Pilipai 3:1 - Nyindrou

¹ Kabwai, sahou sese le doh. Ado nadu tine, ta budon handru badu hawek i san ta Kindrei, ado kasekesek, tasah ado ndrase hawe Laban. Eme ya jo baliliy ta atorou ewek tado bwe le, i buku le bwena mene jo atorou ewek, ta leheya ado, ta tiye nyala ado tiri lau ta leheya tanan ta wasai ado, i buku none iri kanone ado.

Pilipai 3:1 Referans Kwoze

Pilipai 4:4

Eme jo katandra-un tado ja, ado kasekesek Laban kudu le buku doh. Tasah, ado ndra ari buruwen hawe Laban.

La-ukei ta Pol atorou ili tiri lau badu kon Rom 5:11

Ya lakou ari ja i buku doh: Kabin tataha Jises Krais, iy le ari bwidi ndrine taha asahan mwasin hawe Kindrei. Eme ma, ta gok tan nane doh, taha sekesek ta Kindrei handru.

Jemis 1:2

Ya, ado nadu tine, buku iri none ndra-in solo-an asahan tado, mwasin ta ado kasekesek le.

1 Pita 4:13

Arile, aha kasekesek, tasah aha bwese iri maha-an buku none le Krais mene bwese. Ya, buku none iy eme hamon, ma nyaran i tinan, ma lomadan asahan eme lewan, aha kameh sekesek labai.

1 Tesalonaika 5:16

Bolo iri len marakon aha kasekesek.

Pilipai 4:8

Eme ya ado nadu tine badu hawek ta budon handru. Ta sendrehendreh ta aliy, iri lakou doh ado katawiy kihis: Iri lakou ndra handru le, kandriyen mwasin ta amekes iri lau kasekesek, ma kaseben bolo manyah tiri in hamon ta sahou randra le, ma hawe lakou mwasin kameh iri lau asehek ta aliy. Iri lakou doh badeh, ado kabudon ta aliy solo-an.

1 Pita 3:8

Sahou tek anya kano kere dan ai. Arile, aha badeh, ndrokowa aha ma manyah taha kudu mwasin. Aha kaso-ok ndramak ari ja, buku none nadu tinem amwenen. Aha katikisi ndramak ari ja, ma aha karuwani iri kandriyen ta bar ndra-in.

2 Korin 13:11

Aha nadu tine mwan ma badih, aha ndrado ai, ma bale aha kudu taha. Jo aso-ok aha kabadok ta asahan lau ta Kindrei handru. Aha kanuhun sahou tek, ma katawiy kihis kudu budon taha, ma ndrine aha mara-ei kameh udu mwasin. Kindrei aso-ok aha lau mwan ma badih mara-ei, ma aseben ndrine aha udu mwasin. Iy amwenen kameh udu hawe aha.

2 Pita 3:1

Ado kawas tek ta budon handru, idah la-ukei tek ramen ja ai; badu hawe ramen mene jo atorou ndrawek tado. Udu bolo la-ukei ma lumen doh, jo anya katiye tado ja ta bale ado samani kandriyen mwasin ta bolo tekedek tado.

Epesus 6:10

Ya, sendrehendreh ta sohowa la-ukei dah i buku doh: Nyamu Laban badeh, kabadok boto-on kudu hawe aha.

Tarou ta Luk 1:47

ma kohak handru sekesek ta Kindrei, ta aseben jo,

Pilipai 3:3

Eme ya ado satehei budon tado handru sa-en toro, tasah oro asan ku-i oro, eme oro anya, i san doh kameh mesekei oro asahan lau ta Kindrei, arile bwe. Arile, taha lau ala atehei budon tataha handru i ta Kindrei bala san doh bwe, taha asahan lau ta Kindrei i san ta taha ruwani ta amekes kandriyen ndra-in. Ma taha atudun Kindrei i san ta Malawin Ndrabun, hawe taha ale sekesek i le ta Krais ta lakou mene iy mesekei eme tataha. Ya eme taha batehei boto-on ta taha bala ta kandriyen ta lahou badu bada taha amekes, bwe. Idoh badeh, ndrano ndra-au.

Metiu 5:12

Ya, ado kasekesek, tasah ndramas mwasin udu kandrah kodo-oh abe-en ado. Idoh i le buku san iri lau ndradai iri propet mene ndrame bwena tado.”

1 Tesalonaika 4:1

Ya aha nadu tine aso, na dah aso anya katorou sahou ta iri lakou rayah udu kede-eh. Aso anya kabatanau aha ma kasehek sahou boto-on kewek taha in ta nyara Laban Jises. Aso mene leheya aha ta iri kandriyen, ta aha kadek aliy, ma ka-en hamon tiri lakou Kindrei aso-ok. Na dah, aha kede-eh a-en hamon le ta kandriyen buku aso mene asehek taha. Arile, aha ka-en hamon handru ta lakou doh kili le bwena. Eme ma, kandriyen doh kameh, amekes Kindrei kasekesek taha.