Pilipai 1:8 - Nyindrou

⁸ Kindrei badeh, tanan jo badeh ndrinek eden handru ta udu hawe ado, idoh bala wasai bwe. I buku le Jises Krais aseken ado.

Pilipai 1:8 Referans Kwoze

Pilipai 4:1

Ado nadu tine ta budon handru badu hawek i san ta Kindrei. Ado badeh, jo winiyan bakahei ado bwe! Ya jo aseken labai ta kudu hawe ado! Tasah, ado badeh, ndra ari buruwen hawe Krais Jises, ma eme kandriyen tado doh, mesekei jo sekesek labai hawe jo masiye ado handru! Tasah, na ado aseben jo, lahou tek udu ndrokowa ado ba-au laleyah bwe. Eme ya ado nadu tine badu hawek i san ta Kindrei, ado samani sahou tek jo atorou ma asehek ewek tado mene doh. Ado kales boto-on ta budon handru tado i ta Laban. Ma ado badeh, budon tado ki randra le.

La-ukei ta Pol atorou ili tiri lau badu kon Rom 1:9

Aha ndranyolom ai, sahou mene jo asehek i taha badeh, handru, ya Kindrei badeh, tanan. Kindrei le doh badeh, jo atehei ndrinek mari i tan, ma atudun iy, ma jo edek ta atiye sahou mwasin ta nyala nadun. Ma Kindrei tanan, jo badeh, balek bamani aha bwe na len mari

2 Timoti 1:4

Jo asolom ili ta Kindrei badeh, jo abudon ale ta len mene jo ruwani ou, ma wa-i madam mene iroh en. Eme ma, jo anya kanyolom ou ja, ma jo kameh sekesek labai.

1 Tesalonaika 2:8

Tasah, aso aso-ok aha labai, eme ma aso anya kasehek nyala aha ta sahou mwasin ta Kindrei le bwe, arile ahi mara-ei badeh, ndralokowani ahi ale ta amak, ta aseben aha. Tasah, aha badeh, mwasin labai ta mada aso.

La-ukei ta Pol atorou ili tiri lau badu kon Rom 9:1

Jo badu hawe Krais. Eme ma, sasah jo asehek dah badeh, wasai bwe, handru. Malawin Ndrabun atondrok bolo budon tek mari ma tiye tek, ta jo badeh, bawasai bwe.

Pilemon 1:12

Ya, eme jo kameh suni iy ewek hamon ewek hawem ja, ma hawe ndrinek kameh udu hawen ewek.

Kolosi 2:1

Jo Pol, jo aso-ok aha katanan lakou dah: Jo badeh, ibo gok boto-on labai ta aseben aha mwan ma badih badu Kolosi, ma iri mwan ma badih badu Leyodisiya, hawe iri mwan ma badih rayah ale banyolom madak bwe le.

Galesiya 4:19

Eme ya, aha naduk, jo atona isi, ma jo tikisi aha laba tinan labai, i buku isi ta badih anya kedeu nah udu ndrinen eme len. Tasah, len mari jo tikisiy ma abudon aha, ma atondrok kandriyen ta Krais handru barawek ndrine aha.

Galesiya 1:20

Sahou marakon jo atorou ewek taha dah badeh, ndra handru le ai. Jo bawendreya aha bwe. Kindrei tanan saba lakou jo asehek.

2 Korin 7:15

Taitus asahan hawe aha, ma aha anoh ma totoreh, eme ma aha andrei iy ewek hawe aha ma anuhun sahou handru udu bohon. Eme ma, aha a-en hamon tiri lakou marakon nane iy tiye aha ta amekes. Iy abudon i hamon ja, ma iy aso-ok aha tinan labai.

2 Korin 6:12

Ahi batone ndrine ahi taha bwe. Ahi badeh, aso-ok aha tinan labai. Aha amwenen badeh, tone ndrine aha, ma taha bado mwasin bwe.

Tarou ta Luk 1:78

Tasah, ta tikisiy mwasin ta Kindrei tataha, iy kameh mesekei lomadan ta aseben kameh eme loke la-u taha.

1 Jon 3:17

Arile, buku none are lau tan lakou badu kon munyak solo-an in aliy, ya iy atou nadu tinen ari ja tan lakou bwe, ma manyah tan udu ndra-in, ya iy batehei budon ta aseben nadu tinen ari nane ja bwe, iy sasehek anya, “Jo aso-ok Kindrei handru.” Iy badeh, lau ta wasai handru. Tasah, tikisiy ma so-ok ta Kindrei bareu ndrinen bwe.

Pilemon 1:20

Ya, idoh handru. Eme ma ta nyara Laban, jo aseken ou amekes lakou badeh, keme tek. Talu ma la-uh ndrasahan lau ta Krais, ya ta kandriyen le doh, ou bwidi ndrinek sekesek labai.

1 Tesalonaika 2:5

Sahou dah badeh, handru. Aha marakon tanan, aso badeh, basehek sahou taso ta atamas aha bwe. Kindrei ale tanan ndrine aso, ma aso bamekes gok dah ta tone kandriyen ta madalakis udu bolo ndrine aso amwenen, bwe.

Kolosi 3:12

Aha badeh, lau ta Kindrei; iy aso-ok aha labai, ma iy ndrandrei aha ndrasahan iri lau tan amwenen. Eme ma, aha badeh, ka-en hamon ta kandriyen buku: Aha katikisi iri lau mwan ma badih marakon, ma kamekes mwasin kili tiri. Aha badeh, katehei so-ok ta bada aha ki-iu kili andri, ma amekes kandriyen kamunum le kili tiri mwan ma badih, ma kalelei iri kamekes ndra-in kewek taha.

Pilipai 2:26

Iy kameh ewek hawe ado, tasah iy tikisiy ma kohan apwe ado ma anya katou ado mari. Eme iy tanan ado mene ndranuhun iy ibo sik.

Pilipai 2:1

Ado mesekei jo sekesek tinan labai ta kandriyen mwasin tado. Kandriyen ta budon tado badeh, i randra le, ma kandriyen tado ta aseben ndramak ari ari. Ma hawe ado nono-ou ta bolo manyah bwe, ado manyah mwasin le ta budon randra le. Tasah, ado mene Krais mesekei ado abadok na len ado aseken ta aliy. Ma iy atamar ado, ma leheya iy eme lewan, ta iy badeh, aseken ado. Eme ya, na Malawin Ndrabun udu ta Krais ta amekes lahou tan badeh, udu tado ale. Ma hawe ndrine ado aseken ado ari ari, ma hawe ado tikisi ado ari ari. Ya eme kandriyen mari doh badeh, ado amekes ndra handru le, eme mesekei jo sekesek laba tinan labai tado ta bolo tekedek tado doh.

2 Korin 13:9

Aliy, ahi nyamu ahi o bwe, arile, buku aha ales boto-on ta budon taha kahis, ahi kameh sekesek labai. Ma, len mara-ei kameh ahi asalom ili ta Kindrei, ta aha winiya asahan lau tan boto-on labai.

Galesiya 3:26

Aha mari atehei budon taha handru in ta Krais Jises. Ya, na kandriyen doh, aha asahan nadu Kindrei, ma aha ahas hawe Krais.