Pilipai 1:10 - Nyindrou

¹⁰ Ya eme san le doh kameh ado winiyan atana ado, ta saba kandriyen mwasin handru, i buku sah ta bolo kandriyen mari. Ma hawe lau kameh winiyan tiye ado ta asehek sahou handru, ma winiyan batiye ado ta aliy bwe, winiya le len ta Krais barasahan.

Pilipai 1:10 Referans Kwoze

La-ukei ta Pol atorou ili tiri lau badu kon Rom 12:2

Ma aha sa-en hamon ja ta tekedek ndra-in tiri lau badu munyak dah amekes, ndri-iy. Arile aha kasokosowei budon ndra-in ki-iu na budon mwasin ta Kindrei. I buku none aha a-en hamon ta aliy, idah kameh, aha takalahei seken ta sasah Kindrei anya aha kamekes. Ma iy kameh sekesek, tasah, sasah iy tiye aha ta amekes badeh, ndra amwenen le.

1 Tesalonaika 3:13

Buku aha amekes i buku doh, Kindrei kameh winiyan atadau ndrine aha ma manyah taha amwenen. Ma hamon ta len doh, Laban Jises tataha kameh eme hamon ja, hawe iri lau tan marakon. Idah kameh ndrine aha udu mwasin mara-ei, ma aha ari ndra-in ta mada tama taha Kindrei ja bwe.

1 Tesalonaika 5:23

Ahi aso-ok Kindrei labai. Iy badeh, kati kandriyen mwasin marakon, iy amwenen winiyan amekes aha asahan ha-un, ari kandriyen ndra-in ja bwe. Ma Kindrei winiyan atehei aha, tan amwenen. Handru, iy winiyan atondrok malawi aha, koha aha, ma bada aha, ma aha kameh are mwasin mara-ei. Eme ma ari ndra-in winiyan bare madan bwe, na len Laban tataha Jises Krais eme hamon ta akohok taha ja.

La-ukei ta Pol atorou ili tiri lau badu kon Rom 2:18

Ou badeh, tanam sasah Kindrei aseken ou amekes, ma ou badeh, ndratanan udu bolo batanau malen ta aleben lakou mwasin.

Epesus 5:10

Ma, aha kabadok ta atanan iri kandriyen, ta Laban aso-ok, ma aha ka-en hamon ta aliy.

1 Jon 4:1

Wurah lomada aha kawas tek ta Kindrei, iri propet solo-an ta wasai ndradek bolo kon munyak, aha satehei budon taha boto-on sala ta sahou tiri mari aha anuhun, ndri-iy labai. Lau solo-an kameh anya, “Kindrei atehei sahou tan eme tek ta asehek ewek taha.” Arile, aha kanyolom ma kanuhun sahou kamwenen, kora-on sahou doh ta Kindrei bwe, ya iy sawendreyani aha.

Pilipai 1:6

Tasah, jo badeh, tanan i mwasin handru ta aliy, ta Kindrei mene mesekei lahou udu bolo ado, ma ado a lau tan, winiya le barano na len ta Krais Jises kameh eme hamon ja.

1 Tesalonaika 5:21

Aha badeh, kaleben iri sahou aha anuhun badu boho iri lau, ma aha katawiy kihis, ma ka-en hamon tiri lakou mwasin.

1 Korin 1:8

Iy le kameh tondrokei aha ado mwasin ili winiya le len hamon. Buku len doh Jises Krais eme hamon ja ta anuhun sahou tataha, ari ndramak winiyan basehek taha ta lakou ndra-in ja bwe.

Rebelesen 2:2

Jo badeh, ndratanan mara-ei ndrano ta iri kandriyen mara-ei nane aha lau ta Kindrei badu Epesus amekes, ma ta sa-ar ta gok taha mara-ei ano. Jo tanan, aha badeh, ales boto-on labai tiri maha-an asahan taha, ma aha bwale aha iri lau ndra-in. Iri badeh, tiye aha i buku doh, “Ahi aposel ale.” Arile, iri aposel bwe. Ma aha ndraseleyani sahou tiri, ma aha ndrasilahei kati kandriyen mara-ei iri amekes. Eme ma, aha ndratanan ai, iri lau ta wendreya le.

Epesus 5:27

Tasah, iy anya kamekes iri mwan ma badih ta Kindrei kasahan mwasin handru ta madan, ma iri kameh ari ndraka-an, ma ari bakuwa, ma iri lakou buku doh bwe. Iri kameh asahan lau ta Kindrei, ma ari ndra-in bwe.

Tarou ta Jon 1:47

Jises anyolom Nataniyel edek ales eme hawen. Iy eme asehek, “Iy ndramak eme dah badeh, iy ndramak ari handru badu Isra-el, iy tanan wendreya bwe!”

Metiu 16:23

Arile Jises tubuni iy ma iy asehek ta Pita i buku doh, “Satan, ou a len a konak! Ou anya aturuk san tek. Ou ba-en hamon ta budon ta Kindrei bwe. Ou a-en hamon le ta budon tiri lau.”

2 Korin 1:12

Budon tahi atona sahou dah handru, ma ahi sekesek ta lakou dah: Ta lakou marakon ahi mene amekes ili tiri mwan ma badih badu kon munyak dah, ahi mene a-en hamon ta kandriyen mwasin, ma kandriyen handru. Ahi ba-en hamon ta tanan mene ahi akohok tiri mwan ma badih badu munyak dah bwe. Tikisiy ta Kindrei le mene aseben ahi, ma ahi amekes i buku aliy. Ma ahi mene amekes kandriyen doh ili le kala ahi abo gok hawe aha mwan ma badih badu Korin.

La-ukei ta Pol atorou ili tiri lau badu kon Rom 12:9

Ou badeh, leheya kandriyen ta tikisiy ki handru. Ou ruwani kandriyen ndra-in ta balik; ya ou tawi kandriyen mwasin kihis.

La-ukei ta Pol atorou ili tiri lau badu kon Rom 8:7

Ya, are lau atehei karei ma lomondra ndra-in udu bolo budon tan badeh, kameh mesekei le bahun hawe Kindrei. Tasah, are lau amekes kandriyen i buku doh, iri lau doh badeh, batehei oro bala bahandra tondrok ta batanau malen ta Kindrei bwe, ya iri winiyan ba-en hamon ta batanau tan bwe.

Metiu 26:33

Pita asumon iy i buku doh, “Buku none oro mari atou lakou asahan tam, ya oro anoh ma aseker, jo kameh winiyan baruwani ou bwe.”

Jenesis 20:5

Abraham tiye badeh anya iy nadu tinen, eme Sara ale tiye i buku aliy. Jo mwesekei doh badeh budon tek bandra-i bwe ma jo bamwesekei ari lakou ndra-in bwe.”

Pilipai 1:16

Eme ya oro nane ndrine oro mwasin ma oro aseken jo, tana oro, ta jo udu bolo kou kada-ah badeh, ta jo tiye sahou ta nyala Krais badeh, handru.

Epesus 6:24

Jo aso-ok Kindrei kamekes kandriyen mwasin kili tiri mwan ma badih nane baruwani kandriyen ta aso-ok handru, Laban tataha Jises Krais.

Epesus 4:15

Taha kaso-ok iri mwan ma badih, ma kasehek le sahou handru. Buku taha amekes i buku doh, taha kameh asahan boto-on handru, ma ahis handru hawe Krais, iy udu bwele-e taha mwan ma badih.

Galesiya 5:11

Aha nadu tine, buku jo amekes sahou ta leheya aha lau mwan ma badih ta Kindrei ka-en hamon ta batanau malen tiri Juwis ta asan ku-i aha; iri Juwis kameh winiyan bamekes kandriyen ta bokoro-ei jo bwe. Arile, jo baleheya aha bala buku badeh, bwe. Eme ma iri abo gok ta bokoro-ei jo le ai. Ma ndrine iri badeh, irih tek kahis, tasah jo badeh, asehek ta nyala kei tondreh mene iri tatahi Jises Krais udu aliy.

2 Korin 8:8

Jo batiye ta aha katukum luk ma kadeu bwe. Jo asehek ta gok dah, iri lau ta Kindrei mwan ma badih badu kon tinan Masadoniya, iri sekesek ta amekes. Tasah, jo anya kanone aha, ma jo anya ki tanan tikisiy taha handru, o boho aha le.

2 Korin 6:3

Ahi aposel badeh, baso-ok iri mwan o badih kameh bobose gok tahi dah bwe. Eme ma, ahi ba-en hamon ta kandriyen nane ale amekes iri mwan o badih andra-i ma tebelese hawe ahi bwe.

2 Korin 2:17

Ahi aposel badeh, bala buku iri lau solo-an ala rakon, rakon ta atiye sahou ta Kindrei bwe. Iri amekes i buku doh ta ariu luk tiri mwan ma badih rayah, ma iri winiyan ado mwasin. Ahi aposel badeh, bwe. Ahi akohok gok dah badu mine Kindrei amwenen, ma ahi bawendreya laleyah bwe. Ndrine ahi badeh, udu mwasin hawe Krais, ma ta mada Kindrei ahi badeh, atiye amwenen iri sahou tan mene iy edeu eme tahi.

1 Korin 10:32

Aha katehei budon taha kili tiri Juwis ma iri Grik, ma iri lau mwan ma badih ta Kindrei. Ma, aha samekes ari lakou ja ta amekes budon tiri taku ili ta kandriyen ndra-in ta balik.

1 Korin 8:13

I buku iri nyamon nane jo aimon doh ili bwidi nadu tinek ari ja taku ili bolo iri kandriyen ndra-in, mwasin ta jo kabeles jo saimon iri nyamon doh, winiya le jo imek. Bwe kameh jo kabwidi nadu tinek rayah ja kataku kala ta kandriyen ndra-in.

La-ukei ta Pol atorou ili tiri lau badu kon Rom 16:17

Ya eme aha nadu tine, jo tiye sahou batanau doh ewek taha i buku doh: Aha badeh, mada aha kaleu tiri lau ta orou bolo lau andra-i ma ano lau aseker. Iri lau doh ta leheya tanan ta wasai bamwenen ta leheya mene aha ndrakohok bwe. Iri kameh aluwi aha rayah kameh ame len ta leheya handru mene. Aha kateleya oro;

La-ukei ta Pol atorou ili tiri lau badu kon Rom 7:22

Ya udu bolo budon tek jo abudon anya batanau malen ta Kindrei badeh, mwasin, ya eme taha kasekesek ma ka-en hamon le ta aliy;

La-ukei ta Pol atorou ili tiri lau badu kon Rom 7:16

Eme ya, i buku none jo amekes sasah nane jo bwalek ta amekes badeh, kandriyen tek doh leheya buku budon tek anya ki-in hamon ta sahou batanau malen asehek ta aliy ai.

Aposel 24:16

Eme ma, na len mari, jo aseken budon tek badeh, kaleu, ma jo ki-in hamon ta kandriyen mwasin ta ere mada Kindrei, ma hawe iri lau badu munyak.

Tarou ta Jon 3:20

Lau marakon amekes kandriyen ndra-in, iri baso-ok sun bwe, ma iri winiyan bame mirihik ta sun bwe. Tasah iri anoh, kora-on kandriyen tiri ndra-in kasahan keme lewan.

Pilipai 2:16

Idoh tiye tanan toro ta Kindrei badeh, winiyan sebenei koha oro udu le buku doh. Eme ya, i buku none ado amekes i buku doh kameh mesekei jo winiyan atudun ado na len ta Krais eme hamon apou taha. Tasah, idoh kameh mesekei ado asahan randrah labai, ta leheya lahou tek ewek tado badeh, bala laleyah bwe.