Pilemon 1:10 - Nyindrou

¹⁰ Eme ma, jo anya kasehek tam ki buku doh: Jo aso-ok ou tikisi Onesimus. Iy badeh, i buku naduk ari handru. Iy asahan naduk badeh, i buku doh: Jo udu bolo asiu lulik, jo leheya iy ta budon handru ta Kindrei. Ta idoh le, iy asahan naduk handru.

Pilemon 1:10 Referans Kwoze

Kolosi 4:9

Jo suni Onesimus ewek hawe Tikikus ale. Onesimus badeh, nadu tine taha ari in hamon le ta sahou handru ta Kindrei, iy badeh, badu hawe aha amwenen. Uru kameh asehek nyala aha, ta iri lakou marakon mene asahan dah.

1 Korin 4:15

Buku lau nyaran bwe leheya aha ta kandriyen ta Krais, jo le ari badeh, tama aha handru. Tasah, jo ndrasehek taha ta nyala Krais Jises, ma aha ndrasahan naduk handru.

1 Timoti 1:2

Jo atorou la-ukei dah i tam Timoti, ou naduk handru i san ta budon handru: Tikisiy ma mondrei ta tama taha Kindrei ma Krais Jises, iy Laban tataha badeh, kudu hawem.

Galesiya 4:19

Eme ya, aha naduk, jo atona isi, ma jo tikisi aha laba tinan labai, i buku isi ta badih anya kedeu nah udu ndrinen eme len. Tasah, len mari jo tikisiy ma abudon aha, ma atondrok kandriyen ta Krais handru barawek ndrine aha.

Taitus 1:4

Eme ya la-ukei dah badeh, jo atorou ewek tam, Taitus, tasah ou badeh, i buku naduk handru. Ou badeh, budon tam handru badeh, i le buku tek. Eme ya tikisiy ma mondrei ta tama taha Kindrei hawe Krais Jises ndramak ta aseben taha, kudu hawem.

Tarou ta Mak 9:17

Eme ndramak ari udu bolo iri anya, “Ndramak ta leheya, jo atiye naduk eme hawem ai, tasah malawin ndra-in udu la-un, ya iy winiyan basehek sahou bwe.

La-ukei ta Pol atorou ili tiri lau badu kon Rom 12:1

Ya eme aha nadu tine i san ta tikisiy tinan ta Kindrei, jo indrek aha katehei bada aha mari ki ndrabun, ki buku salom handru ki ta Kindrei kasekesek ta aliy. Idoh badeh, atudun handru ai.

1 Korin 4:14

Jo atorou la-ukei dah ta amekes bwili aha ama, bwe. Jo atorou, tasah, jo aso-ok aha labai. Aha asahan naduk handru, ma jo anya kamekes budon taha kudu mwasin.

Pilemon 1:11

Bwena mene iy bamekes ari gok mwasin ta aseben ou bwe. Arile na dah ja, iy ndrasahan mwasin labai, ta aseben talu ma la-uh.

Pilemon 1:13

Jo mene amekes gok ta atiye sahou mwasin, ma iri atehei jo ili bolo asiu lulik. Eme ma, jo bwetenei kandriyen mwasin ta Onesimus ja amekes udu bolo asiu lulik hawek, ya jo abudon ta iy kudu hawek kudu gwek, ma iy i nyara ou winiyan aseben jo udu dah.

3 Jon 1:4

Jo anuhun buku none ado naduk an hamon ta sahou handru, ya jo sekesek ya sekesek tek badeh, sakalawi budon tek mari.