Pilipai 2:1 - Nyindrou

^1-2 Ado mesekei jo sekesek tinan labai ta kandriyen mwasin tado. Kandriyen ta budon tado badeh, i randra le, ma kandriyen tado ta aseben ndramak ari ari. Ma hawe ado nono-ou ta bolo manyah bwe, ado manyah mwasin le ta budon randra le. Tasah, ado mene Krais mesekei ado abadok na len ado aseken ta aliy. Ma iy atamar ado, ma leheya iy eme lewan, ta iy badeh, aseken ado. Eme ya, na Malawin Ndrabun udu ta Krais ta amekes lahou tan badeh, udu tado ale. Ma hawe ndrine ado aseken ado ari ari, ma hawe ado tikisi ado ari ari. Ya eme kandriyen mari doh badeh, ado amekes ndra handru le, eme mesekei jo sekesek laba tinan labai tado ta bolo tekedek tado doh.

Pilipai 2:1 Referans Kwoze

Kolosi 3:12

Aha badeh, lau ta Kindrei; iy aso-ok aha labai, ma iy ndrandrei aha ndrasahan iri lau tan amwenen. Eme ma, aha badeh, ka-en hamon ta kandriyen buku: Aha katikisi iri lau mwan ma badih marakon, ma kamekes mwasin kili tiri. Aha badeh, katehei so-ok ta bada aha ki-iu kili andri, ma amekes kandriyen kamunum le kili tiri mwan ma badih, ma kalelei iri kamekes ndra-in kewek taha.

1 Jon 4:12

Ari ndramak batou Kindrei bwe le, arile buku none taha aso-ok ndramak ari ja, Kindrei ereu hawe taha, ma so-ok tan kameh asahan eme lewan in bolo kandriyen tataha ta aso-ok ndramak ari ja, i buku le Kindrei aso-ok taha.

2 Korin 13:14

Jo asalom, buku Laban Jises Krais kameh amekes kandriyen mwasin handru owek taha, ma Kindrei kameh aso-ok aha labai, ma Malawi Ndrabun ale kameh ihis udu ndrine aha mara-ei.

Kolosi 2:2

Jo amekes gok boto-on, tasah jo aso-ok ndrine aha kabadok ma aha katukum ka-en hamon ta kandriyen ta aso-ok labai iri nadu tine aha iri mwan ma badih ta Kindrei. Jo badeh, amekes gok boto-on labai, ma idoh kameh atadau budon taha, ma aha winiyan atanan kati sahou aton handru ta Kindrei. Krais amwenen badeh, kati sahou aton.

1 Korin 12:13

Handru, taha rayah badeh, Juwis, ma rayah bwe. Taha rayah badeh, bonyo-ou, ma taha rayah badeh, bwe. Arile, Malawin Ndrabun ndratehei taha mara-ei ndrala ndrahis ta bada Krais le ari. Iy amekes doh bwena, kala taha mene alomwa taha na Malawin Ndrabun ari le nane, eme ma, Kindrei tiye iy ta eme ndrine taha mara-ei.

Galesiya 5:22

Arile, Malawin Ndrabun badeh, edeu kandriyen ta tikisiy, kandriyen ta sekesek, kandriyen ta amekes mondrei, kandriyen ta bohon bwe, kandriyen ta aseben, kandriyen mwasin hawe kandriyen ta amekes lahou mwasin ta budon tan handru,

Galesiya 4:6

Eme ma Kindrei suni Malawin Mwasin ta nadun Jises eme udu ndrine taha ari ari, tasah taha ndrasahan nadun. Eme ma iy bwidi taha aloh i ta Kindrei i buku doh, “Tama, tama.”

Aposel 4:32

Eme iri lau ta Kindrei, budon tiri hawe ndrine iri i le ari. Iri mari badeh, bamekes ndrakok bala ta sanuw tiri bwe. Arile, iri mari badeh, anyohan lakou tiri, i tiri ari ari.

1 Jon 3:24

Iri lau ale anuhun sahou batanau tan, iri an hawen, ma iy in hawe iri. I buku sah handru taha winiyan atana taha, buku none sahou doh handru? Kindrei ndratehei Malawin Ndrabun ndrame la-u taha, ma Malawin Ndrabun doh leheya taha, buku none Kindrei in hawe taha.

Tarou ta Jon 17:13

Na len dah jo ewek hawem, arile jo udu ndra kon munyak kahis, jo asehek iri lakou dah ili toro, ta sekesek tek tinan kirek ndrine oro.

1 Jon 4:16

Eme ya, taha ndratana taha, ma taha atehei budon boto-on in ta tikisiy hawe seken ta Kindrei eme tataha. Kindrei badeh, kati lahou handru ta aso-ok lau mari, ya buku none are lau aso-ok nadu tinen ari ja, iy kameh ereu hawe Kindrei, ma Kindrei ereu hawen.

Pilipai 3:3

Eme ya ado satehei budon tado handru sa-en toro, tasah oro asan ku-i oro, eme oro anya, i san doh kameh mesekei oro asahan lau ta Kindrei, arile bwe. Arile, taha lau ala atehei budon tataha handru i ta Kindrei bala san doh bwe, taha asahan lau ta Kindrei i san ta taha ruwani ta amekes kandriyen ndra-in. Ma taha atudun Kindrei i san ta Malawin Ndrabun, hawe taha ale sekesek i le ta Krais ta lakou mene iy mesekei eme tataha. Ya eme taha batehei boto-on ta taha bala ta kandriyen ta lahou badu bada taha amekes, bwe. Idoh badeh, ndrano ndra-au.

1 Korin 3:16

Aha marakon ndratanan ndramwenen ta aha badeh, asiu ndrabun handru ta Kindrei, ma Malawin Mwasin tan in hawe aha.

La-ukei ta Pol atorou ili tiri lau badu kon Rom 8:26

Ya eme i le buku aliy, na len taha nyamu taha bwe badeh, Malawin Ndrabun eme aseben taha. Tasah, taha tana taha san ta amekes salom ki buku sah bwe, taha aden le udu ndrine taha na sahou rayah taha winiyan basehek na boho taha bwe; arile i buku none taha aso ta asehek sahou badeh kameh, Malawin Ndrabun le i nyara boho taha ndremenya Kindrei ta aseben.

La-ukei ta Pol atorou ili tiri lau badu kon Rom 5:5

Handru, taha atondrok Kindrei ta aseben taha. Taha winiyan babe-en laleyah bwe, winiyan bwe-en! Tasah, Kindrei ndratehei Malawin Ndrabun ndrame. Eme ma Malawin Ndrabun ndranyuhi kandriyen ta Kindrei ta aseken labai iri lau ndrame ndrine taha.

Aposel 2:46

Ma len mari badeh, iri atukum ala bolo asiu tinan ta Kindrei. Ma iri badeh, ado kon tiri abo-os jabi ramen ma aimon amunum le ma sekesek,

1 Pita 1:2

Ma mwena handru badeh, Kindrei tama taha, iy ndratanan aha, ma iy ndramesekei aha ndrasahan iri lau tan handru. Malawin Ndrabun ndrasebenei aha ta adeu koha aha mari i ta Kindrei, ma bwidi aha ndrasahan randrah labai ja. Ya aha winiyan an hamon ta sahou handru ta Jises Krais. Ya iy kameh winiyan sikine kandriyen ndra-in taha na ndraye Jises mene amou udu bada kei tondreh. Jo aso-ok Kindrei badeh, kabwidi ndrine aha kamwenen ma kudu le kudu mara-ei.

Hiburu 6:18

Sahou ma tandrakan, lakou ma la-uh doh winiyan batubuniy bwe, ma Kindrei ale winiyan bawendreya bwe. Ya, lakou ma la-uh doh bwidi ndrine taha abadok ta sakaliye ala hawe Kindrei ta aton are bahandra tondrok tan. Eme ma taha katawiy kihis kudu budon tataha, iri lakou nane iy ndratandrakan ta edeu eme tataha.

Pilipai 1:8

Kindrei badeh, tanan jo badeh ndrinek eden handru ta udu hawe ado, idoh bala wasai bwe. I buku le Jises Krais aseken ado.

Epesus 4:4

Taha lau ta Kindrei i buku bada taha ari le, ma Malawin Ndrabun ari le udu aliy. Ma udu aliy ale lakou ari laba tinan taha marakon atondrok ta akohok udu kandrah. Lakou doh, Kindrei aloh taha ta akohok hawe iri mwan ma badih tan.

2 Korin 2:14

Arile, jo baradeu wurah barala ta Kindrei adeh. Tasah, len marakon iy badeh, atehei ahi ala kon rakon, rakon ta atiye lahou tinan, Krais ndrabwidiy ta akohok ahi ame hamon ma amekes ahi asahan lau tan handru. Ehe, buku manahu buburen asahan, ma jor aluhiy iu ili bolo kon marakon, i buku le tekedek tahi aseben iri mwan ma badih marakon akohok tanan ta Kindrei.

1 Korin 15:31

Aha nadu tine mwan ma badih, na bolo len marakon jo atona iri lau anya kadi jo kimek ki-iu. Jo asehek sahou handru! Arile, jo sekesek tinan labai ta gok mene jo amekes ta akohok aha ame hawe Jises Krais, eme ma, jo asehek iri sahou dah.

Tarou ta Jon 14:27

“Mondrei jo ruwani ndrado hawe ado badeh, mondrei tek amwenen. Jo badeu bala buku kon munyak edeu bwe. Aha satikisiy, aha sabudon solo-an ma aha sanoh.

Tarou ta Jon 14:18

“Buku jo iu, ado kameh winiya barah bwe. Jo kameh eme hamon eme hawe aha ja.

Tarou ta Luk 2:25

Eme ndramak ari badu Jerusalem nyaran Simiyon badeh, udu aliy. Iy badeh, mwasin handru ta mada Kindrei ma iy inoh Kindrei labai. Ya iy badeh, Malawin Ndrabun udu tan, ma iy abe-en len ta seben ta lau badu Isra-el kameh asahan.