Pilemon 1:4 - Nyindrou

⁴ Len marakon jo asolom ili ta Kindrei tek, jo badeh, abudon ou ma aloh nyaram ta adeu wurah i ta Kindrei.

Pilemon 1:4 Referans Kwoze

La-ukei ta Pol atorou ili tiri lau badu kon Rom 1:8

Ma mwena handru jo edeu wurah i ta Kindrei tek i san ta Jises Krais ewek taha mari, tasah lau mari badu kon munyak asehek anya, aha badeh, ndratehei budon taha handru ndra-en ta Jises Krais.

Epesus 1:16

Eme ma, len marakon jo edeu wurah ili ta Kindrei tataha. Jo badeh, bamani kandriyen ta asolom aha bwe. Len marakon ta salom, jo abudon aha ma jo asolom Kindrei kameh kaseben aha.

2 Timoti 1:3

Bwena mene, tubu oro badeh, a-en hamon ta kandriyen ta Kindrei ma atudun nyaran. Eme ma, jo ale ki-in hamon tan ta ndrinek, jo atona kandriyen jo in hamon ta aliy doh ta amekes gok tan, idoh amwenen handru. Na len dah badeh, jo abudon ou, ma jo edeu wurah i ta Kindrei, tasah ou badeh, atehei budon tam handru in tan, ma ou a-en hamon ta kandriyen tan.

2 Tesalonaika 1:3

Aha nadu tine, len marakon badeh, aso adeu wurah ili ta Kindrei ta aha. Handru, kandriyen ta tiye wurah i ta Kindrei doh amwenen. Tasah, budon taha badeh, asahan boto-on labai. Ma ale, aha marakon badeh, aso-ok nadu tine aha mwan ma badih rayah labai ja. Ma kandriyen mwasin asahan a sola le ai, ere ndrokowa aha.

1 Tesalonaika 1:2

Len mari aso ma taloh adeu wurah i ta Kindrei ta aha, ma aso asolom ili ta tama taha Kindrei, badeh aso aloh nyara aha len marakon udu bolo salom taso.

Kolosi 1:3

Udu bolo salom taru na len marakon badeh, aru asolom aha ma adeu wurah i ta Kindrei, iy tama Laban tataha Jises Krais.

Pilipai 1:3

Ya eme na saba len le badeh, jo abudon ado, udu bolo salom tek i ta Kindrei.

Pilemon 1:5

Tasah, jo anuhun iri lau rayah ta Kindrei asehek ou i buku doh, ou badeh, ndratehei ndrinem ndrala ta Laban Jises, ma ou ndratehei budon tam handru ndrala tan. Ma ou ale badeh, aso-ok iri lau mwan ma badih ta Kindrei tinan labai.