Pilemon 1:7 - Nyindrou

⁷ Ya, nadu tine, ou badeh, aso-ok labai iri mwan ma badih ta Kindrei, ta kandriyen ou amekes doh badeh, bwidi ndrine iri abadok. Eme ma jo sekesek tinan labai tiri kandriyen ou amekes, ma bwidi ndrinek amunum, udu le udu.

Pilemon 1:7 Referans Kwoze

2 Korin 7:13

Lakou le dah badeh, bwidi ndrine ahi amunum mara-ei, ma bwidi ahi sekesek tinan labai! Tasah, Taitus asehek tahi ta kandriyen aha amekes i tan, ma bwerei tan ano mara-ei.

1 Tesalonaika 3:9

Na bolo len mari badeh, aso asolom le ai, aso adeu wurah laba tinan labai, ili le ta Kindrei, ta aha amwenen. Arile, wurah taso amwenen doh badeh, winiyan basakalawi sekesek taso bwe. Tasah, sekesek nane aha adeu eme taso badeh, solo-an labai.

2 Korin 7:4

Jo asehek amwenen ewek taha. Jo ale batone ari sahou bwe. Jo badeh, sekesek taha, ma atudun nyara aha ta kandriyen aha a-en hamon ta aliy. Ta iri maha-an asahan tahi, jo badeh, abudon aha ma atehei budon in taha, ma idoh bwidi ndrinek amunum, ma jo sekesek tinan labai.

Pilemon 1:20

Ya, idoh handru. Eme ma ta nyara Laban, jo aseken ou amekes lakou badeh, keme tek. Talu ma la-uh ndrasahan lau ta Krais, ya ta kandriyen le doh, ou bwidi ndrinek sekesek labai.

1 Tesalonaika 2:19

Ta sasah handru, aso anya kawek hamon ta anyolom aha ja? I buku doh: Hamon kameh Laban tataha Jises eme hamon, ma taha kameh ales are madan ta sahou. Na len doh, aso katondrok saba lakou handru? Aso kasekesek na saba lakou handru? Aso kameh kasekesek ma kasehek nyala saba ndramas handru? Aso kameh sekesek taha le kabwai.

2 Jon 1:4

Jo sekesek handru ta anuhun buku nadum oro ra-on ndra-en hamon ta sahou handru, buku tama taha ndrabatanau taha, ta a-en hamon ta sahou tan.

2 Timoti 1:16

Arile, jo aso-ok Kindrei katikisi Onesiporus ma hawe lowan oro, tasah Onesiporus badeh, bwidi ndrinek sekesek san solo-an labai. Ma bwilin bama jo bwe, kala jo udu bolo asiu lulik dah.

1 Tesalonaika 2:13

Aso winiyan bamunyau ta adeu wurah ili ta Kindrei bwe. Tasah, ma bwena mene aha anuhun sahou ta Kindrei aso asehek ewek taha, ma aha a-en hamon ta aliy. Aha babudon anya, idah sahou ta lau le, bwe! Aha ndrandrei, buku sahou handru ta Kindrei, ma aha a-en hamon ta aliy. Ma sahou doh abadok ta amekes manyah ma budon taha mwan ma badih kudu mwasin ta madan.

1 Tesalonaika 1:3

Tasah, aso asolom, badeh, aso abudon i ta budon taha ale eme tutuni kandriyen taha nane mwasin, aha a-en hamon ta aliy, ma ta sa-ar taha, aha amekes ta a-en hamon ta kandriyen ta tikisi nadu tine aha iri rayah ja. Aha atondrok le Laban tataha Jises Krais kameh eme hamon ta akohok taha. Idoh le badeh, bwidi ndrine aha abadok ja, ta iri maha-an mari anya kasahan.

1 Korin 16:18

Jo badeh abwerei sese, arile oro lau ma taloh doh ame badeh, bwidi ndrinek ma hawe ndrine aha sekesek ale. Eme ma aha badeh, kasekesek iri lau buku doh.