh kameh winiyan bakohok kohan handru bwe, arile iri kameh atudun nyara nyabwe ndras nane. Buk doh badeh, buk ta ndramak konen i buku Nadu Sipsip ta Kindrei, bwena mene iri lau adai iy imek.

Rebelesen 3:5

Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, jo kameh edeu awin belen ili tiri, ma jo kameh winiyan basokosowei nyara iri udu bolo buk tiri ta akohok kohan handru ta Kindrei ba-au bwe, arile jo kameh asehek nyala tama hawe oro angelo tan i buku doh: “Iri lau mwan ma badih dah badeh, iri lau tek handru ma iri a-en hamon ta sahou tek.”

Tarou ta Luk 10:20

Arile, ado badeh, sasekesek ta ado badeh, sakalawi boto-on ta malawin ndra-in, ndri-iy, arile ado badeh, kasekesek, tasah nyara ado badeh, ndratorowenei udu kandrah.”

Pilipai 1:27

Ma laba tinan labai asah i buku doh: Tekedek tado badeh, ki buku tekedek ta Jises, i buku none sahou handru tan asehek. Eme ya, i buku none jo bawek bwe, deh jo anuhun nyala ado le, jo tanan ado badeh, ales boto-on ta budon randra le. Ma ado asahan ndramak ari le, ta budon tado ta aseben iri lau katehei budon handru tiri ki ta sahou handru ta Kindrei.

Rebelesen 21:27

Arile, iri lakou ndraka-an, hawe iri lau ta amekes kandriyen ndra-in, iri lau ta karei, ma iri lau ta amekes sahou wasai, iri mara-ei doh kameh winiyan bala bolo kon tinan doh bwe. Iri lau le nyara iri udu bolo buk ta Nadu Sipsip, iri le lau doh kameh akohok kohan handru ma winiyan ala bolo kon tinan don ai.

Rebelesen 17:8

Nyabwe munyak nane ou ndranyolom eh, bwena mene iy ere aliy, arile nadah badeh, iy bare aliy ja bwai. Arile, iy kameh udu mana munu lek lawe-en labai, ari katin bwe, eme len, ma iy kameh ili akohok andra-i labai ma amai mara-ei. Iri lau mwan ma badih badu kon munyak nane nyara iri bado bolo buk ta Kindrei bwe, udu ndra bada len mene Kindrei bamekes kon munyak bwe le en, iri winiyan bakohok kohan handru bwe, arile iri doh kameh anyolom nyabwe munyak, ma mani iri kameh atur. Tasah, bwena mene iy ere aliy, ma na len dah ja iy bare aliy bwe, arile iy kameh barasahan na len hamon.

Pilipai 4:2

Eme ya ah badih ma la-uh badeh, Yuwodiya hawe Sintiki, ah kanuhun sahou. Jo aseken ah kase ta budon randra le, ya ah sasobobo ndri-iy. Tasah, ah ma la-uh badeh, nadu tine ah le, badu hawe Laban le.

La-ukei ta Pol atorou ili tiri lau badu kon Rom 16:12

Sekesek tek ki turu badih doh, Traipena hawe Traiposa. Uru badih doh amekes lahou mwasin handru ma amekes lahou boto-on boto-on ta Laban. Ma hawe sahou sekesek tek ki ta borobwar tek Persis. Iy badeh, badih ari ja amekes lahou solo-an solo-an ta Laban.

La-ukei ta Pol atorou ili tiri lau badu kon Rom 16:9

Ma sekesek tek ale ki ta Urbanus. Iy mene eme hawek ya aru amekes lahou ta Krais. Ma hawe sekesek tek ki ta kawas tek handru ale Stakis.

La-ukei ta Pol atorou ili tiri lau badu kon Rom 12:1

Ya eme aha nadu tine i san ta tikisiy tinan ta Kindrei, jo indrek aha katehei bada aha mari ki ndrabun, ki buku salom handru ki ta Kindrei kasekesek ta aliy. Idoh badeh, atudun handru ai.

Rebelesen 20:12

Ma jo ale anyolom iri lau ndramak bwena on! Iri lau nadu batun, iri lau laleyah tiri lakou bwe, iri lau marakon doh badeh, ales are bwena ta koyeu ta kabin. Iy ndramak manyah udu bada koyeu badeh, tiye iri angelo kasihi iri buk mara-ei. Iri sihi buk ari ale, buk doh badeh, nyara iri mwan ma badih kameh winiyan akohok kohan handru ado hawe Kindrei. Kindrei badeh, anyolom bolo iri buk ma aleben kandriyen marakon tiri lau ndramak, mene amekes.

Kolosi 1:7

Ma Epapras ndraleheyani aha ta sahou mwasin doh. Iy badeh, ndramak ari mwasin ta amekes lahou ta Krais. Ma iy ibo gok hawe ahi, ahi aso-ok iy labai. Iy badeh, aseben aru, ma iy atondrok gok ta Krais udu mwasin labai ta akohok boho aru ewek taha.

Rebelesen 20:15

Buku are lau nyaran bado bolo buk ta lau winiyan akohok kohan handru doh bwe, Kindrei kameh tiye iri angelo tan, akahei iy ales amwenen iu ili bolo lek laba tinan ta jih.

Pilipai 1:5

tasah ta madasan ta, ado badeh, sebenei jo laba tinan labai ta atiye sahou ta nyala Jises Krais. Ado amekes udu ndra bada katin, na len ado atehei budon handru tado i ta sahou mwasin ta nyala Jises Krais eme, eme taku na len dah.

Pilipai 1:7

Ado badeh, adek ma badu hawek handru en, ta atiye sahou mwasin ta nyala Jises Krais. Eme badeh, jo atona i buku doh, ewek tado ta tikisiy ta Kindrei weleyani eme tato mari. Ya jo udu bolo kou kada-ah ma hawe jo mene ales udu ta sahou badeh, jo batotoreh bwe, jo tiye sali sahou amwenen i toro. Ma jo tiye sahou boto-on i toro ta nyala Jises Krais badeh, wasai bwe, handru.

Pilipai 1:12

Eme ya ado nadu tine i san ta Jises, jo anya ado ki tana ado ta maha doh, jo bwese badeh, basokei sahou mwasin ta nyala Jises bwe, arile na maha doh le badeh, mesekei sahou mwasin doh i tinan labai i bolo lau mari.

Pilipai 1:16

Eme ya oro nane ndrine oro mwasin ma oro aseken jo, tana oro, ta jo udu bolo kou kada-ah badeh, ta jo tiye sahou ta nyala Krais badeh, handru.