Pilipai 2:3 - Nyindrou

³ Ado samekes kandriyen ta ndrakok ta aseben ado le, ma satudun ado ta aliy. Ma hawe ado satudun le anya, ado ndra ari ai. Arile, ado kamasiye iri, ya bale ado kamani ado.

Pilipai 2:3 Referans Kwoze

La-ukei ta Pol atorou ili tiri lau badu kon Rom 12:10

Ou aseken nadu tinem ari ari badu hawem handru. Ou sabudon ou le, arile ou anuhun sahou ta nadu tinem ari ari.

Galesiya 5:26

Taha sabudon anya taha ndra ari ai, bwe. Ma taha sasakalau ndramak ari ari, ma hawe mada taha salikis ndramak ari ja.

Epesus 5:21

Aha marakon ka-en bahandra iri mwan ma badih ari ari ta Kindrei rayah ja, ma ka-en hamon ta sahou tiri. Tasah, aha marakon badeh, a-en bahandra Krais, ma ta kandriyen doh aha kameh amekes ta atudun nyaran.

Epesus 4:2

Aha winiyan batebelese bala tiri mwan ma badih rayah ja bwe. Aha kanuhun sahou tiri ma aha kado le. Ndrine aha sato-ou suwi ta losen sala tiri lau nane amekes ndra-in ewek taha. Aha kaso-ok iri lau ta Kindrei rayah ja, ma sandrek iri ta a-en hamon ta kandriyen aha amekes.

1 Pita 5:5

Eme ma aha loweu, aha kanuhun sahou tiri lau-en, ma ka-en hamon ta aliy. Aha sala ta bar ndra-in, ndri-iy. Aha mari kamekes kandriyen ta adeu ndrine aha ma so-ok taha ki andri bahandra so-ok ta nadu tine aha ari ja. Tasah, aha ndratana aha in bolo buk ndrabun asehek i buku doh, “Kindrei badeh, bwalen iri lau ta atudun nyara iri amwenen i loken, arile iy badeh, tikisiy, ya iy amekes mwasin i tiri lau ale atehei nyara iri, ma so-ok tiri i andri mara-ei.” Tanan 3:34

Pilipai 2:14

Sasah ado amekes, ado sanunu-uh ta aliy ma ado sandres ta aliy.

Galesiya 5:15

Arile, i buku none aha anya ka buku mwi amekes isi i tiri ari ari, bale aha kudu aliy. Idah kameh aha bokoro-ei ndrokowa aha, ma aha andra-i mara-ei.

Tarou ta Luk 18:14

“Jo katiye tado kamwenen, iy Parasi, bwai, arile ndramak ta akohok luk ta takis dah kameh iu i hamon i asiu tan, ma iy kameh udu mwasin ta mada Kindrei. Eme ya i buku none, are lau atudun iy le, idah kameh, iy ari nyaran bwe, ya i buku none are lau batudun iy bwe, idah kameh nyaran i tinan.”

Kolosi 3:8

Arile, na dah badeh, aha karuwani iri kandriyen marakon doh: Aha sandra-i sala hawe iri lau rayah ja, ma samekes losen sasahan, o, ndrinem andra-i ili tiri mwan ma badih rayah ja. Ma aha sasondrokonya iri na sahou ndra-in.

2 Korin 12:20

Tasah, jo inoh sese, ma jo abudon i buku doh, kora-on jo kewek ma katawei aha bala buku ndramak nane jo anya kanyolom ja bwe. Ma kora-on aha ale anya kanyolom jo bala buku ndramak nane aha anya kanyolom. Kora-on jo katou iri kandriyen solo-an doh udu ndrokowa aha. Idoh kandriyen ta tebelese sahou, ma kandriyen ta ndrinem irih i tiri lau rayah ja, ma kandriyen ta amekes lakou laleyah, buku aluhe, sondrokonya, batun boto-on, ma kandriyen ta bolowa lakou laleyah.

1 Korin 3:3

Tasah, aha an hamon ta kandriyen ndra-in ta kon munyak dah kahis. Handru, kandriyen ta ubun, ma ndrinem ibolosen ili ta nadu tinem ari ja, ma tebelese udu ndrokowa aha kahis. Eme ma kandriyen aha amekes doh, leheya i buku handru, kandriyen taha badeh, ihis kahis hawe iri lau badu kon munyak.

1 Korin 15:9

Jo badeh, nadu bwisik labai udu bolo iri aposel. Jo asehek i buku doh, tasah jo bwena mene amekes bahun ma adai iri lau ta Kindrei. Idoh le bwidiy, eme, udu budon tek anya, jo nadu bwisik labai ta aha aloh jo buku aposel.

La-ukei ta Pol atorou ili tiri lau badu kon Rom 13:13

Ma eme taha katondrok tekedek tataha kudu mwasin i buku none lau manyah ado bolo an na len; sala buku none taha ka-un gwa boto-on ma bwidi batu taha asahan lolo-ou, ya taha asehek sahou laleyah, ma amekes karei ma madasarah, ma samekes bahun hawe samekes madalakis sala ta ndramak ari ari, ndri-iy.

La-ukei ta Pol atorou ili tiri lau badu kon Rom 2:8

Arile, iri lau rayah ja aseken le budon tiri le, ma iri baseken sahou handru bwe, ya iri an hamon ta kandriyen ndra-in, iri kameh bwese maha-an hawe losen ta Kindrei.

Kolosi 3:12

Aha badeh, lau ta Kindrei; iy aso-ok aha labai, ma iy ndrandrei aha ndrasahan iri lau tan amwenen. Eme ma, aha badeh, ka-en hamon ta kandriyen buku: Aha katikisi iri lau mwan ma badih marakon, ma kamekes mwasin kili tiri. Aha badeh, katehei so-ok ta bada aha ki-iu kili andri, ma amekes kandriyen kamunum le kili tiri mwan ma badih, ma kalelei iri kamekes ndra-in kewek taha.

1 Pita 3:8

Sahou tek anya kano kere dan ai. Arile, aha badeh, ndrokowa aha ma manyah taha kudu mwasin. Aha kaso-ok ndramak ari ja, buku none nadu tinem amwenen. Aha katikisi ndramak ari ja, ma aha karuwani iri kandriyen ta bar ndra-in.