Pilipai 1:1 - Nyindrou

¹ Aru ma la-uh badeh, lohowan ta Krais Jises, jo Pol hawe Timoti. Jo Pol atorou la-ukei dah badeh, hawe budon ta Timoti ale in se hawek, ta ewek tado lau mari, budon tado ihis in ta Krais Jises, ma ado lau ta Kindrei, ado kon Pilipai badeh. Ma hawe i toro lau ta batun ta Kindrei, ma hawe i tiri lau badu ndrokowa ado, ta aseben iri lau ta Kindrei.

Pilipai 1:1 Referans Kwoze

2 Korin 1:1

Jo Pol, jo aposel ari ta Krais Jises. Ta so-ok ta Kindrei le amwenen, iy atehei jo asahan aposel. Jo hawe nadu tine taha ari Timoti, aru mala-uh atorou la-ukei dah ewek taha mwan ma badih ta Kindrei are kon Korin, hawe iri mwan ma badih ta Kindrei marakon are loboho kon munyak tinan Akaya.

La-ukei ta Pol atorou ili tiri lau badu kon Rom 1:1

Jo Pol, jo badeh, lohowan ta Krais Jises. Jo ale aposel, Kindrei tiye jo, ma aloh jo eme ta atiye sahou tan mwasin.

Taitus 1:1

La-ukei dah badeh, jo Pol atorou. Jo badeh, Kindrei le tiye jo asahan lohowan tan, ma tiye jo asahan aposel tan ta atiye sahou badu boho Jises Krais. Kindrei amekes doh badeh, ta jo kaleheya oro lau tan badeh, katehei budon toro handru ki-in hamon ta budon handru. Ma hawe jo kaleheya oro kaleu handru ta tanan ta Kindrei. Ya eme na tanan handru ta Kindrei doh badeh, winiyan leheya oro ta manyah mwasin i buku seken ta Kindrei.

1 Timoti 3:8

Ya oro lau ta seben badu bolo iri lau ta Kindrei badeh, kandriyen toro ki mwasin labai, ma oro badeh, sala ndramak ta wasai. Oro sa-un gwa boto-on solo-an, iri aloh waen, ma oro samekes ndrakok ta luk toro.

2 Tesalonaika 1:1

Jo Pol, jo atorou la-ukei dah. Sailas uru Timoti badeh, are hawek ale. Eme ma, aso ma taloh atehei la-ukei ramen dah ewek taha lau mwan ma badih ta Kindrei are bolo kon tinan Tesalonaika.

1 Tesalonaika 1:1

Jo Pol, jo atorou la-ukei dah. Sailas uru Timoti badeh, are hawek ale. Eme ma, aso ma taloh atehei la-ukei ramen dah ewek taha lau mwan ma badih ta Kindrei are bolo kon tinan Tesalonaika. Aha lau mwan ma badih ta tama taha Kindrei, aso aso-ok Kindrei hawe Laban Jises Krais, uru katikisi aha, ma ndrine aha kudu mwasin.

Epesus 1:1

Jo Pol, jo aposel ari ta Krais Jises. Na so-ok tan amwenen, Kindrei atehei jo buku ari aposel, ma jo edek rakon, i rakon ta atiye sahou mwasin ta Jises Krais. Jo atorou la-ukei dah ewek taha mwan ma badih ta Kindrei, aha are kon tinan Epesus. Aha badeh, a-en hamon handru ta Krais Jises, ma aha ahis hawen.

La-ukei ta Pol atorou ili tiri lau badu kon Rom 1:7

Eme ya, jo Pol amwenen atorou la-ukei dah badeh, ewek taha lau mwan ma badih mari badu Rom, ala mene Kindrei aseken aha labai, ma ndraluwi aha mari ndrasahan lau tan amwenen. Ya eme ma, jo aso-ok tama taha Kindrei ma hawe Laban Jises Krais, katehei tikisiy ma mondrei tan kudu taha.

2 Pita 1:1

La-ukei dah, jo Saimon Pita amwenen atorou ewek tado. Jo badeh, lohowan ma aposel, batun ari, Kindrei suni jo ta atiye sahou ta Jises Krais ili tiri lau tan. Jo atorou la-ukei dah, ewek tado lau mari ta budon handru i ta Jises Krais ado badeh. Tasah, Jises Krais badeh, iy ale Kindrei tataha ma hawe iy ndramak ta aseben taha. Iy abudon ta amekes taha badeh, kakohok budon mwasin handru i randra le, eme ma iy amekes ado asahan lau ta budon handru i le buku aso.

Jemis 1:1

Jo Jemis, jo ndramak ta lahou ta Kindrei hawe Laban Jises Krais. Jo atorou la-ukei dah ma edeu sekesek tek ewek taha mwan ma badih mari badu boho kamen ma ronoh la-uh badu Isra-el aseker areu bolo kon munyak mara-ei nane dah.

1 Timoti 1:2

Jo atorou la-ukei dah i tam Timoti, ou naduk handru i san ta budon handru: Tikisiy ma mondrei ta tama taha Kindrei ma Krais Jises, iy Laban tataha badeh, kudu hawem.

Aposel 20:28

Ado badeh, katondrok ado kamwenen, ma hawe katondrok lau ta Kindrei mene Malawin Ndrabun atehei iri ado baha tondrok tado. Ado badeh, a buku lau ta atondrok sipsip, ado katondrok iri lau ta budon handru ta Kindrei, ala iy mene konohei iri na ndraye nadun amwenen.

Rebelesen 1:1

Sahou ale jo atorou dah badeh, mene bame lewan bwe, arile Jises Krais le amwenen bwidiy asahan eme lewan. Kindrei le amwenen edeu i ta nadun Jises Krais, ta iy kaleheya taha lohowan tan, ta se luwen bwe, iri lakou mara-ei doh kameh asahan. Eme, Jises amekes sahou dah i san ta ameh, iy eme suni angelo hawe sahou tan eme tek, Jon, jo lohowan tan, ma iy asehek kati ameh mara-ei doh.

La-ukei atorou Jut 1:1

Jo Jut, jo atorou la-ukei dah. Jo amekes lahou ta Jises Krais. Jo badeh, nadu tine Jemis. Jo atorou la-ukei dah ewek taha lau ta Kindrei, iy ndratehei kalem ndrawek taha ta asahan lau tan. Kindrei badeh, aso-ok aha labai, ma iy atondrok aha udu bolo iri maha-an solo-an, tasah Jises Krais atondrok aha.

1 Pita 2:25

Aha mene ndranyon buku none sipsip, ari ndramak ta tondrok iri bwe. Arile na dah, aha ndrame hamon hawe ndramak ta tondrok, ya iy kameh tondrokei malawi aha ma koha aha udu mwasin handru.

Taitus 1:7

Eme ya, ndramak ta atondrok iri lau ta Kindrei, hawe ta ateu lahou ta Kindrei badeh, kandriyen tan kudu mwasin, ta iri lau badeh sasehek iy. Ma iy badeh, sabudon anya, iy ndra ari ai. Ma iy badeh, sala ndramak ta ndrinen ato-ou suwi ta losen, ma hawe iy badeh, sala ndramak ta a-un gwa boto-on solo-an. Ma hawe iy sala ndramak ta akeh lim suwi, ma hawe iy sala ndramak ta ndrakok.

Hiburu 13:23

Jo anya kasehek tado i buku doh: Iri ndrandrei nadu tine taha Timoti ndrame manan ta asiu lulik. Buku iy asahan hawek suwi, idah kameh aru ma la-uh kameh awek ta anyolom aha.

2 Tesalonaika 1:10

Iri mwan ma badih doh kameh, ano mara-ei udu bolo len ta Krais eme hamon eme munyak ja, ma iri lau marakon ta Kindrei kameh atudun nyaran ta lakou marakon iy amekes ili tiri. Ya, iri lau marakon mene atehei budon tiri handru ndrala tan, iri kameh sekesek. Aha kameh i buku aliy ale. Tasah, aso mene tiye sahou ta Kindrei udu ndrokowa aha amwenen, ma aha atehei budon taha handru in ta sahou doh.

1 Tesalonaika 2:2

Aha marakon ndratanan, aso mene are Pilipai badeh, iri lau atikah aso, a-um aso, ma aso akohok sisi-in ma maha-an tinan labai ta aliy. Arile, Kindrei tataha ales udu hawe aso, ma atadau ndrine aso, ma aso barou bala hamon, ta bahun nane doh bwe. Aso abadok labai, ma adek ame hawe aha, ma asehek sahou mwasin ta Kindrei ewek taha.

Epesus 1:15

Jo ndranuhun sahou, ta aha atehei budon taha handru in ta Laban Jises, ma aha badeh, aso-ok iri mwan ma badih ta Kindrei labai.

1 Korin 16:10

Buku Timoti kasahan hawe aha, jo aso-ok aha kaseben iy, ta ndrinen kudu mwasin ta ndrokowa aha, ma iy sanoh. Tasah, iy amekes lahou ta Laban, i buku le jo amekes.

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”

Aposel 9:13

Eme Ananayas anya, “Laban, jo badeh, ndranuhun yoyou ta ndramak badeh, ma ndranuhun sisi-in iy amekes i tiri lau ta Kindrei ado Jerusalem.

Tarou ta Jon 12:26

Are lau iy anya kamekes gok tek, iy badeh, ki-in le hamon tek, eme ma kon heh jo udu aliy, iy kameh udu hawek ale. Buku are lau iy amekes lahou tek, tama kameh atehei lomadan tinan ili tan.”

Tarou ta Mak 13:34

Ya idah kameh, i buku none ndramak ari anya kedek kili kon ari leheleh, ya iy atehei iri lohowan tan atondrok ai, iy ari ari in ta lahou tan labai, iy ari ari in ta lahou tan labai. Ma iy tiye ta ndramak ta madasan badeh, madan kaleu.

Rebelesen 22:9

Arile, iy anya, “Ndri-iy, ou samekes! Jo Kindrei bwe! Jo ale amekes gok i buku le ou, ma hawe nadu tinem oro, iri propet, ma hawe iri lau anuhun sahou badu bolo buk dah ma a-en hamon ta aliy. Aha marakon katudun Kindrei le ari!”

Rebelesen 2:12

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Pegamum. Sahou i buku doh: ‘Jo tawi samen raho lawe-en, madan ma la-uh, ma madan, madan labai, ma jo suni sahou dah ewek taha.

Rebelesen 2:8

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Semena. Sahou i buku doh: ‘Jo ndra bwena, bwena labai, ma jo ndrobek handru. Jo mene imek, arile jo amak eme awas ja, ma jo udu kada-ah. Jo amwenen asehek sahou ewek taha dah:

Rebelesen 1:20

Ou ndranyolom ndrau ma ndro taloh udu minek salin ma hawe ndru-u sun ma ndro taloh ai. Idoh i buku sahou sokek le, arile moson ta aliy i buku doh: Ndrau ma ndro taloh doh i buku iri angelo atondrok lau ta Kindrei badu kon ma ndro taloh. Ya, ndru-u sun ma ndro taloh doh, i buku iri mwan ma badih ta Kindrei badu kon ma ndro taloh doh amwenen.”

Aposel 1:20

“Tasah, ndratorowenei udu bolo buk Wari badeh, tiye i buku doh: ‘Asiu tan badeh, kudu laleyah, ya ari ndramak sado aliy.’ Wari 69:25 Ma torowenei ale i buku doh: ‘Ya ndramak ari ki saluwen ta in bwena.’ Wari 109:8

Galesiya 1:10

Jo babudon solo-an ta budon tiri mwan ma badih bwe. Buku iri baso-ok jo bwe, jo ari sahou ta aliy bwe le. Jo ndramak ari ta atiye sahou handru, ma jo aso-ok Kindrei le amwenen kasekesek ta gok tek. Buku iri basekesek ta sahou nane jo asehek bwe, ndri-iy ai. Buku jo ndramak ari ta atamar le iri lau, jo winiyan basahan lohowan ta Krais bwe.

Galesiya 3:26

Aha mari atehei budon taha handru in ta Krais Jises. Ya, na kandriyen doh, aha asahan nadu Kindrei, ma aha ahas hawe Krais.

Galesiya 3:28

Eme ma, iri lau badu hawe Krais badeh, iri Juwis, iri lau badu leheleh, iri bonyo-ou ma iri bonyo-ou bwe, ma hawe iri mwan ma iri badih badeh, ari bala randrah, ari bala randrah ja bwe. Iri mara-ei doh badeh, asahan ari buruwen hawe Krais le ari.

Epesus 6:24

Jo aso-ok Kindrei kamekes kandriyen mwasin kili tiri mwan ma badih nane baruwani kandriyen ta aso-ok handru, Laban tataha Jises Krais.

Pilipai 2:5

Budon tado ki le buku budon ta Krais Jises.

Pilipai 2:19

Ya ta nyara Timoti, i buku none Laban Jises asumon eh, kameh jo suni iy ewek hawe ado udu gwek sese. Ya, i buku none iy eme hamon kameh, iy winiyan asehek nyalak ta bolo manyah tado, ma idah kameh mesekei ndrinek sekesek ta aliy.

Pilipai 3:3

Eme ya ado satehei budon tado handru sa-en toro, tasah oro asan ku-i oro, eme oro anya, i san doh kameh mesekei oro asahan lau ta Kindrei, arile bwe. Arile, taha lau ala atehei budon tataha handru i ta Kindrei bala san doh bwe, taha asahan lau ta Kindrei i san ta taha ruwani ta amekes kandriyen ndra-in. Ma taha atudun Kindrei i san ta Malawin Ndrabun, hawe taha ale sekesek i le ta Krais ta lakou mene iy mesekei eme tataha. Ya eme taha batehei boto-on ta taha bala ta kandriyen ta lahou badu bada taha amekes, bwe. Idoh badeh, ndrano ndra-au.

Pilipai 3:8

Ma laba tinan labai udu badeh, jo i tanan Krais Jises i Laban tek baden eh. Jo i tanan lakou mari doh bala se lakou bwe, iu laleyah. Eme na Jises le, jo kameh akahei iri lakou doh iu, tasah ari mwasin badu ta aliy winiyan basebenei jo bwe. Lakou doh ndra-au ma ndrano. Eme ya balek ki ta Jises le ma jo kihis hawen le.

Pilipai 3:12

Idoh ta tiye anya jo badeh, ndratanan Krais ndrala mwasin ai, bwe, ma jo ndramwenen labai ta mada Kindrei ai, bwe le. Arile, jo atadau jo boto-on ilih le kasahan mwasin tan. Eme ya jo abudon ta jo kasahan mwasin i buku Krais kasekesek ta aliy, i buku iy mene andrei jo.

Pilemon 1:1

Pilemon, jo Pol, jo atorou la-ukei ramen dah ewek tam. Ou badeh, kawas taso mwasin ma to amekes gok randra le. Jo badeh, udu bolo asiu lulik kada-ah, tasah jo atiye sahou mwasin ta Krais Jises ili tiri mwan ma badih. Timoti badeh, i buku nadu tine to, iy udu hawek kada-ah ale,